Өченче декабрьдә барыбыз өчен дә әһәмиятле көн - язмыш сынауларына бирешмичә, тормышта үз урыннарын тапкан һәм аны чын күңелдән яраткан көчле рухлы, максатчан кешеләребез – Халыкара инвалидлар көне билгеләп үтелә. Сәламәтлекләре чикле булуга карамастан нык, чыдам,  иң мөһиме - тормышны яратучы кешеләр турында 2 һәм 4 класс укучылары белән сыйныф сәгатендә сөйләштек.

1 нче класс укучылары коллаж ясарга өйрәнделәр.

1 нче декабрь көнне 8-9 нчы класс укучылары өчен  “СПИД: белмәү куркыныч” темасына класс сәгате уздырылды. 1-7 нче классларда сәламәт яшәү турында әңгәмәләр үткәрелде. Мәктәп залында “Сәламәт бул!” темасына күргәзмә оештырылды.

Сәрдәбаш башлангыч мәктәбе укучылары  арасында “Минем әнием” темасына  рәсем конкурсы оештырылды. Иң яхшы  эшләр муниципаль этапка  җибәрелде.

Тарих-география атналыгы кысаларында 8 нче класс укучылары белән “Бәхетле очрак” дип исемләнгән ярыш үтте. Укучылар туган ягыбызның тарихын, милли гореф-гадәтләрен, традицияләрен өйрәнү буенча көч сынаштылар. “Динамит” командасы җиңү яулады. Җиңүчеләрне котлыйбыз!

Мәктәптә "Сәламәтлек дәресләре" үтте. 5 нче класс укучылары "Сәламәт булыйм дисәң..." дигән темага чыгышлар ясадылар. Үзләренең проект эшләрен дә тәкъдим иттеләр. Сәламәтлекне саклау - һәр кешенең үз бурычы булуына төшенделәр. 

В рамках недели безопасности в сети "Интернет" ученикам раздали вклейки Единого урока.

Тарих-география атналыгы кысаларында “Кытай һәм Һиндстан” дип исемләнгән тарихи - интеллектуаль уен үткәрелде. Шушы тема буенча 5 нче класс укучылары көч сынашты. Алар тарих фәне буенча алган белемнәрен күрсәтә алдылар.

Укытучылар единыйурок.рф порталында укыту системасын информатизацияләү буенча мониторинг үттеләр.

Тарих-география атналыгы кысаларында бүген география буенча кичә булды.