Мәктәбебезнең 7 класс укучысы Абдуллин И. "Җиңү төсләре" халыкара рәсем конкурсында лауреат дипломына ия булды. Аны бу уңышы белән котлыйбыз.

Бүген, онлайн режимда, мәктәбебездә соңгы кыңгырау чыңлады. Әти-әниләр, укучылар мәктәпкә булган җылы хисләрен, рәхмәтләрен җиткезделәр. Ак юллар сезгә кадерле чыгарылыш сыйныф укучылары. 

22 апрель – Халыкара Җир көне – чиста Су, Җир һәм Һава бәйрәме. Әлеге көн куркыныч экологик катастрофалар турында искә алу, һәр кешенең күңелендәге битарафлылык белән көрәшү көне, һәр кешенең экологик проблемаларны чишүдә үз өлешен кертә алу мөмкинлеге барлыгы турында уйланырга мөмкин көн ул! 7 нче сыйныф укучылары “Экологик уку” үткәрделәр. Алар авылыбызның экологик проблемалары, аларны чишү юллары турында фикер алыштылар. Планетабызның экологик катастрофалары турында фильм карадылар.

Агач утырту - бик кирәкле һәм саваплы гамәл. Чөнки һәр утыртылган агач табигатькә, кешеләргә файда гына биреп калмый, кешенең күңелендә мәрхәмәтлелек һәм әйләнә-тирәдәге һәр нәрсәгә сакчыл караш та уята. Үзең утырткан агач үсеп китсә, хезмәт җимешеңне күрү - үзе бер бәхет. Носы төп мәктәбе укучылары да “Урман  көне”  кысаларында өйләре янына икешәр җиләк – җимеш агачы утыртты.

21 март - Халыкара урманнар көне итеп билгеләп үтелде. Урман яшәү чыганагы, җир яме, табигатьнең иң матур бизәкләренең берсе. Ул матди байлык, саулык чыганагы. 6 нчы класс укучылары катнашында «Шауласыннар яшел урманнар!»  дип исемләнгән онлайн танып-белү сәгате уздырылды. Чарада катнашучылар урманның гаҗәеп зур байлык булуын, аны саклау һәрберебезнең изге бурычы икәнлегенә тагын бер кат төшенделәр.

8 нче сыйныф укучылары белән “Бар гүзәллек синдә, урман” дип аталган онлайн-тәрбия сәгате үткәрелде. Тәрбия сәгатендә укучылар Халыкара Урман көнен уздыруның төп бурычы – планетадагы кешеләрне урман экосистемаларының әһәмияте, халәте, аларны саклау, торгызу һәм  үстерү буенча төп чаралар белән таныштылар. Урман массивлары мәйданнары кимү глобаль әһәмияткә ия булган  негатив процессларга: туфрак эрозиясенә, үсемлекләр һәм хайваннар дөньясы төрлелеге кимүгә, сулык бассейннары деградациясенә, атмосферада углекислый газ артуга, сәнәгать һәм ягулык агачы күләме кимүгә, һәм нәтиҗә буларак, кешелек эшчәнлеге потенциалы кимүгә китергәнлеген белделәр.

6 класста «Гаилә көне» уңаеннан онлайн тәрбия сәгате үтте. Һәр укучы үз гаиләсе турында чыгыш ясады. Гаиләдәге мөнәсәбәтләр: бер-береңне хөрмәт итү, ярату, ярдәмләшү, бер-береңә карата сабыр һәм түзем булу, бер-береңнең уңышларыңа сөенү, шатлыкларны уртаклашу турында да сөйләшү булды. 

Яз көне мәктәп яны тәҗрибә участогында эшләр башланды. Саклык чаралары күреп чәчәкләр, суган, кишер, чөгендер чәчелде. 

Бүген Бөек Ватан сугышында һәлак булган авылдашларыбыз өчен салынган һәйкәлгә веноклар куелды.

Бурычлы без сезгә, рәхмәтлебез,
Шушы көнне күрәлгән өчен
Күпме корбан, әрнүләр хакына
Исән калды газиз туган илем.

Бөек Җиңү көне якынлашкан бу көннәрдә Туган илебезне яклап безгә матур, тыныч тормыш бүләк иткән  сугыш һәм тыл ветераннарыбыз каршында  баш иябез, аларга чиксез рәхмәтебезне  белдерәбез. 7 нче сыйныф укучылары тыл хезмәтчәннәре Ахмиева Рабига апаның һәм Мортазин Габделбарый абыйның сугыш еллары турындагы истәлекләрен тупладылар.