Укучылар арасында "Иң матур сыерчык оясы" конкурсы игълан ителгән иде. Бик күп укучылар әтиләре белән тырышып сыерчык оялары ясадылар. Иң матур сыерчык оясы ясаган 6 нчы класс укучысы Шәфигуллин Әмирнең эше район буенча уздырылучы конкурста катнашачак.

Бүген иртәнге линейкада мәктәп күләмендә уздырылган чаңгы ярышы җиңүчеләре бүләкләнде, грамоталар тапшырылды. 

Яшь буынның сәламәт булып үсүендә, дөрес туклану зур роль уйный. Туклану – шулай ук сәламәт яшәү рәвешенең бер шарты ул. 8 класста Дөрес туклану - сәламәтлек нигезе" дигән темага сыйныф сәгате үтте. Укучылар анкета сорауларына җавап биреп үзләренең дөрес туклану күләмен ачыкладылар, Күп сорауларга җаваплар таптылар.

Һәр ел саен мәктәбебездә Арча агросәнәгать көллияте вәкилләре 9 сыйныф укучылары белән очрашу уздыралар. Бүген дә алар укучылар белән очрашып, көллият хакында файдалы мәгълүматлар бирделәр, көллият әзерли торган белгечлекләр, керү тәртибе, яшәү шартлары белән таныштырдылар. Укучылар әлеге очрашуда үзләрен кызыксындырган сорауларга җаваплар таптылар.

Мәктәптә республикакүләм уздырылучы "Без бергә" фестиваленең мәктәп туры үтте. Укучылар төрле номинацияләрдә үзләрен сынап карадылар. Аларның район турында уңышлы чыгыш ясауларын телибез.Уңышлар!

Мәктәбебезнең сандугачы, 4 нче класс укучысы Закирҗанов Кәрим "Арча йолдызлары-2019" фестивалендә катнашып, уңышлы чыгыш ясады һәм лауреат дипломына лаек булды. (Җитәкчесе - Гайнуллин Б.М.) Афәрин, Кәрим! Сиңа алга таба да уңышлар телибез.

Кадерле хатын-кызлар - әниләр, әбиләр, апалар, сеңелләр! Сезне чын күңелдән 8 Март бәйрәме белән котлыйбыз. Бу бәйрәм сезгә тормыш яме, яшәү көче өстәсен. Бәхет нурында коенып, назга күмелеп, сөеп-сөелеп яшәгез. Бәйрәм белән!!!

Бүген 1-3 нче класс укучыларының әниләре бәйрәм кичәсендә катнашты. Укучылар газиз кешеләренә үзләренең матур җырларын, шигырьләрен, биюләрен бүләк иттеләр, укытучылары белән бергәләп күңелле ял оештырдылар.