Узган ял көнендә мәктәбебез спортзалы гөрләп торды. Биредә Югары Курса, Урта Курса, Түбән Курса, Алан, Корайван, Сеҗе, Мөрәле авылларыннан җыелган яшьләр арасында волейбол ярышы үтте. Ярыш бик зур киеренкелек белән, җанлы барды. Иң көчле командаларны "Курса МТС" ы җитәкчесе Гыйләҗетдинов Р.Г., Муллагалиев Р.Ә. улы да котларга килгән иде. Нәтиҗәләр түбәндәгечә булды: 1 урында - Алан яшьләре, 2 урында - Югары Курса яшьләре, 3 урында - Сеҗе авылы яшьләре. Җиңүчеләргә акчалата бүләкләр тапшырылды. Барлык җиңүче командаларны да котлыйбыз!

Теләче районында 2002 нче елгы һәм яшьрәк яшүсмерләр арасында Россиянең һәм Татарстан Республикасының, Башкортстанның халык артисты, автоспорт буенча спорт мастеры Салават Фәтхетдинов призына көрәш буенча республика турниры үтте. Бу ярышта мәктәпнең 9 нчы класс егетләре дә катнашты. Нурисламов Р. призлы 2 нче урын, Мөхәрләмов А. 3 нче урынны яулады. Җиңүчеләргә истәлекле бүләкләр, кубоклар тапшырылды. Җиңүчеләрне котлыйбыз!

“Акчаңны югалтсаң - бернәрсә дә югалтмыйсың, вакытыңны югалтсаң – күп нәрсәне югалтасың, ә сәламәтлегеңне югалтсаң – барысын да югалтасың”. Сәламәтлек - кеше өчен иң кадерле нәрсә, ләкин аны сакларга кирәк. Бер югалтсаң, аны кире кайтаруы бик авыр. Сәламәт булмаган кешегә дөньяның бер кызыгы да юк. Укучыларда сәламәт тормыш рәвеше, дөрес туклану, көндәлек режимны төгәл үтәү, сәламәтлекне саклау һәм ныгыту күнекмәләре булдыру омтылыш тәрбияләү максатыннан  4 нче сыйныф укучылары белән “Сәламәтлек-зур байлык” дигән темага  сыйныф сәгате уздырылды һәм гимнастик күнегүләр эшләтелде.

Бүген "Сәламәт бул!" Бөтенроссия акциясе кысаларында класс сәгатьләре, әңгәмәләр, рольле уеннар, 7-9 нчы класс укучылары катнашында командаларга бүленеп брейн-ринг уздырылды. Укучыларга сәламәт булу, аны саклау серләре, сәламәт яшәү рәвеше кагыйдәләре аңлатылды, бурычлар куелды.

Арча балалар сәнгать мәктәбендә республикакүләм үткәрелүче "Без бергә" фестивале үтте. Әлеге чарада зона этабында җиңеп чыккан "Мизгел" бию төркеме һәм 3 нче класс укучысы Закирҗанов Кәрим катнашты. Алар икесе дә бу бәйгедә лауреат исеменә лаек булдылар. Котлыйбыз!

30 марта на базе МБОУ «Нижнеметескинская ООШ» был проведен районный этап Всероссийского конкурса юных чтецов «Живая Классика- 2018». Ученица 9 класса нашей школы Султанова Камиля была награждена  Дипломом III степени, прочитав отрывок из произведения Л.Чарской «Моя мамочка». Её руководитель – учитель русского языка и литературы Гимадиева Гульгена Нурулловна. 

25 март көнне Казанда "Алтын мирас" балалар һәм яшьләр иҗаты республика фестивале узды. Әлеге бәйгедә укучыларыбыз уңышлы чыгыш ясадылар: Закирҗанов Кәрим "Вокал" номинациясендә I дәрәҗә лауреат, Минһаҗев Самат "Инструменталь башкару (баян)" номинациясендә II дәрәҗә лауреат исеменә лаек булдылар (укытучылары Гайнуллин Б.М.) Уңышларыгыз белән котлыйбыз!