11 февраль көнне мәктәбебездә "Татарстан-2030:үсеш стратегиясе" исеме астында Парламент дәресе үтте. Тарих һәм җәмгыять белеме укытучысы Сагдуллина Рәзинә Рәис кызы 10-11 сыйныф укучыларын Татарстан Республикасының 2030 елга кадәр социаль-икътисади үсеш стратегиясе белән таныштырды."Стратегия-2030"ның актуальлеге-Татарстанны нәтиҗәле үстерү, Россия һәм дөнья күләмендә төбәкнең көндәшлек позициясен ныгыту,татарстанлыларның яшәү рәвешен үстерү кирәклегенә нигезләнә.

9-11 нче февральдә татар теленнән республика олимпиадасының йомгаклау этабы узды. Анда  республика мәктәпләренең   4-11 нче сыйныфында белем алучы, олимпиаданың муниципаль турында жиңеп,югары нәтижәләргә ирешкән  барысы 175 укучы катнашты.Олимпиадада мәктәбебезнең 7 нче сыйныф укучысы Кәримова Алинә 1 нче урын яулады (укытучысы Сабитова Т.Ә).Алинәне зур уңышы белән котлыйбыз!

Айлык кысаларында китапханәчебе Ләлә Фоатовна "Ул көннәрнең даны мәңгелек" исеме астында сугыш турында язган язучыларның китап күргәзмәсен оештырды.

Мәктәбебез дә "Без бергә" дип исемләнгән фестивальгә әзерлек барлык классларда да бара.Укучылар үзләренең чыгышларын көн саен шомарталар.

Укучыларыбыз  дәресләрдән соң бик теләп "Аҗаган"га әзерләнәләр.Автомат сүтеп корырга,төз итеп атарга өйрәнәләр.

Шорт-трек ярышында катнашып җиңү яулаган укучыларны бүләкләү булып узды.Аларга алдагы ярышларда тагын җиңүләр теләп калабыз.

  Бүген Арча сәнгать мәктәбендә "Ел класс җитәкчесе-2017" конкурсының муниципаль этабы булды. Конкурста Шушмабаш урта мәктәбе укытучысы , класс җитәкчесе Файзрахманова Г.И. 1 урын яулады.Гөлназ Ильясовнаны зур җиңүе белән кайнар котлыйбыз, республика этабында уңышлы чыгыш, иҗади потенциал, позитив рух, көчле энергетика телибез. Без Сезнең белән горурланабыз!

Бүген шулай ук 5-8 класслар арасында шорт-трек ярышы булып узды.Ярышта теләгән барлык укучыларда катнашты.Җиңүчеләр дә ачыкланды.

Айлык барышында мәктәбебездә "Аҗаган" уены уздырылачак.Аңа әзерлекне бүгеннән үк башладык укучыларыбыз дөрес итеп атларга,дөрес командалар бирергә өйрәнәләр.