Бүген Арча мәдәният йортында Рәсәй федерациясендә Әдәбият елы уңаеннан "Арча балы" рамкаларында мәктәпләр арасында  район конкурсы булды. Матур купшы күлмәкләрдән киенгән кызлар, элегант  кавалерлар әлеге бәйрәмнең  чын-чынлап  хуҗалары  иде бу балда. Полонез, подеграз, вальс, полька... Нинди генә бию биемәделәр бүген Арча районы конкурсантлары. Һәрбер бию бик яхшы әзерләнгән һәм ниндидер серлелек, затлылык белән сугарылган иде.  Конкурста безнең мәктәпнең укучылары Вильданова Гөлфия Шамилевна җитәкчелегендә уңышлы чыгыш ясадылар һәм "Сәхнә культурасы" номинациясендә җиңү яуладылар. 

7 марта на ледовом дворце Арча-Арена прошли соревнования по хоккею с шайбой среди юношей 2000 г.р. и младше. Наши юноши в одной команде с учащимися Нусинской школы приняли участие в этом мероприятии и заняли 3 место. Молодцы! Успехов и удачи вам в следующих соревнованиях! 

         Бүген математика-информатика атналыгы кысаларында 5 класста математикадан ачык дәрес узды. Математика укытучысы Сагдуллин Рамиль Шәрифуллович  "Унарлы вакланмаларны     натураль саннарга бүлү һәм тапкырлау"   гомумиләштерү дәресен Санкт-Петербург шәһәренә сәяхәт-дәрес итеп оештырган.  Дәрестә Сингапур методикасы элементлары, уен элементлары кулланылды.  Укытучы Санкт-Петербургта үзенең булганлыгын,  Эрмитаж музеендагы фотоларын отышлы кулланды.Дәрестә укучылар уен формалары аша төрле исәпләүләр башкардылар, тигезләмә, мәсьәләләр чиштеләр.

Хөрмәтле гүзәл затлар: кызлар, апалар, әниләр!  Сезне чын күңелдән 8 март ― Халыкара хатын-кызлар бәйрәме белән котлыйбыз. Сезгә язның дәртле сулышын, җәйнең сафлыгын, айның серлелеген, йолдызларның гүзәллеген, җан-бәгырьнең түземлеген, мәхәббәтнең олысын, бәхетнең тулысын телибез!

Бәхеткә, шатлыкка күмелеп,

 Һәрвакыт елмаеп һәм көлеп

 Кадергә, хөрмәткә төренеп

 Яшәгез мәңгелек нур булып.

Бүген мәктәп физиканың тылсымлы иленә сәяхәткә чыкты. Укучылар бу илнең кунаклары булып, кызыклы тәҗрибәләргә аңлатма бирделәр, һәр тылсымның физик нигезе булуын күрделәр, үзләре дә тәҗрибәләр күрсәттеләр. 

       Мәктәпнең технология укытучысы Шаймарданов Әнис Равилевич җитәкчелегендә укучылар "70 еллыкка-70 оя" акциясендә катнашу максатыннан сыерчык оялары әзерли башладылар.    Үз эшеңнең нәтиҗәсен күрү, тагын  шул ояларга җылы яктан кайтучы сыерчыкларның оялавын күреп, аларның  матур сайрауларына карап хозурлану     нинди зур тәрбияви мәгънәгә ия!

      Тиздән 8 март- Халыкара хатын -кызлар көне якынлаша. Шул уңайдан укучылар әниләргә бүләк әзерләү белән мәшгуль. 5 класс укучылары технология дәресендә укытучылары Әнис Равилевич белән берлектә үзенчәлекле бүләк әзерләде. Үз куллары белән ясалган, күңел җылысы кушып эшләнгән бу бүләкләр әниләребез күңеленә хуш килер дигән теләктә калабыз.

Башлангыч класс укучылары тәнәфестә буш вакытларын күңелле итеп үткәрә. Рәхәтләнеп шашка, шахмат уйный алар. Әлеге уеннар фикерләү сәләтен үстерү өчен дә бик файдалы. Күпчелек укучылар шашканы инде оста уйный. Тиздән әлеге спорт уены  буенча ярыш уздырырга исәплибез.