Мәктәптә “Сәламәт ана-сәламәт бала!”акциясе үткәрде. Акциядә кечкенә сыйныф укучылары да теләп катнашты: алар әниләргә бүләк әзерләде, гаилә темасына рәсемнәр ясады. “Ritm” мөстәкыйль балалар отряды әниләр белән әңгәмәләр уздырды, аларга матур теләкләр язылган кечкенә йөрәкләр тапшырды. 

     15 ноября в школах прошли экскурсии, в которых учащиеся познакомились с проблемами переработки мусора и сбора вторичного сырья. Задача экскурсий – изменить отношение к проблеме граждан, большинство из которых полагает, что она сама собой решается после того, как бытовые отходы попадают в контейнер для сбора мусора.

13 нче  ноябрь көнне 7 нче класс  укучылары белән “Күңелле стартлар” ярышы үткәрелде.  Укучылар  бу уеннарны көтеп алалар, бик теләп катнашалар. Егетләр  бу юлы да үзләрен җитезлектә, кызулыкта һәм тапкырлыкта сынадылар. Батыр булу өчен әлеге сыйфатларның әһәмиятле булуына инандылар. 

10 нчы ноябрь көнне 4 нче сыйныф укучылары  белән “Ут дус та, дошман да” дигән темага тәрбия сәгате уздырылды. Дәрестә  укучыларга янгын куркынычсызлыгы кагыйдәләре аңлатылды. Утның җылылык һәм яктылык чыганагы гына түгел, саксыз эш иткән очракта күп бәла-казалар сәбәпчесе булуы, “Янгын-зур фаҗига” икәне укучыларга хикәяләр,шигырь, мәкальләр аша төшендерелде, анализланды. Укучылар ут һәм көнкүреш приборлары белән ничек сак, дөрес эш итү турында фикер алыштылар.

Мәгълүм булганча, быел 6 ноябрьдә Татарстан Республикасы Конституциясе кабул ителүгә 25 ел булды. Безнең барлык эш-гамәлләребез Татарстан Конституциясе кысаларында алып барыла. Ул төп закон буларак, республикабызның барлык халкы өчен хокукый гына түгел, әхлакый кыйбла да булып санала. Шуңа без аны тирәнтен өйрәнергә тиеш. Укучыларга бүген әнә шулар хакында кабат аңлатылды һәм Конституция кабул ителү тарихын чагылдырган видеофильм күрсәтелде.

     30 октябрь илебездә Сәяси репрессия корбаннарын искә алу көне буларак билгеләп үтелә. Россия тарихында җан өшетерлек вакыйга булып уелып калган репрессия еллары әле бүген дә күпләрнең күңелендә саклана. Күпме кеше гөнаһсызга рәнҗетелеп, төрле җинаятьләрдә гаепләнеп, туган якларыннан куылган, физик һәм рухи яктан юк ителгән. “Халык дошманы”, “Халык дошманы баласы” дигән тамга аларга тыныч яшәргә ирек бирмәгән, һәркөнне җәберләүләргә дучар итеп торган. Нахакка гаепләүләр күпме кешенең гомерен вакытыннан алда алып киткән, күпмесенең йөрәген, җанын әрнеткән, әби-бабалары нигезен, туфрагын соңгы сулышларына кадәр сагындырып яшәткән.

28 октябрь көнне «Арча» спорт комплексында танылган ветеран көрәшче Мортазин Фәргәт  истәлегенә 2002-2003 нче елгы һәм аннан яшьрәк егетләр арасында көрәш буенча Республикакүләм турнир уздырылды. Турнирга күрше-тирә районнарның (Әтнә, Балтач, Теләче, Кукмара, Биектау, Саба, Арча) көрәшче малайлары җыелды. Бу турнирда мәктәбебездән Вәлиев И. (6 кл.), Нурисламов Р. (9 кл.), Мөхәрләмов А. (9 кл.), Закирҗанов И. (9 кл.) катнаштылар.  Үз үлчәү авырлыкларында  Нурисламов Р. (9 кл.), Мөхәрләмов А. (9 кл.) җиңү яуладылар һәм  икесе дә 1 нче  урынга  лаек булдылар. Мәктәп данын яклаган егетләребезгә һәм тренерлары Әхмәдиев М.Г.  зур рәхмәтебезне җиткерәбез һәм алдагы ярышларда уңышлар теләп калабыз.