Татар халкы элек–электән хезмәт сөючәнлеге белән дан тоткан. Балаларны да кечкенәдән эшкә өйрәткәннәр, башкаларның хезмәтенә хөрмәт тәрбияләгәннәр. Чыннан да, үзенә бер шөгыль тапмаган, хезмәт куймаган кешегә яшәү кызык түгелдер ул. Һәр бала кечкенәдән нәрсә белән булса да кызыксына. Хезмәт сөйгән кеше генә тормышта үз урынын таба ала.

Яшь буында сәламәт тормыш рәвеше күнекмәләре булдыру максатыннан мәктәбебездә әңгәмәләр, төрле чаралар үткәрелә. Яшүсмерләргә дөрес тәрбия бирү, аларны физкультурага, спортка, сәламәтләндерү чараларына тарту һәрберебезнең бурычы булып тора. Сәламәт яшәү рәвеше булдыруда  отышлы ысул – физик күнегүләр. Физкультура, физик күнегүләр белән шөгыльләнү, үзеңнең организмыңны чыныктыру, зарядка ясау, күбрәк хәрәкәтләнүнең нинди зур әһәмияткә ия икәнен һәркем белә.8 нче сыйныф укучылары физик күнегүләрне теләп һәм яратып эшлиләр.

Арчаның №6 нчы мәктәбендә "Талантлар Университеты" проекты буенча укулар башланды. Әлеге укуларда мәктәбебездән тарих һәм җәмгыять белеме укытучысы Шәфигуллин Н.Ф., 8 нче класс укучысы Яруллин Дәниф катнаша.

Курса Почмак урта мәктәбендә уздырылган зонакүләм итекле хоккей ярышында мәктәбебез егетләр командасы 2 нче урын яулады. Укытучылары – Мингазов М.В.

Бүген мәктәптә ата-аналар җыелышы үтте. Укыту-тәрбия эшләре буенча директор урынбасары Вәлиева Н.Т. 2 нче чирек нәтиҗәләре белән таныштырды. "Укучыларда кешелеклелек сыйфатлары тәрбияләүдә гаиләнең роле" темасына Юнысова Р.К. чыгышы тыңланды. Арча гуманитар - техник техникум директоры Мамаделеева Р.Р. техникумда үзләштерергә мөмкин булган белгечлекләр, керү шартлары турында сөйләде. 9 нчы класста узган класс җыелышында ата-аналарга ТДИ бирү тәртибе аңлатылды, фән укытучылары имтиханнарны бәяләү нормалары, сынау имтиханнары нәтиҗәләре белән таныштырдылар. Калган классларда да класс җыелышлары үтте.

Каникул вакытларында Арча районы мәктәпләре арасында "Иң яхшы шахматчы-2019" исемен алу буенча шахмат ярышы үтте. Әлеге мәртәбәле исемгә бу ярышта 3 нче урынны яулаган Шагниев Рәмзил лаек булды. (тренеры - Лотфуллин М.Л.) Рәмзилне зур уңышы белән котлыйбыз!

Бүген мәктәптә Зәйнетдинов Алмаз Мәсгут улы истәлегенә районкүләм волейбол ярышы узды. Биредә Арчадан Муллагалиев Р.А., Таджибаева В.Р., күмәк хуҗалык рәисе Гыйләҗетдинов Р.Г., Алмазның әти-әнисе, тормыш итптәше, балалары, туганнары, дуслары катнашты.  Ярышта барлыгы 9 команда көч сынашты. 3 нче урынны Арчаның ДЮСШ командасы,  2 нче урынны Арча станциясе командасы, ә 1 нче урынны Алмазның кул астында шөгыльләнгән укучылардан торган "Курса яшьләре" командасы алды. Җиңүчеләргә грамоталар һәм медальләр тапшырылды. 

Каникул вакытында теләгән укучыларга мәктәп янындагы трассада чаңгы шуу мөмкинлеге тудырылды.  

5 нче гыйнвар көнне Арча шәһәре стадионында чаңгыда узышу буенча эстафета ярышлары булып узды. Ярышта мәктәбебезнең егетләр командасы катнашты. Командадагы егетләребез уңышлы чыгыш ясады.  Аларга алдагы ярышларда зур уңышлар телибез.