Юлларда куркынычсыз юл йөрү кагыйдәләренә өйрәтү максатыннан Сәрдәбаш башлангыч мәктәбе укучылары белән класс сәгате булды. Укучыларга мәктәпкә кадәр куркынычсыз юл белән килергә кирәклеге, тәүлекнең  караңгы вакытында киемнәрдә, мәктәп сумкаларында яктылык   кайтаргыч  элементлар булырга кирәклеге аңлатылды.

Төп дәүләт экзаменнарына әзерлек башланды. Бүген 9 нчы сыйныф укучылары белән химиядән консультация үткәрелде.

Носы төп гомуми белем мәктәбе укучылары мәктәп бакчасында үстерелгән яшелчәләрдән мул уңыш җыеп алдылар. Экологик чиста, витаминга бай булган кишер, чөгендер, кәбестә, суган, сарымсак кыш буена укучыларны тукландыруга җитәчәк.

Мәктәптә Балалар куркынычсызлыгы айлыгы бара. Шул уңайдан һәр класста тәрбия сәгатьләре үтте. Укучыларга барлык төр куркынычсызлык кагыйдәләре яңадан аңлатылды. Юл йөрү кагыйдәләре, янгын куркынычсызлыгы кагыйдәләре буенча викториналар, бәйгеләр үткәрелде. Яктылык кайтаргыч элементлары һәр укучыда булырга тиешлеккә басым ясалды. 

Всероссийский физкультурно-спортивный комплекс «Готов к труду и обороне» (ГТО) — полноценная программная и нормативная основа физического воспитания населения страны, нацеленная на развитие массового спорта и оздоровление нации. Комплекс ГТО предусматривает подготовку к выполнению и непосредственное выполнение населением различных возрастных групп (от 6 до 70 лет и старше) установленных нормативных требований по трем уровням трудности, соответствующим золотому, серебряному и бронзовому знакам отличия «Готов к труду и обороне» (ГТО). Сегодня наши учителя прошли регистрацию на сайте ВФСК ГТО.

4 нче сентябрь көнне классларда «Терроризм – явызлык, терроризм – безнең уртак бәла» дигән темага тәрбия дәресләре үткәрелде. Әлеге әңгәмәнең максаты: терроризмның асылын, аның төрләрен һәм максатларын аңлату; балаларның терроризм, террорчылык актлары турында белемнәрен камилләштерү. Әңгәмә барышында укучылар видеофильм карадылар, сорауларга җавап таба алдылар. Ничек теракт корбаны булмаска соң?  Гражданлык уяулыгы нәрсә ул? Террорчылык актларында үзеңне ничек тотарга? Аннары балаларга «Әгәр...» уены тәкъдим ителде, анда алар террорлык акты янаганда үз-үзеңне тоту кагыйдәләрен кабатладылар. Беслан фаҗигасе турында презентация карап фикер алыштылар. Террор гамәлендә тормышлары өзелгән балаларны бер минутлык тынлык белән искә алдылар. 

Сәламәтлек - кешенең иң зур байлыгы. Чөнки ул булмаса, кеше бик күп нәрсәләрдән мәхрүм. Сәламәтлек – кеше бәхетенең нигезе, исәнлек булганда гына кеше үзенең теләк-омтылышларына ирешә, тирә-юньне танып белә, җәмгыять тормышында актив катнаша, хезмәттән, уеннан, бию һәм физик күнегүләрдән кәнәгатьлек ала.Балаларыбызның сәламәтлеге – киләчәк буыннарның сәламәтлеге. Шуңа күрәдә без әлеге теманы актуаль дип уйлыйбыз.

Бүген мәктәбебездә белем бәйрәменә багышланган бәйрәм чарасы булып узды. Әлеге тантанада иң күп дулкынланучылар, мөгаен, 1 һәм 9 нчы сыйныфка килүчеләрдер, чөнки 1 нче сыйныф укучылары  беренче тапкыр белем йорты бусагасын атлап керә, беренче укытучылары белән очраша, беренче кыңгырау тавышын ишетә, ә инде 9 нчы сыйныфлар  өчен бүген әлеге мәктәптә соңгы уку елы башланачак. Мәктәп директоры Вәсим Хәмитович,  укыту-тәрбия эшләре буенча директор урынбасары Гөлшат Камилевна, килгән мөхтәрәм кунаклар, әти-әниләр укучыларны, мәктәп коллективын яңа уку елы белән котлап, уңышлар теләделәр.Ә укучыларыбыз үзләренең рәхмәт хисләрен матур җыр, дәртле бию, сәнгатьле шигырьләре аша җиткерделәр.

24 август көнне Җиңү паркында чәчәк фестивале булып үтте. Носы мәктәбе "ТАССРга 100 ел" темасына чәчәк күргәзмәсе тәкъдим итте.