22 нче февраль көнне КФУның Л.Толстой исемендәге Филология һәм мәдәниятара багланышлар институтында мәктәп укучылары,студентлар,аспирантларның “Төрки лингвокультурология: проблемалар һәм перспективалар”дип исемләнгән Халыкара фәнни – гамәли конференциясе үткәрелде. Анда  200 дән артык эш тәкъдим ителгән иде. Эш 5 секциядә алып барылды. Конференциядә  безнең мәктәптән 10 нчы сыйныф укучылары Шәяхмәтова Н.(җитәкчесе Сабитова Т.Ә.), Гәрәфетдинов Р.( җитәкчесе Мортазина Ф.С.) үзләре катнашкан секциядә уңышлы чыгыш ясап,җиңүче Дипломнарына ия булып кайттылар.Аларга киләчәктә дә уңышлар телибез.

Шекә башлангыч  мәктәбендә укучылар 23 -февраль-Ватанны саклаучылар көнен билгеләп үттеләр.  Укучылар   үзләренең көчләрен сынаштылар. Малайлар , кызлар бергәләп төрле уеннар  уйнап ярыштылар. Командалар бик тырыштылар, дуслык җиңде.

Туган телем – татар теле
Син – гомерлек юлдашым.
“Туган телем мәңге яшәр!” -
Дип киләдер юрасым.

Шекә башлангыч мәктәбендә "Туган телем-иркә гөлем"дигән кичә үткәрелде.

Тиздән асыл ир-егетләребезнең бәйрәмнәре 23- февраль Ватанны саклаучылар көне якынлаша. Бүген Шушмабаш урта мәктәбендә 5-8 класс укучылары катнашында “Татар егете” бәйгесе үткәрелде. Һәр класстан ярышта катнашу өчен бер егет тәкъдим ителде. Ә егетләрнең иң-иңнәре сайланган иде. Классташ кызлары һәр егеткә үзләренең бәяләмәләрен биреп киттеләр.Егетләребез һәрьяклап сыналдылар. Зирәклеккә төрле кызыклы сорауларга җавап бирделәр, кыен хәлләрдән чыгу юлларын эзләделәр, әдәпле булу кагыйдәләрен искә төшерделәр, биюгә осталыкларын күрсәттеләр. Өй эше итеп бирелгән кул эшләрен тәкъдим иттеләр, тактага көйдереп рәсем төшерү дисеңме,агачтан мылтык ясау,хәтта йомшак уенчыклар тегәргә дә сәләтле булып чыкты безнең егетләребез.5сыйныфтан Яппаров Ислам Илһам улы-“Иң әдәпле егет”, 6 сыйныфтан Хаертдинов Илназ Раушан улы- “Иң зирәк егет”, 7 сыйныф укучысы Магсумов Илнур Нияз улы-“Иң тапкыр егет”, 8 сыйныф укучысы Абдуллин Әмир Әлим улы- “Оста куллы егет” номинациясендә җиңүчеләр булдылар.

Биектау районында республика күләм 2001-2002 елгы яшьүсмерләр арасында көрәш ярышлары булып узды.Бу ярышта безнең укучыларыбыз да катнашты.Үз авырлыгында Вильданов Фазыл 2 урын яулады,аны шушы җиңүе белән чын күңелдән котлыйбыз.

"Яшь рәссам" конкурсы игълан ителгәннән соң укучыларыбыз бик күп рәсемнәр ясаганнар иде.Ул рәсемнәрдән күргәзмә дә оештырылды һәм нәтиҗәләр ясалды.

1 сыйныф укучыларының өстәмә каникуллары тәмамланды. Ял итеп, тагын да үсеп, бер-берләрен сагынып укырга килделәр. Якты, җылы мәктәбебездә бергә-бергә белем алу нинди күңелле!

    11 класс укучылары бүген сайлау фәннәре: химия, биология, физика, җәмгыять белеменнән пробный имтиханнар эшләп карыйлар. Чын имтиханнарга да инде озак калмады. Барлык көчегезне, тырышлыгыгызны кулланып, дөрес итеп биремнәрне үтәгез, дип, 11 ләргә уңышлар телибез.

Хәрби-патриотик айлык кысаларында 1 класс укучылары арасында "Күңелле стартлар" уены уздырылды.Балалар бу уенда бик теләп катнаштылар  һәм канәгать калдылар.

   Мәктәбебезнең укучылар командасы Казан шәһәрендә узган " Начинающий фермер" V интеллектуаль уенның региональ этабында чыгыш ясап 1 урынны алып кайтты. Хәзер укучыларыбыз Уенның Федераль этабы- Мәскәү шәһәрендә узачак конкурска  әзерләнә. Яшь фермерларга һәм аларны әзерләүче укытучыларга уңышлар телибез!