Бүген татар халкының каһарман улы, герой шагыйрь, Советлар Союзы Герое Муса Җәлилнең тууына 110 ел булды.  Муса Җәлил - немец фашистларына каршы батыр көрәше, ялкынлы шигьри әсәрләре - Моабит дәфтәрләре" белән дөньяга танылган шагыйрь . Ул Ватан сугышына кадәр үк өлгергән язучы иде. Аның "Җиһан", "Хат ташучы" поэмаларын яратып укыйлар, "Җырым сиңа булсын", "Дулкыннар", "Сагыну", "Җир җиләгем" кебек лирик шигырьләренең күбесе җыр итеп җырлана. М.Җәлил - балалар шагыйре, тәрҗемәче, балалар матбугатын оештыруда башлап йөрүче, мәктәп программасы һәм дәреслекләрнең торышын, балалар әдәбиятының үсеш перспективаларын билгеләүче рецензияләр һәм мәкаләләр авторы. 

Безнең мәктәбебездә дә шагыйрьне искә алу уңаеннан классларда тәрбия сәгатьләре уздырылды. Укучылар аның әсәрләренә иллюстрацияләр ясадылар, шигырьләрен өйрәнделәр.  Укучыларга шагыйрь турында күп мәгълүмат бирүче, Муса Җәлилнең иҗатын яктырткан күргәзмә  эшли. 

12 февраль  көнне  8 класс укучыларыннан торган команда  Лесхоз мәктәбе базасында үткәрелгән  хәрби- патриотик  “Аҗаган”  уен-ярышында катнаштылар. Зона ярышында 11 команда катнашты. Күптөрле сынауларны тырышып  үттеләр алар.  Елдагыча матур әзерлек белән, ярышларда сынатмадылар, уенның  таләпләренә туры китереп уйнадылар. Активлыклары  өчен рәхмәт белдереп, алга таба тагын да уңышлар телибез.

Укучылар робототехника түгәрәгенә бик теләп йориләр

Кабатланмас балачак иленең иң зур бәйрәмнәренең берсе - Әлифба бәйрәме. Җир йөзендә кем генә булмасын,кайда гына эшләмәсен, ул дулкынлану белән үзенең нәни кулларына тәүге тапкыр Әлифба алганын искә төшерә.Чөнки һәр кемнең дә белем дөньясына беренче адымы Әлифбадан башлана.Бүген 1 нче класс укучылары үзләре яратып укыган беренче дәреслек  -  "Әлифба" белән саубуллашалар.

Бүген бездә зур бәйрәм,

Һәммәбез дә шат безнең.

Соңгы битен укыдык

Кичә Әлифбабызның!

Без бит хәзер һәммәбез дә

Укый-яза беләбез.

Моның өчен  Әлифбага

Бик зур рәхмәт, диябез!

Мәктәбебездә,  укучыларда   патриотизм тәрбияләү, дәүләт төзелеше турында белемнәрне тулыландыру максатыннан, класс сәгатьләре үткәрелә. Шундый әңгәмәләрнең берсе 10 нчы сыйныфта үтте.Укучылар дәүләтебезнең парламент  эшчәнлеге, аның төзелеше  турында үзләрен кызыксындырган сорауларга җавап таптылар.  

6 нчы февраль көнне Курса почмак мәктәбендә район буенча "Агрокомплекс Ак Барс" призына көрәш ярышы узды. Көрәштә 2000 нче елгы һәм аннан яшьрәк егетләр катнашты. Ярышта 120 бала катнашты һәм алар 11 үлчәү авырлыгында көч сынашты. Әлеге ярышта 1 нче урынга – безнең мәктәп , 2 нче урынга- Курса Почмак , 3нче урынга - Сеҗе мәктәбе укучылары ия булды. Көрәш бәйрәмендә Арча районы башкарма комитеты җитәкчесе Гарифҗанов Р.И., "Татарстан яшьләре" газетасының баш  мөхәррире, Татарстан физик культура отличнигы Гафиятов Атлас Хәмидулла улы, татарча көрәш буенча Россия чемпионы, халыкара классы хөкемдар, Татарстан физик культура отличнигы - Җәләев Рәфкать Имам улы да катнашты. Укучыларыбыз арасыннан үз авырлыгында Каримов Таһир,Губайдуллин Ильдар,Тазетдинов Динарис,Кармов Камил,Вильданов Фазыл  - 1нче , Хайруллин Айнур,Валиев Азат - 2нче, Габдрахманов Ришат,Шаяхметов Расих - 3 нче урынны алдылар. Аларны шушы җиңүләре белән чын күңелдән котлыйбыз.

  5 февраль көнне мәктәптә студентлар белән очрашу булды. Очрашу профессия сайлауга  багышланган тренинг формасында узды. Укучылар һәм студентлар үзләренең тормышын нинди һөнәр белән бәйләү кирәклеген ачыкладылар, төрле алым һәм уеннар ярдәмендә үзләренең тормыш позицияләрен җиткерделәр. Очрашу дискотека белән дәвам итте. Теләгән укучылар һәм студентлар теннис өстәле артында көч сынашты.

2016 нче ел Тукай елы булып тарихка кереп калачак. Тукайга татар халкы тора-тора кайта бит. Шагыйрь яшәгән еллардан ераклашкан саен, аның иҗатының бөеклеге, мәгънәсе тагын да тирәнрәк ачыла бара. Чын шагыйрьләрнең гомере саннар белән генә бәяләнә алмый. Даһиларның гомере халык хәтере һәм гасырлар белән исәпләнә.Шекә башлангыч мәктәбендә дә Тукай иҗатын өйрәнү бара.Шигырьләрен ятлыйбыз, иҗатына карата рәсемнәр ясыйбыз.

Мәктәбебездә традиция буенча ел саен тәрбия эшләре буенча директор урынбасары Чулпан Миннуловна профориентация  эшчәнлеге юнәлешендә февраль аеның беренче атнасында студентлар белән очрашу оештыра. Очрашуга 2014-2015 уку елы чыгарылышы укучылары  ягъни яшь студентлар да бик теләп кайтканнар иде. Зур горурлык белән укыган урыннары, уку нәтиҗәләре, шатлык-куанычлары белән уртаклаштылар. Ә ул арада сагынырга да өлгерелгән. Аларның  үзләре  яраткан классларында класс җитәкчеләре белән сөйләшеп сүзләре бетмәде кебек. Күңелдә эчкерсез хәтирәләр яңартылды, күтәренке кәеф өстәлде. Алар һәрвакыттагыча актив, игътибарлы. Класс җитәкчеләре Рузилә Рафиковнаны туган көне белән котлап матур розалар  бүләк иттеләр. Ә укытучылары аларга уңышлар теләп изге теләктә калды.