СПИД сүзе “синдром приобретенного иммунодефицита” (йогышлы иммунодефицит синдромы) сүзеннән кыскартылган. “Иммун дефициты” ул организмның йогышлы чирләргә каршы торучанлыкның кимүе дип аңларга кирәк, шуның аркасында авыру билгеләре (синдром) килеп чыга. ВИЧ йоктырдыңмы, син инде СПИД белән авырыйсың, ягъни чир үсеш алачак дигән сүз түгел.
    1 декабрь- СПИДка каршы көрәш, май аеның соңгы якшәмбесе СПИДтан үлүчеләрне искә алу көне.Әлеге уңайдан класс сәгатьләрендә сәламәт яшәү рәвеше турында мәгълүмат бирелде.
    Статистика мәгълүматларына күзәтү ясалды:
    - 1987 ел- кан салганда зарарланган сабый ачып җибәрә;
    - 1996 елда ВИЧ- инфекцияле сырхау теркәлә.
    Шуннан бирле ВИЧ- инфекция йөртүче 1552 кеше үлгән.
    Хәзер- 10501 кеше бу авыруны йөртә. Казанда ВИЧ- инфекция йоктырган 4210 кеше яши. Татарстан районнарында Бөгелмә “беренчелек”не бирми-1111 кеше, Әлмәт- 686 һәм Лениногорск- 503 кеше. СПИД- җирдә яшәүчеләргә азгынлык, тотнаксызлык, әхлаксызлык өчен бирелгән җәзадыр, бәлки. “Үз хатасында юләрләр генә өйрәнә”,- дигән О.Бисмарк. Тормышка куркыныч янаучы аянычлы хаталар ясаудан сак булыгыз. Арагызда бер кайчан да наркотикларга урын булмасын. Һәрвакыт файдалы гамәлләр генә кылыгыз, намуслы, кешелекле, югары әхлаклы кеше булыгыз.

    Кичә Казан шәһәре Яңа Савин районының “179нчы Гимназия” гомуми белем муниципаль бюджет учреждениесендә рус теле һәм әдәбияты укытучыларының “Татарстан Республикасында Тел һәм әдәбият системасы: тәҗрибә, практика һәм төп үсеш юнәлешләре” исемле форум булып узды. Форумда мәктәбебезнең рус теле укытучысы Галиуллина Г.Г. да катнашты.

    Форум секция утырышлары белән башланып китте: рус теле, рус әдәбияты, туган тел (рус теле). Һәрбер секциядә өлкән экспертлар, әйдәп баручы методистлар, “Российский учебник” Корпорациясе кандидаты, АО“Издательства “Просвещение” методистлары чыгыш ясады. Ахырдан форумга килгән укытучылар белән бергә, пленарь утырыш та үткәрелде. Утырышны Мәгариф һәм фән министрлыгының беренче урынбасары Хадиуллин И.Г. алып барды. Форумда заманча дәрес, 9 нчы сыйныфларның ОГЭ, 11 классларның ЕГЭ буенча торышы, файдалы технологияләр, олимпиадаларга әзерлек, укытуның төп юнәлешләре турында сөйләнде.

    Шушындый ачык фикер алышу, бай эчтәлекле эшлекле форум уздырганнары өчен, оештыручыларга зур рәхмәт!

    Әни... Әлеге кыска гына сүз үзендә күпме наз, йөрәк җылысы һәм яратуны саклый. Аны әйткән саен күңел йомшара, ишеткән саен дөнья ямьләнә. Россия Федерациясе Президенты Б.Н.Ельцинның 1998 елның 30 гыйнварында имзаланган указы буенча, ноябрьнең соңгы якшәмбесендә, Әниләр көне бәйрәм ителә. Әниләр көне билгеләп үтелмәгән бер генә ил дә юктыр, мөгаен.
    Без дә, мәдәният хезмәткәрләре һәм мәктәп коллективы, мәктәбебездә укучы балаларның әниләрен бәйрәмгә чакырып, авыл клубына җыелдык. “Әни +” телевидение каналы рәвешендә оештырылган бәйрәм кичәбез, укучылар көче белән әзерләнгән концерт номерлары белән үрелеп барды: матур җырлар, дәртле биюләр, нәфис сүз, скетчлар, Рабит Батулланың “Кичер мине, әнкәй!” спектакленнән өзек. Әниләребез “Тапкырлыкта ярышабыз!”, “Көйне беләсеңме?”, “Катнаш һәм бүләккә ия бул!” уеннарында бик теләп катнаштылар. Бәйрәм кичәсенә килгән авылдашларыбыз да үзләренең концерт номерлары белән бәйрәмебезне тагын да баетып җибәрделәр.
    Кадерле әниләребезне тагын бер кат бәйрәм белән котлыйбыз. Ныклы сәламәтлек, кояштай озын гомер телибез!

