Хезмәт  һәм  сәнгать атналыгы  кысаларында  1-8 сыйныф укучылары арасында “Күңелле бизәлеш” һәм  “Тылсымлы пластилин”   конкурслары үткәрелде. Укучыларның эшләре  бәяләнде. Укучылар конкурсларда бик теләп катнаштылар.                                            

23 нче февраль - Ватанны саклаучылар көне уңаеннан укучылар рәсем дәресләрендә әлеге темага рәсемнәр ясадылар. аларның эшләреннән күргәзмәләр дә оештырылды.

Россия армиясе – дөньядагы иң зур армия. Анда миллионнан артык солдат хезмәт итә. Шул солдатлар арасында безнең Курса җирлегеннән да 4 егетебез бар: Гатауллин Альмир, Габделбәров Альмир, Яруллин Илназ, Сәмигуллин Илмир. Алар бүгенге көндә иксез-чиксез илебезнең төрле шәһәрләрендә үзләренең изге бурычларын үтиләр.  Тиздән бәйрәм- 23 февраль- Ватанны саклаучылар көне. Шул уңайдан армия сафларында хезмәт итүче егетләребезнең әниләре белән  “Туган якка солдат сәламе” исеме астында очрашу кичәсе узды.

Бүген 8 нче класста "Онытмадык...Мәңге онытмабыз алар батырлыгы турында!" дигән темага класс сәгате үтте. Бөек Ватан сугышы ветераны Фәхретдинов Әсхәдулла абыйның улы Рафаэль абый укучылар белән очрашуда әтисенең сугышчан юлы турында сөйләде, укучыларга киңәшләрен бирде.

16 нчы февраль көнне Арча стадионында Ф.Гәрәфиев истәлегенә чаңгы ярышы үтте. Әлеге ярышта Арча, Балтач, Кукмара районнарыннан, Киров өлкәсеннән килгән чаңгычылар көч сынашты. Мәктәбебез командасы әлеге ярышта 2 нче урынны яулады. (Тренер - Мингазов М.В.) Ярышта катнашучы барлык укучыларны җиңүләре белән котлыйбыз!

Герой-шагыйрь Муса Җәлилнең тууына 113 ел тулуга багышлап мәктәптә батырлык темасына класс сәгатьләре, әңгәмәләр, М.Җәлил иҗаты  буенча викториналар үткәрелде. Томыш юлын һәм иҗатын чагылдырган күргәзмә эшләде.

14 нче февраль көнне мәктәптә Совет гаскәрләренең Әфганстаннан чыгарылуына 30 ел тулуга багышланган "Язмыштан без җиңел юл өмет итмәдек" дигән әдәби-музыкаль кичә үтте. Әлеге кичәдә Алан авылында яшәүче, Әфганстанда хәрби бурычын үтәгән Садыйков Фәнис Турис улы да катнашты. Әфган сугышы, әлеге сугышта искиткеч күп корбаннар булуы,  Интернационалист сугышчыларны искә алу көне турында тарих һәм җәмгыять белеме укытучысы Шәфигуллин Н.Ф. чыгышы тыңланды. Әфганстан вакыйгаларын чагылдырган документаль фильм күрсәтелде. Шулай ук  әфганчы-авылдашлар турында стенд эшләнде, презентация әзерләнде. Очрашуга килгән әфганчы-ветеранга укучылар һәм килгән кунаклар катнашында чыгышлар тәкъдим ителде. Укучылар әфганчы-ветеранга үзләрен кызыксындырган сорауларын бирделәр.

В рамках недели английского языка был проведен вечер, посвященный Дню Святого Валентина. Ребята узнали много интересного о том, как празднуется этот день в разных странах, о его истории, символах и украшениях.