Көзге "Мәрхәмәтлелек" атналыгы кысаларында классларда тәрбия сәгатьләре узды.  "Мәрхәмәтлелек"   атналыгында өлкәннәргә, ялгызларга төрле ярдәм оештырылачак.

    Мәктәпләрдә укулар башланды. Бу чорда укучылар арасында юл йөрү кагыйдәләрен бозу очраклары арта. Шушы куркынычсызлыкны булдырмау максатында, республикабызда куркынычсызлык айлыгы башланды. Безнең мәктәптә дә юл йөрү кагыйдәләрен өйрәнү чаралары үткәрелә.

   3 сентябрь - илебез тарихында канлы тамга белән язылган көн. 2004 нче елның 3 сентябре көнендә Беслан шәһәрендә террористлар мәктәпне штурмладылар. Шушы көннәрдә Бесланда 300 дән артык кеше һәлак булды. Шуның 100 дән артыгы - мәктәп укучылары. Бүген мәктәпләрдә терроризмга каршы көрәш чаралары искә төшерелде, класс сәгатьләре узды.

   2 сентябрь - Икенче Бөтендөнья сугышы тәмамланган көн. Шушы уңайдан классларда "Рәхмәт" эйтергә вакыт" дип аталган батырлык сәгатьләре узды. Бу сәгатьтә Бөек Җиңүнең 75 еллыгына багышланган төрле акцияләр узды.

    Бүген илебездә барлык мәктәпләр үз укучыларын беренче дәрескә дәшә. Безнең мәктәптә дә, куркынычсызлык кагыйдәләрен саклаган хәлдә, тантаналы линейка узды. Башка еллардан аермалы буларак, мәктәпкә ветеран укытучылар, әти-әниләр, авыл халкы чакырылмады. Укучыларны мәктәп директоры И.И.Гибадуллин, ТР табигый ресурсларны саклау буенча территориаль җитәкчелегенең баш дәүләт инспекторы урынбасары Л.Ә.Касыймов, укыту эшләре буенча директор урынбасары Ә.Ә.Вафина, башлангыч класслар укытучысы Г.З.Фазуллина котлады. Бүген иң җылы сүзләр 1 нче сыйныфка укырга керүче балаларга багышланды. Аларга укуларында уңышлар теләнде, 9 класс укучылары истәлекле бүләкләр, белем ачкычы тапшырдылар. Беренче звонок  та алар өчен чыңлады.

   Хөрмәтле мөгаллимнәр, укучылар, ата-аналар! Августның соңгы көне якынлашты. Иртәгә - 1 сентябрь, Белем көне! Кыңгырау безне 2020-2021 нче уку елының беренче дәресенә дәшәчәк. Барыгызга да ныклы сәламәтлек, зур уңышлар, шатлыклар теләп калабыз!  "Белем алу - энә белән кое казу", - ди халык мәкале. Димәк, барыбызга да нык тырышырга туры киләчәк. Хәерле сәгатьтә атсын 1 нче сентябрь таңы!

Уважаемые родители! С 1 февраля 2020 года начинается прием заявлений в 1 класс МБОУ «Ташкичинская ООШ» на 2020 — 2021 учебный год.

   Педагогик хезмәткәрләрнең август конференцияләре башланды. Башка еллардан аермалы буларак, ул онлайн форматта уза. Педагогик хезмәткәрләр 2020-2021 нче уку елы проблемалары, аларны чишү юллары турында фикер алышалар, яңалыклар белән танышалар.

   2020 нче елның 11-15 август көннәрендә Казан шәһәренең "Идел " яшьләр лагеренда яшүсмерләр матбугатының "Алтын каләм"- "Золотое перо 2020" фестивале булып узды. Бу чарада безнең мәктәпнең 9 класс укучысы А.Касимова да катнашты.  Яшүсмерләр өчен оештырылган һәрбер чарада Алсу актив булды. Фестиваль нәтиҗәләре буенча, ул "Шәхри Казан" газетасының махсус призына ия булды, шушы газетада стажировка үтәргә чакыру алды. Котлыйбыз!

    Җәй буе мәктәп яны тәҗрибә участогында эш кайнап торды. Тырыш хезмәт нәтиҗәсе - уңыш та мул булды. Суган, сарымсак бик уңды. Карлыган җыйнап алынды. Кишер, бәрәңге дә мул булырга тора.