Бүген Арчада мәгариф хезмәткәрләре катнашында мәктәпләр ярминкәсе үтте. Ярминкәдә мәктәп коллективы да зур ассортимент белән катнашты.

Уку елы башланырга да санаулы гына көннәр калды. Бүген мәктәпнең яңа уку елына әзерлеген тикшерү, ягъни мәктәпне кабул итү үтте.  Мәгариф идарәсе, гадәттән тыш хәлләр, янгын күзәтчелеге бүлеге, роспотребнадзор хезмәте белгечләре, балигъ булмаган балалар белән эшләү комиссиясе  мәктәпнең  уку елына әзерлеген тикшерде. Комиссия тарафыннан мәктәпнең  әзерлегенә  уңай бәя бирелде.

Бакчада яшелчәләр көннән-көн күтәрелә. Кәбестәләр дә мул уңыш вәгъдә итә. Укучылар аларга көн дә су сибә.

Быел да мәктәп бакчасына бик күп чәчәкләр, яшелчәләр утыртылды. Җәйге ял вакытында укучылар график нигезендә аларны чүптән арындыралар, су сибәләр, төпләрен йомшарталар.

Лагерьның соңгы көне бик күңелле үтте. Клуб мөдире Равия апай балаларга "Табигать тиңсез хәзинә" дигән викторина әзерләгән иде. Балалар бик теләп катнаштылар, ахырдан дискотека оештырылды. Шулай ук 22 нче июнь-хәтер көне уңаеннан  әңгәмә узды, балалар шул темага рәсемнәр ясадылар.

Бүген лагеребызның 20 нче көне җәй айларында туган көннәрен уздыручыларга багышланды. Балалар белән табигать кочагына походка чыктык.

Безгә бергә бик рәхәт! Шундый девиз астында бүген кояшкай лагерендә фотосессия булды. Тәмле аштан соң "Минута славы" конкурсында балалар үзләренең осталыкларын күрсәттеләр.

Лагерьнең 18 нче көне. Бүген балалар арасында рәсем конкурсы булып узды, алар Югары Курсада урнашкан китапханәгә сәяхәт кылдылар.

Лагерьнең һәр көне сизелмичә генә бик күңелле үтеп бара. Балалар белән көлке көне уңаеннан кызыклы шаржлар ясадык, колхозның гаражына сәяхәт кылдык. Балаларга Фәрит абый кызыклы һәм эчтәлекле экскурсия үткәрде.

Бүген лагеребезда олимпия уеннары көне. Балалар командаларга бүленеп футбол, пионербол, волейбол һәм үрдәк атыш уеннарында көчләрен сынадылар.