26 нчы октябрьда Сарай-Чокырча башлангыч мәктәбе укучылары белән «Коррупциягә каршы көрәштә мин нәрсә эшли алам?» темасына тәрбия сәгате үткәрелде. Укучыларга коррупция турында төшенчә бирелде, аның билгеләре белән таныштырылды. Коррупцияне тормыш шартларында таный белергә, коррупция китергән зыянга үз фикереңне белдерә белергә өйрәтелде. Ахырдан  “Надо жить честно!” рәсем конкурсына нәтиҗә ясалды.

    Үткәнен белмәгәннең киләчәге юк диләр. 1, 3 нче сыйныф укучылары әби-бабайларыбызның тормыш-көнкүреше белән танышу өчен мәктәбебездәге "Туган якны өйрәнү музее" нда экскурсиядә булды. Укучылар экскурсоводларның чыгышларын игътибар белән тыңладылар, экспонатларны кызыксынып күзәттеләр, туган авылыбызда туып-үсеп, зур дәрәҗәләргә ирешкән шәхесләр тормышы белән таныштылар.

Бүген Форпост оешмасында торучы укучылар белән очрашуга мәктәпләр буенча  инспектор Нигъмәтуллин М.К., районның  Форпост оешмасы җитәкчесе Минһаҗев Г.Ш. килде. Мансур Камбилович укучыларның мәктәптә, җәмәгать урыннарында  үз-үзләрен тотышына, тәртип мәсьәләләренә басым ясаса, Гомәр Шәрифҗанович Форпост оешмасының роле, укучыларның вазифалары, төрле конкурсларда катнашу мөмкинлеге турында сөйләде. Әлеге очрашу укучылар өчен файдалы узды.

9нчы сыйныфта “Минем хокукларым” дигән темага класс сәгате үтте. Укучылар кеше хокуклары, бала хокуклары төшенчәсе белән таныштылар. Үз хокуклары турында белемнәрен киңәйттеләр. Дәрестә алар хокукый алымнар белән проблемалы ситуацияләр чишәргә өйрәнделәр. 

18 нче октябрь көнне 5 нче класс укучылары белән пожар куркынычсызлыгы темасына  әңгәмә үткәрелде.  Укучыларга шырпы сызып уйнауның, кызыксынып әйберне яндырып карауның нинди нәтиҗәләргә китерәчәге төшендерелде. Газ исе килсә  ут кабызырга яки сүндерергә, газ комфоркасын ачарга ярамаганлыгы искәртелде. Укучылар әңгәмә барышында актив катнаштылар, үзләренең фикерләрен җиткерделәр, белемнәрен тирәнәйттеләр. 

В школе прошла антиалкогольная акция «Здоровая пробежка». Члены отряда «Ritm» участвовали в этой акции. Осенняя погода не помешала участникам забега. После пробежки учащиеся сфотографировались  на фоне  золотой осени.

Олимпиадаларның мәктәп туры башланды. Укучылар төрле фәннәр буенча үзләренең белемнәрен сыный.