Бүген балалар белән очрашуга ГИБДД инспекторы кунакка килде. Балалар "Юллар гыйлеме" дип аталган кичэ күрсәттеләр, инспектор белән әңгәмә булып узды. Кичә ахырында инспектор балаларга бүләкләр өләште.

Лагерьнең 13 нче көне. Буген балалар белән сәламәтлек темасына әңгәмә булып узды, 2 командага бүленеп футбол уйналды, тәмле һәм файдалы ризык ашаганнан соң "Мин сәламәт яшәу рәвеше яклы" дигән рәсем конкурсы уздырылды. 

Лагерьның 12 нче көне Россия көненә туры килде. Иртәбез флаг күтәру, иртәнге зарядка белән башланып китте һәм туган якка экскурсия белән дәвам итте. Көн ахырында барлык балалар да шарлар белән бүләкләнде.

Кояшкай мәктәп яны лагереның бүген 11 нче көне. Иртәнге аш ашаганнан соң Фәнзилә Камиловна балаларга оригами технологиясе белән күбәләк ясатты. Көннең икенче яртысында  клуб мөдире Равия апалары балалар мәйданчыгында балаларга кызыклы уеннар уйнатты.

Лагерьда 9 нчы көн. Лагерь эшчәнлеген дәвам итә. Укучыларыбыз бүген китапханәдә экскурсиядә булдылар, яңа кайткан китаплар белән таныштылар.

Лагерьда 8 нче көн. Бүген лагерьда җитезлегебезне, кыюлыгызны сынадык. Балалар "За колобком" спорт марафонында ярыштылар. Беркем  дә читтә калмады, һәрберсе үз командасы өчен җан атты.

Бүген укучылар арасында "Минем гаиләм" темасына рәсемнәр ясау конкурсы үтте. Ә аннары алар авыл читендәге соры челәннәр колониясенә экскурсиягә бардылар.