"Тыныч таңнарда - батырлар даны!" дип исемләнгән, Бөек Җиңүнең 70 еллыгына багышланган Республикакүләм  әдәби иҗат бәйгесендә мәктәбебезнең 7 класс укучысы Хәбибрахманова Айгөл (җитәкчесе - Сөнгатуллина Ф.М.) беренче урынны яулады һәм дипломга ия булды. Афәрин , Айгөл!

20 ноябрь көнне  Арчаның беренче мәктәбендә рус теле буенча олимпиада үтте.  4 класс укучысы Фаттахова Айгөл әлеге бәйгедә үз мөмкинлекләрен сынады. Матур нәтиҗәләр көтәбез.

  Бүген мәктәбебезнең КВН командасы Кишет җирлегендә "КВН-2015. Парковый сезон" ярышында катнашты.  Яшьлек дәрте ташып торган 10 класс егетләре-кызлары  сәхнәдә үзләрен бик матур күрсәттеләр: кирәк урында җырлап, кирәк икән-көлдереп, шаян рухта үзләрен тәкъдим иттеләр.   Ярышта катнашкан һәр командадагы креатив яшьләргә һәрвакытта шундый позитив, уңай энергетикалы булып калуларын телибез!

Бүген Яңа Кенәр урта мәктәбендә кызлар һәм егетләр арасында баскетбол буенча  зона ярышлары узды.Анда Шушмабаш урта мәктәбе, Апаз урта мәктәбе, Ашытбаш урта мәктәбе, Яңа Кенәр урта мәктәбе командалары катнашты. 

  Экология фәне буенча нәтиҗәләр билгеле булды. Мәктәбебезнең 9 класс укучысы Каримов К. -2 урынны яулады, ә 10 класс укучысы Сагдуллин А. призер булды. Укучыларыбызны бу җиңүләре белән чын күңелдән котлыйбыз!!!

"Карлыгачлар" атналыгының  өченче көне "Әкиятләр илендә күңелле стартлар" дип аталды.2 сыйныф укучылары белән әкиятләр аша күңелле стартлар уздырдык. Уеныбыз ярыш формасында үткәрелде. 

“Хезмәте барның, хөрмәте бар” дип халык юкка гына әйтмәгән. Ул үзенең сайлаган һөнәре белән халыкка хезмәт итә, яшәвен мәңгеләштерә. Барлык һөнәр ияләре арасында кешеләргә хезмәт күрсәтү өлкәсендә эшләүчеләрнең хезмәте аерым урын алып тора. Алар югары культурага ия, кешеләргә йомшак мөгамәләле, ягымлы булуны сораучы һөнәрләр. Бүген  Шушмабаш  урта мәктәбенең башлангыч класс  укучылары төрле һөнәр ияләре  белән очрашу максатыннан  авылыбызда эшләп килүче  кибетләрдә,  даруханәдә,  тәм-томнар пешерү цехында, элемтә бүлегендә  булдылар.

16-21 ноябрь башлангыч классларда "Карлыгачлар" атналыгы башланды. Дүшәмбе 16 ноябрьдә  мәктәбебезнең  2 класс укучылары өчен "Карлыгачлар" атналыгы башланып китте. Бу көнне группа вожатыйлары "Әйдәгез дуслашыйк" кичәсе үткәрделәр. Укучылар "Карлыгач" балалар оешмасы  турында тулы мәгълүмат алдылар. Үзләренең вожатыйлары белән таныштылар, дуслаштылар, төрле уеннарда катнашып, дуслык турында әкиятләр, мәкальләр тыңлап кичәне дуслык темасына рәсемнәр ясап тәмамладылар.

Сишәмбе 17 ноябрь  "Карлыгачлар" атналыгының икенче көне. Бүген без 2 класс укучылары белән"Тапкырларга табышмак" кичәсе үткәрдек. Биредә укучылар үзләренең тапкырлыкларын, зирәклекләрен күрсәттеләр. Табигать күренешләре, тормыш-көнкүреш, кешеләр, хайваннар темасына бирелгән табышмакларга бик тырышып җавап эзләделәр. Классның " Иң тапкыр" укучысы Тазетдинова  Зәлия булды. Кичә ахырында татлы күчтәнәчләрдән авыз иттеләр.