Бүген мәктәп спортзалында "Курса МТС" ы җитәкчесе Гыйләҗетдинов Р.Г. призына 2002 нче елгы яшүсмерләр һәм яшьрәкләр арасында район беренчелегенә көрәш ярышы үтте. Биредә 20 мәктәп командасыннан 100 ләп көрәшче бил алышты. Безнең мәктәпнең тренеры М.Г. Әхмәдиев җитәкчелегендәге көрәшчеләр бу юлы да сынатмады. Команда 1 нче урынны яулады һәм кубокка лаек булды. Абсолют батыр булып мәктәпне тәмамлаган укучыбыз Нурисламов Рәниф калды. Призлы урыннар алган Гыйләҗев Азатны, Бохаров Камилне, Камалов Илнарны, Гатауллин Радикны, тренер М.Г.Әхмәдиевны әлеге ярышта җиңүләре белән котлыйбыз, аларга алдагы ярышларда да зур җиңүләр телибез. 

        Музей ул - тарих, дибез. Әйе, үткәнне, бүгенгене киләчәк буын яхшы белергә тиеш. Бүген Сарай-Чокырча башлангыч мәктәбендә М.Мәһдиев музее мөдире Халидә Габидуллина белән очрашу булды. Ул укучыларны М. Мәһдиев тормышын тасвирлаган күп төрле материаллар, фоторәсемнәр, төрле-төрле экспонатлар белән таныштырды. Балаларга әти-әни тигезлегендә, тыныч илләребезнең кадерен белеп, яхшы итеп укуларын, тәрбияле, инсафлы  булуларын теләде. Очрашу истәлеге итеп  китаплар бүләк итте.

Кыш ничек кенә карышса да, яз үзенекен итә.  Тагын бераз гына вакыт узар һәм кешеләр басу- кырларда, бакчаларда язгы эшләргә тотыныр. “Язның бер көне ел туйдыра” - ди халык мәкале. Шул мәкальне истә тотып, мәктәптә җәйге бакча эшләренә әзерлек башланды.  Помидор, борыч, баклажан кебек яшелчә, петуния, сальвия чәчәкләре матур гына тишелде, тәрәзә төпләренә яшел үсентеләр урнаштырылды.

 Юл йөрү кагыйдәләрен искәртү - сыйныф житәкчесенең көндәлек бурычы. Ә яктырткычлар укучыларны хәвеф-хәтәрләрдән саклауда бик кирәкле элемент. Шул уңайдан укучыларның язгы киемнәрендәге  яктырткычларны барладык. Укучыларыбыз һәм аларның әти-әниләре бу мәсьәләгә бик жаваплы карады.

21-24 нче март көннәрендә Арча шәһәрендә Татарстан Республикасы беренчелегенә волейбол ярышлары үтте. Район командасы составында мәктәбебезнең 9 нчы класс укучысы Зәйнетдинов Илмир да әлеге киеренке ярышта оста уйнады һәм команда  2 нче урынны яулады. Илмирны әлеге зур уңышы белән котлыйбыз!

"Арча" спорткомплексында район беренчелегенә уздырылган волейбол ярышында безнең мәктәп командасы бу юлы да сынатмады, 3 нче урынны яулады. Укучыларга алдагы ярышларда тагын да зуррак җиңүләр телибез. 

Каникул көннәрендә укучылар чаңгы сезоны ябылу ярышларында катнаштылар. Иртәнге линейкада җиңүче укучылар бүләкләнде. Афәрин, укучылар!

25 нче март көнне Арча Укучылар сараенда шашка  буенча шәхси һәм команда  беренчелегенә 2 нче этап район ярышлары уздырылды. Ярышлар балаларның яшь аермаларын исәпкә алып,  4 төркемгә бүленеп үткәрелде. Шәхси беренчелектә Шагниев Р. 3 нче, Яруллин Р. 4 нче урыннарны яулады. Ә мәктәп командасы 1 нче урында. Тренер – Лотфуллин М.Л. Җиңүчеләрне котлыйбыз!    

26 март көнне Арча сәнгать мәктәбендә бөек шагыйребез Габдулла Тукайның тууына 133 елга багышланган "Арча ягы-данлы Тукай ягы" дип исемләнгән XIV республика конкурс-фестивале булды. Бу конкурста безнең мәктәптән дә 3 укучы катнашты һәм уңышлы чыгыш ясады: Гайнуллина Зилә - 2 дәрәҗә лауреат (укытучысы Валиуллина В.В.), Мингазов Самат-1 дәрәжә лауреат, Мингазов Ильяс-2 дәрәжә лауреат (укытучылары Гайнуллин Б.М.).Котлыйбыз!