Бөтенроссия биология олимпиадасының муниципаль дәрәҗәсендә катнашып 2 урын алган 10 класс укучысы  Сагдуллин А. ны һәм призер булган 11 класс укучысы Шаймуллин Н.не зур җиңүләре белән котлыйбыз!!!

Әниләр көне уңаеннан  һәм "Самостоятельные дети" акциясе кысаларында мәктәп укучылары   әниләрне бәйрәм белән котлап үзләренең тирән ихтирамын һәм әниләргә эчкерсез мәхәббәтен кояш төсендәге символик йөрәк  бүләк итеп белдерделәр. Барлык әниләрне һәм әбиләрне  1 декабрь көнне Шушмабаш авыл клубында узачак әниләр көненә багышланган зур бәйрәм- тамашага чакырып калдылар.

Башлангыч класслар атналыгы кысаларында 28 ноябрькөнне 3 класста әйләнә-тирә дөнья фәненнән ачык дәрес узды. Дәрестә укучыларда универсаль уку гамәлләренең формалашуы ачык күренде.  Дәреснең һәр этабы  ФГОС таләбе буенча планлаштырылган. матур дәрес өчен укытучыга рәхмәт.

Әниләр көне уңаеннан башлангыч класс укучылары тарафыннан рәсем күргәзмәсе оештырылды. Актив катнашкан һәркемгә сертификатлар тапшырылды.

Әниләргә иң зур бүләк баласының үз куллары белән ясаганыдыр, мөгаен. Бүген башлангыч класс укучыларының һәркайсы күтәренке кәеф белән әнисен котларга ашыкты.Котлауларга без, укытучылар да кушылабыз.

27 ноябрь көнне 3 класс укучылары "Өч теләк" дип исемләнгән спектакль күрсәттеләр. Спектакльдә бүгенге көн проблемасы - кешеләр һәм җәнлекләр арасындагы мөнәсәбәт чагылдырылды, комсызлык фаш ителде.

Шекә башлангыч мәктәбендә аналар  көне үткәрелде.Бәйрәм күңелле үтте.

Әнкәсен, бик теләсә дә

Сайлап ала алмый кеше.

Әнкәйләрне Ходай бирә,

Ул- фәкать Ходай эше!

Башлангычлар атналыгы кысаларында 26 ноябрь көнне 2 класс укучылары технологиядән ачык дәрес күрсәтте.

25 ноябрь көнне район күләмендә үткәрелгән баскетбол ярышында безнең мәктәп кызлары командасы унышлы катнашты.