Мәктәбебездә Көз бәйрәмнәре

    Бүген мәктәптә түгәрәк өстәл артында сөйләшү булып узды. Очрашуда Арча муниципаль районы балигъ булмаган балалар белән эшләү комиссиясе сәркәтибе Завялова Л.Н., ОСПСиД психологы Шаесламова М.Ф., гинеколог катнашты. Белгечләр балаларны кирәкле һәм файдалы мәгълүматлар белән  таныштырдылар, укучыларның сорауларына җавап бирделәр, үзләренең киңәшләрен җиткерделәр.

Бүген мәктәбебездә башлангыч класс укучыларының "Көзге бизәкләр" дип исемләнгән бәйрәм кичәсе узды. Чара кысаларында укучылар көзне язган рәссамнарның  иҗатын күреп сокландылар, табигатьтәге көзге үзгәрешләрне күзәттеләр, көзге байлык турында кроссвордлар чиштеләр, төрле бәйгеләрдә катнаштылар. Бәйрәм матур җырлар, шигырьләр, күңелле биюләр белән үрелеп барды.

     28 октябрь көнне татар теле һәм тарих атналыгы кысаларында 6 класста "Икътисад" темасы буенча   ачык дәрес булды. Вильданов Рәҗәп Гыйлманович укучыларны бүгенге заман шартларына яраклашучы, актив, мөстәкыйль балалар итеп тәрбияләүне күздә тотып ,төрле алымнар кулланып, дәресне файдалы һәм кызыклы итеп үткәрде.

Чишмәләрне чистарту-изге эш!

Бүген атналык кысаларында 5-7 нче сыйныфларда, "Болгар дәүләтенә виртуаль сәяхәт" исеме астында класс сәгате үтте. Тарих укытучысы Сагдуллина Р.Р. укучыларга борынгы Болгар дәүләтенең барлыкка килүе, андагы халыкның яшәеше, күренекле шәхесләре турында  сөйләде. Шулай ук  укучылар Болгарның истәлекле урыннары турында видеофильм карадылар, үзләрен кызыксындырган сорауларга җавап таптылар.  

Дәресләрдән соң, 5-8 нче сыйныфлар арасында үткәрелгән,"Уйла,эзлә,таны,бел"  дип аталган кичәдә укучылар үзләренең белемнәрен сынадылар. Татар теле һәм әдәбияты укытучысы Гобәйдуллина Э.А. балаларны кызыклы сораулар, зирәк табышмаклар , матур җырлар дөньясына алып кереп китте. Укучылар ике командага бүленеп көч сынашты,аз гына өстенлек белән "Дуслык"командасы җиңүче булды. Чыннан да, дуслык җиңде. Барыбыз да бу чарадан матур тойгылар белән таралыштык. Афәрин!

  "Район Мәһдиев укулары"ның М.Мәһдиев иҗатында туган як темасы юнәлешендә 1 урын алган 10 класс укучысы Зарипова А. һәм аның фәнни җитәкчесе Муртазина Ф.С. ны зур җиңүләре белән чын күңелдән котлыйбыз!!!

   Бүген  татар теле атналыгы кысаларында  Гариф Ахуновның 90 еллыгы уңаеннан класстан тыш чара үткәрелде. Укытучы Сабитова Т.Ә. Гариф Ахуновның тормыш юлы,иҗаты турында сөйләде.Укучылар язучы иҗатын искә төшерделәр,кызыклы мәгълүматлар алдылар. Икенче өлештә язучы  турында видеофильм карадылар, әсәрләре буенча фикер алыштылар. 

Бүген мәктәбебездә татар теле һәм тарих атналыгы башланды. Иртән атналыкны ачу булды. Укучылар туган телебез турында матур шигырьләр, җырлар тыңладылар. Көн дәвамында укучылар якташ язучыларыбыз иҗатына багышланган күргәзмә материаллары белән таныштылар.