1 класс укучылары Әйләнә-тирә дөнья фәненнән кышын агач һәм куакларны танырга өйрәнделәр. Бөре эчендә яшеренеп яткан яфракчыкларның үсүен күзәтү максатыннан озак вакытлы тәҗрибәгә керештеләр. Мондый тәҗрибәләр үткәрү белемнәрнең ныклы булуына ярдәм итәчәк.

Шекә башлангыч мәктәбендә  авылдашыбыз  Татарстанның халык артисты, М.Җәлил исемендәге премия лауреаты, Кырым Республикасының атказанган сәнгать эшлеклесе Гөлзада Сафиуллина үзенең авылдашларын-яшьләрне, өлкәннәрне, укучыларны очрашуга җыйды. Үзенең җырларын бүләк итте, талантлы укучыларны җырлатты, истәлекләре белән уртаклашты, авыл проблемаларын күтәрде.Кичәдә район социаль яклау идарәсе җитәкчесе Рамил  Илгизович  һәм районның культура җитәкчесе Мөхетдинов Рамил Рафисович та катнашты.

14 январь көнне Яңа Кенәр мәктәбендә район башлыгы кубогына 1999 елгы һәм яшьрәк егетләр арасында көрәш ярышлары булып узды.Ярышта барлыгы 25 мәктәп катнашты һәм шулар арасыннан безнең мәктәп егетләре командасы лаеклы 2 урынга ия булдылар.Ярышта катнашып үз өлешләрен керткән барлык укучыларны да шушы җиңүләре белән чын күңелдән котлыйбыз.

Шекә башлангыч мәктәбе укучылары  беренче тапкыр чаңгыга бастылар.  III чирек башыннан барлык сыйныф укучылары да чаңгы шуу белән шөгыльләнә башлады. Бу спорт төрен укучылар бик ярата, чөнки чаңгыда шуу саф һавада сәламәтлекне ныгыту һәм чыныктыру чарасы булып тора.

    Беренче класс укучылары, кечкенә булуларына карамастан, чаңгыда шуарга өйрәнәләр.  Бүген,  физкультура дәресендә укытучылары Гөлшат Ринатовна белән бик тырышып чаңгы шудылар алар.Эх, күңелле дэ инде саф һавада!