Укучыларны киләчәккә әзерләү, һөнәр сайлау буенча төрле чаралар үткәрелә. Бүген 9 класс укучылары Арча агросәнәгать колледжы хезмәткәрләре белән очраштылар.  Агросәнәгать хезмәткәрләре колледжда алырга мөмкин булган һөнәрләр, укуга булган таләпләр белән таныштырдылар. Укучылар үзләрен кызыксындырган сорауларга җавап алдылар.

   Беренче класс укучылары тәүге дәреслек - "Әлифба" дәреслеге белән саубуллашалар. Мәмсә башлангыч мәктәбе филиалында бу бәйрәмне уздырдылар. Укучылар "Әлифба" дәреслеген онытмаслар!

   Бүген илебез халкы олы бәйрәм - Ватанны саклаучылар көнен билгеләп үтә. Безнең мәктәптә бу бәйрәм кысаларында волейбол ярышлары оештырылды. Мәктәбебезне тәмамлап, Татарстанның төрле почмакларында яшәүче ир-егетләребез кайтты бу ярышларга. Әтнә, Биектау районнарыннан, Арча, Казан шәһәрләреннән кайтканнар иде алар. Киеренке ярышта яшьләр командасы җиңеп чыкты.

    Юнармия отряды әгъзалары 23 нче февраль - Ватанны саклаучылар көненә карата стена газетасы чыгардылар.  Алар мәктәптә укытучы абыйларына багышлап, армия сафларында булганнарның тормыш юлларын тасвирлап бирделәр. Бу газета кече яшьтәге укучыларда зур кызыксыну уятты.

   23 февраль - Ватанны саклаучылар көне. Бүген иртәдән мәктәп гөрләп тора. Кызлар егетләрне- булачак солдатларны бәйрәм белән котладылар. Алар егетләр турында кызыклы видеоязмалар әзерләгәннәр, мәктәбебездзге иң-иң егетләрне билгеләделәр. Юнармия отряды әгъзалары спортның төрле төрләре буенча  "Иң шәп егет" конкурсы оештырдылар, шул егетләрне котладылар.

    Мәктәбебездә төрле даталарны билгеләп үтү традииягә керде. 21 февраль - туган тел көне. Бу көнне укучылар үзләрен төрле ярышларда сынадылар, телебезнең матурлыгы, аралашу коралы булуы турында сөйләштеләр.

    Әтнә районы Комыргуҗа урта мәктәбендә Ш.Мәрҗани исемендәне VII республика фәнни-гамәли конференциясе булып узды. Безнең мәктәп укучылары һәм укытучылары бу бәйгедә катнаштылар. 8 класс укучысы А.Галимзянова беренче, 9 класс укучысы Ә.Гараев  икенче урынны яуладылар. Татар теле һәм әдәбияты укытучысы А.Т.Ахмадуллина һәм Р.С.Шагидуллина укытучылар арасында барган ярышта  татар конгрессының махсус бүләгенә ия булдылар. Котлыйбыз!

Поздравляем призера заключительного этапа Республиканской олимпиады по технологии Гараева А, ученика 9 класса и учителя Камалиева Рустама Гарафутдиновича. Желаем успехов в дальнейшем работе!

    Бөтенроссия укучылар олимпиадасының технология буенча республика турыннан мәктәбебезнең 9 класс укучысы Ә.Гараев зур җиңү белән кайтты. Ул төрле районнардан килгән укучылар арасында үзен лаеклы күрсәтте - призер булды. Аны бу ярышка технология укытучысы Р.Г.Камалиев әзерләде.

    Республикада. районда ТАССРның оешуына 100 еллыкка карата тантаналар уза. Шундый тантаналарның берсе - туган җир, туган як турында шигырь уку буенча конкурс бүген районда уза. Бу конкурста 5 класс укучысы К.Ахмадуллин катнашты һәм дипломга лаек булды