    Тәнәфес вакытларында мәктәбебез гөрләр тора. Югары класс укучылары өстәл теннисын үз итә. Башлангыч класс укучылары хәрәкәтле уеннар,физик күнегүләр эшлиләр.

    9 нчы сыйныф укучылары Казан федераль университеты оештырган олимпиадаларда актив төрле фәннәр буенча катнашуларын дәвам итәләр. Уңышлар аларга!

    Бүген барлык педагогик хезмәткәрләр единыйурок.рф порталында укыту системасын информатизацияләү буенча мониторинг үттек.

    Бала хокуклары турындагы Конвенциянең проектын 1979 нчы елда БМОның кеше хокуклары буенча комиссиясе эшли. Аны Польша Югары суды рәисе, профессор, олуг юрист Адам Лопатка җитәкли. Ул моңа кадәр гамәлдә булган документлардан (1924 нче елда кабул ителгән Бала хокуклары турындагы Женева Декларациясе, 1959 нчы елда кабул ителгән бала хокуклары Декларациясе) ни белән аерыла соң? Әлеге Конвенция халыкара аренада беренче тулы документ булып тора. 1991 нчы елда әлеге проект нигезендә Бала хокукын яклау буенча Конвенция кабул ителә. 1993 нче елда шушы Конвенциягә инде 132 ил, ягъни Җир шарының 90 процент халкы кушылып тавыш бирә. Россия дә бу илләр арасында бар.
    Бүген башлангыч сыйныфлар белән сыйныф сәгатендә бала хокуклары турында әңгәмә үткәрдек. Аларга үз хокуклары, бурычлары турында мәгълүмат бирелде. Презентациядәге мультфильм геройларының хокукларын ачыкладык.

    Мәктәбебездә бала хокуклары атналыгы дәвам итә. Бүген, 20 ноябрь – Бөтенрәсәй балаларга хокук ярдәме күрсәтү көне. Шул уңайдан, укучылар белән, бала хокуклары турында тагын бер кат искә төшердек, белемнәребезне ныгыттык, “Карлсон кайтты” мультфильмыннан фрагмент карадык. Ике төркемгә бүленеп, мульфильм буенча, фикер алыштык, нәтиҗә ясадык.
    Конвенциянең эчтәлеген белмәү хәзерге заман баласына оят булыр иде. 18 яше тулмаган һәркем үзенең нәрсәгә хокуклы булуын белергә тиеш дип уйлыйбыз.
    Бүгенге көндә кешеләр хокукы дигән төшенчә һәркем өчен дә актуаль булып кала. Тормышта яклаулы, таянычлы булу, рәнҗетелгән очракта дөрес җавап кайтара белү өчен үз хокукларыңны белү кирәк.
    Димәк, йомгаклап шуны әйтергә кирәк, “Балалар хокуклары Конвенциясе ”нең максаты - балаларны яклау. Заманча дәүләттә балалар үз хокукларын якларга һәм дауларга, акыл һәм аң белән хокук нормаларыннан файдаланырга, шулай ук кеше хокукларын хөрмәт итәргә өйрәнергә тиеш.

    Ел да көзге-кышкы чорда Татарстанда елгалардагы бозлыкларда уннарча кеше һәлак була, шул исәптән балалар да. Куркынычсызлык кагыйдәләрен үтәмәгәнгә килеп чыга бу.
    Нык салкыннар башланганчы, бигрәк тә ноябрьдә, елга өстенә каткан боз тотрыксыз була. Кичке һәм төнге салкыннан ныгып киткәндәй булган боз көндез авырлыкны күтәреп тора алмый. Чөнки көндез көннең җылынып китүе белән боз үзенең ныклыгын югалта. Бүген класс сәгатьләрендә укучыларга кабаттан боз куркынычлыгы турында әңгәмә һәм инструктаж үткәрелде. Ата- аналарга памяткалар тапшырылды.

    Бүген Арча районы мәгариф хезмәткәрләре профсоюз оешмалары арасында өстәл теннисы һәм бадминтон буенча ярышлар уздырылды. Бу спорт чарасы Арча муниципаль районының укучылар сараенда бик оешкан төстә барды. Безнең Кушлавыч төп гомуми белем мәктәбе командасы да ярышларда катнашып уңышлы чыгыш ясады.Физик тәрбия укытучысы Мингазов Алмаз бадминтон ярышында 2 нче, инглиз теле укытучысы Әхмәтова Гүзәл өстәл теннисы ярышында 3 нче урынны яуладылар. Хезмәттәшләребезне җиңүләре белән чын күңелебездән котлыйбыз, аларга тагында уңышлар телибез.