“Көзге мәрхәмәтлелек атнасы”ның бер көне экологик проблемаларга багышланды. Укучылар елга буйларын, чишмә яннарын чистарту эшендә катнаштылар. “Табигатьне саклау - үзебезне, киләчәгебезне, өебезне саклау” - диләр алар.

Мәктәп яны участогында эш гөрли. Укучылар үзләре үстергән яшелчәләрдән мул уңыш җыеп алдылар.

Балаларны юл йөрү кагыйдәләренә өйрәтү- заманыбызның иң актуаль мәсьәләләренең берсе. «Игътибар, балалар!» айлыгы кысаларында бүген 5 нче сыйныф укучылары экскурсиягә чыкты. Алар мәктәпкә бару юлында урнаштырылган юл билгеләрен карадылар, җәяүлеләрнең юлда йөрү кагыйдәләрен искә төшерделәр, белгәннәрен ныгыттылар.

9 класс укучылары эшче һөнәрләр белән якыннанрак танышу максаты белән, Курса МТСының машина тракторлар паркына барып, хуҗалыкның инженер-механигы Мирзанур Шакировка үзләрен кызыксындырган сорауларын бирделәр, эретеп ябыштыручы , шофер, тракторчылар белән әңгәмә кордылар.

1 нче сыйныф укучылары белән "Мин - җәяүле" темасына сыйныф сәгате узды. Укучыларга юл йөрү кагыйдәләре, яктырткычларның әһәмияте аңлатылды, имин маршрут ачыкланды.

Укучылар белән “Җиңү дәресе” темасына класс сәгате үткәрелде. Укучылар үзләренең фикерләре белән уртаклаштылар, сугышта катнашкан әби-бабаларын искә алдылар.

Бүген 5-6 нчы сыйныф укучылары “Тирәнлек” дип аталган тарихи квестта катнашты. Бу уен Баренц диңгезендә су асты көймәсендә хезмәт иткән, үз гомерләрен куркыныч астына куеп, иптәшләрен коткарган морякларга багышланды. Укучылар төрле конкурсларда катнаштылар, су асты көймәләре, Россия геройлары турында күп информация алдылар. Җиңүчеләр Дипломнар белән бүләкләнде.

Мәктәбебездә «Көзге игелек атнасы - «Мәрхәмәтле Татарстан» акциясе старт алды. Бүген әлеге акциянең беренче көне. Ул “Һәр көнне игелек кыл” девизы астында үтте. Укучылар акциянең максаты, программасы белән таныштылар; авыр хәлдә калган кешеләр турында информация алдылар, аларга ярдәм итү юлларын ачыкладылар. “Мөстәкыйль балалар” проектында катнашучылар да сәламәт яшәү рәвешен пропагандалау максатыннан узләренең тәкъдимнәре белән таныштырдылар.

В нашей школе состоялась Республиканская антиалкогольная акция «Здоровая пробежка». Мероприятие прошло в рамках республиканского антинаркотического проекта «SaMoSтоятельные дети». Участники акции провели пробежку по заранее определенному маршруту. В ходе акции раздавали информационные буклеты «Живи правильно!». Будем надеяться, что данная акция принесет пользу для подрастающего населения.

3 сентябрь - терроризмга каршы көрәшкә теләктәшлек белдерү көне. Бүген мәктәптә шушы хәтер көненә багышланган сыйныф сәгатьләре, әңгәмәләр үтте. Укучыларга һәрчак игътибарлы булырга, саклану чараларын кулланырга тәкъдим ителде. Җиребездә һәрчак тынычлык булсын, Төньяк Осетиядәге хәлләр кабатланмасын иде.