Бүген,   финанс грамоталылыгын күтәрү һәм укучылар арасында профориентация эш алып  бару максатында,тарих  һәм җәмгыять белеме  укытучысы Хәбибуллина Г.Г.  җитәкчелегендә, 8-9 класс укучылары  онлайн – режимында  оештырылган "Биржа и основы инвестирования"   темасындагы  вебинарда катнаштылар. Нәрсә ул  Биржа? Аның нинди  төрләре  була? Акчаны тотып бетерергәме, әллә  берәр  отышлы булырлык  проектны  инвестицияләргәме?  дигән  кебек, күп кенә үзләрен кызыксындырган сорауларга турыдан – туры җавап алдылар. Әлеге  онлайн – дәресләр 15 нче декабрьгә кадәр  дәвам итәчәк.

11 ноябрь көнне башлангыч классларда "Зарарлы гадәтләрдән сакланыгыз!" дигән тәрбия сәгате үткәрелде. Дәреснең максаты: укучыларда сәламәтлеккә җаваплы караш тәрбияләү, сәламәтлекне кайгыртып торырга кирәклеген инандыру. Физкультминуткалар ярдәмендә укучыларның сәламәтлеген саклау күнекмәләрен булдыруга багышланган иде. 

Бүген 5 нче класста үткән тәрбия сәгатенең темасы: "Тәмәке белән бергә тартучы да яна" дип аталды. Тәрбия сәгатендә: тәмәкенең килеп чыгышы, Россиягә кайчан һәм кем тарафыннан кертелгәне, организм өчен тәмәкенең зарары, гаиләгә нинди зыян салуы аңлатылды. Әлеге тәрбия сәгатендә укучыга кирәкле киңәшләр тәкъдим ителде:

1. Ихтыяр көчле булырга

2. Ныклы режим белән яшәргә

3. Спорт белән шөгыльләнергә

4. Физик эш эшләргә

5. Тәмәке тартучылардан вакытлыча булса да, ераграк торырга.

Көзге каникуллар бетеп, без яңадан мәктәбебезгә кайттык. Алда безне фәннәр буенча олимпиадалар, сынау имтиханнары, тагын ниләр көтә?... Әлегә, бар да яхшы.Йөрәкләрдә көч ташып тора.

Менә көтеп алган каникуллар да җитте. Әмма, каникул дип,  тик кенә ял итеп ятмыйбыз. Көзге каникул чорына эшләнәсе эшләр планлаштырылды. 9 нчы класс укучылар өчен һәр көн эш белән бәйле. 31 нче октябрь көнне татар теле, 01.11.16 көнне рус теле, ә 02.11.16 көнне математика буенча консультацияләр узачак. Әле укучыларга тырышыр һәм яхшы нәтиҗәләргә ирешер өчен вакыт җитәрлек. Барысы да үз кулыгызды, диясе килә.

В соответствии с письмом Министерства образования и науки Российской Федерации от 7.10.2016 № 08-2151 был проведен урок безопасности школьников в сети Интернет. Учащиеся ознакомились с основными правилами безопасности. А также обсуждались основные вопросы применения социальных сетей. Урок всем понравился.

Бүген, 28 нче  октябрь көнне, Арча районы югары класс укучылары  Дума советының чираттагы утырышы оештырылды. Безнең мәктәптән Дума утырышында депутат буларак,  8 нче класс укучылары Фазлиева Язгөл һәм Сәйфуллина Динәләр катнашты. Әлеге утырышта укучылар агымдагы елга бурычлар билгеләделәр, үзара эшләр бүлештеләр.

Бүген мәктәптә татар теленнән 4, 6, 8 нче класс укучылары белән оф-лайн режимда диагностик мониторинг үткәрелде. Укучылар үзләренең белемнәрен күрсәттеләр. 

26 нчы октябрь көнне Арчаның 1 нче номерлы мәктәбендә "Интернет - учителям"  программасы буенча мастер-класс үткәрелде. Мәктәбебездән биология укытучысы Гилязиева Г.Р. катнашты. Спикер Данил Сәфәров интернет тормышының бөтен нечкәлекләрен гади, аңлаешлы итеп сөйләде. Мәгариф журналыннан килгән кунаклар да, мәгариф сайтында үз битеңне булдыру системасын аңлаттылар. Ахырдан, мастер - класста булган бөтен катнашучылар сертификат һәм "Мәгариф" журналының истәлекле бүләкләре белән бүләкләнделәр. Истәлеккә карточкага төштеләр.

Мәктәптә шаулап-гөрләп "Көзге бал" кичәсе узды. Һәр укучы, һәр класс тырышып-тырышып әлеге кичәгә әзерләнде. Монда укучылар үзләренең көчләрен көзге уңыштан композицияләр ясау буенча да, концерт номерлары буенча да, җитезлек буенча да көч сынаштылар. Нәтиҗә куанычлы: дуслык җиңде!!!