5 класс укучылары көзге табигатькә экскурсиягә чыктылар.  Табигатьтәге үзгәрешләрне күзәтеп, әлеге ел фасылының матурлыгына сокландылар. Көзге табигатькә экскурсия балаларның күңелендә зур тәэсир калдырды.

    Грипп – вируслы тын юлы инфекциясе (ОРВИ) төркеменә керә. Ул эпидемиягә әверелүчән. Моннан тыш, ул организмга өзлегү дә китерергә мөмкин булган кискен авыру. Бу авыру белән без беренче ел гына очрашмыйбыз һәм аны дәвалауга караганда кисәтүнең яхшырак булуын күпләр үз тәҗрибәләрендә сынап карады. Гриппка каршы прививка ясату – авырудан саклану өчен беренче адым. 2 һәм 4 классларда “Сак булыгыз:грипп!!!” темасына класс сәгате уздырылды. Эпидемиягә ничек әзерләнергә, авыруны йоктырудан ничек сакланырга, ә инде авырып киткән очракта якыннарны ничек саклап калырга? Класс сәгатендә укучылар белән әнә шундый сорауларга җаваплар эзләдек.

5 нче октябрь көнне мәктәптә “Тормыш иминлеге нигезләре” дәресләре үткәрелде. Классларда “Куркыныч хәлләрдә ничек эш итәргә?”, “Куркыныч ситуацияләр вакытында эш итү һәм үз-үзеңне саклау”, “Үзеңә һәм башкаларга булыш” дигән темаларга тәрбия сәгатьләре үтте. Укучылар арасында тормыш иминлеге нигезләре буенча викториналар үткәрелде. Укучылар мәктәпнең эвакуация планы белән якыннан таныштылар, огнетушитель белән эш итү алгоритмын үзләштерделәр, төрле саклау чаралары турында әңгәмәләр үткәрделәр. Гадәттән тыш хәлләрне кисәтү максатыннан эвакуация  дә үткәрелде.

Бүгенге көн, яшәешнең төрле катлаулы ситуацияләре, фән һәм техника үсеше нәтиҗәсендә килеп чыгардай сәламәтлеккә һәм иминлеккә кире йогынты ясардай очракларны кисәтү, булдырмый калу, саклану чаралары күрә белергә өйрәтү кече яшьтән үк башланырга тиеш. Дөрестән дә бала чит кешеләр янында үзен тота һәм саклый белергә өйрәнсә; табигатьне саклый һәм табигать тарафыннан килеп  чыгардай имгәнү очракларын алдан күрә һәм сиземли алса; өйдә тыелган  әйберләргә тимәскә һәр төрле куркыныч урыннардан сак булырга кирәклеген төшенсә, үз сәламәтлеген кайгырту буенча төшенә ала алса, хисси-психологик тәэсирләр кичергәндә үзен-үзе тынычландыра алса, урамда йөрү кагыйдәсенең мәҗбүри икәнлеген кабул итсә. без баланың иминлеге, сәламәтлеге турында кайгырта һәм төшендерә алганбыз дип әйтә алабыз. Шуларны күз алдында тотып 2 һәм 4 класс укучылары белән Тормыш иминлеге нигезләре буенча класс сәгате уздырылды.

Көз һәр кешенең күңелендә төрле хисләр уята: кемдер алтын-сары төскә күмелгән бу вакытка ихластан сөенә, бу айларда үзенә илһам, көч ала, ә кемдер көзләрдә сагышка бирелә, хатирәләр дөньясына чума... Ничек кенә булмасын, бу ел фасылы һәр кешенең күңелендә үз урынын таба. Без дә 6 класс укучылары белән көзнең матурлыгына сокланып  кердек.

1990 елның 14 декабрендә 1 октябрь “Өлкәннәр көне” итеп игълан ителә. Иң беренче бу бәйрәмне Европада, аннан Америкада, ә инде 80нче елның ахырында бөтен дөньяда бәйрәм итә башлыйлар. Әби-бабайлы кешенең нинди бәхетле икәнен һәр бала белә. Алар булмаса, өйдә, гомумән, тормышта ямь калмас иде. Аларны рәнҗетү, берүзләрен ялгыз калдырып китү, алар белән дорфа мөгамәләдә булу зур гөнаһ. Әби-бабаларыбызны хөрмәт итәргә, яратырга, кадерләргә кирәк! Сәрдәбаш башлангыч мәктәбенең 2,4 нче класс укучылары яраткан әбиләренә бүләк – открыткалар ясадылар

Әбекәй-алтыным!

Чәчәк эзләп йөрдем кырларда,

Белмим сезне ничек зурларга.

Теләп сезгә изге теләкләр,

Без ясадык матур бүләкләр.

Иртүк мәктәпкә йөгердем,

Нигә соңга калырга?!

Бүген безнең дүртенчене

Алалар варисларга.

Татарстан Варислары Берлегенә әгъза  булып кергәнче иптәшләре , укытучылар  каршында Татарстан Варислары Берлеге законнарын төгәл үтәргә, тырышып укырга,  актив эшләргә, өлкәннәрне хөрмәт итәргә тантаналы төстә ант итеп, бүген Сәрдәбаш башлангыч мәктәбенең 4 нче класс укучыларының муеннарына галстуклар тагылды.

Сәрдәбаш башлангыч мәктәбе укучылары дәрестән тыш эшчәнлектә матур эшләнмәләр ясарга яраталар.

Агач утырту– изге гамәл. Агачлар, куаклар безнең тирә – ягыбызны матурлыйлар, күңелебезгә сихәт бирәләр, һаваны чистарталар. Көзнең шушуы матур көнендә 7 нче сыйныф укучылары мәктәп бакчасына чия куаклары, мәктәп янына агачлар утырттылар.

Юлда йөрү куркынычсызлыгы атналыгы дәвам итә. Укучылар белән «Юл йөрү кагыйдәләрен төгәл бел!» исеме астында тәрбия сәгатьләре, «Кем күбрәк белә?» исеме астында викториналар үткәрелде. «Мәктәпкә куркынычсыз юл» почмагы янында әңгәмәләр үтте.