C 06.04.2020 года начинается IV четверть в режиме дистанционного обучения с использованием электронных ресурсов и дистанционных образовательных технологий. На сайте школы в разделе «Дистанционное обучение» размещена информация для всех участников образовательного процесса по данному вопросу.

20 нче март көнне мәктәбебездә «Авыл мәктәбе шартларында сыйфатлы белем бирү» темасына педагогик киңәшмә үткәрелде. Киңәшмәдә  3 нче чиреккә нәтиҗә ясалды, арадаш аттестация, хокук бозуларны кисәтү буенча эшчәнлек каралды.

17 нче мартта Сәрдәбаш башлангыч мәктәбендә әти-әниләр җыелышы үткәрелде. Әти-әниләр коронавирус турында чыгыш тыңладылар. Укыту-тәрбия эшенең торышы,  каникул чорында куркынычсызлык кагыйдәләре белән таныштылар.

Чираттагы класс сәгатендә Сәрдәбаш башлангыч мәктәбе укучылары белән грипп, ОРВИ, коронавирустан саклану чаралары турында әңгәмә үткәрелде. Укучылар белән шәхси гигиена кагыйдәләре  кабат искә төшерелде. Памяткалар өләшенде.

17 нче март көнне мәктәбебездә әти-әниләр җыелышы үткәрелде. Беренче көн тәртибе буенча коронавирус турында чыгыш тыңланды. Икенче көн тәртибе буенча мәктәптәге укыту-тәрбия эше белән таныштылар, хокук бозуларны кисәтү буенча фикер алыштылар. Каникул чоры өчен куркынычсызлык кагыйдәләре аңлатылды.

Мәктәбебездә  “Сез иң гүзәл кеше икәнсез...” дип исемләнгән  ветеран укытучылар, тыл хезмәтчәннәре белән очрашу кичәсе үткәрелде. Кичәдә ветеран укытучыларның тормыш юлы, фидакарь хезмәте, ирешкән уңышлары турында искә алынды.   Укучыларның  ветеран укытучылар хөрмәтенә  оештырылган концерты ямь өстенә ямь өстәп җибәрде.

Бөек Җиңүнең 75 еллыгына карата тәрбия сәгате үтте. Укучылар пионер-геройлар турында мәгълүматлар тупладылар һәм классташлары белән уртаклаштылар. 

5 класс укучылары Бөек Җиңүнең 75 еллыгына  багышланган  күргәзмә  ясадылар. Андагы мәгълүматларны тулыландырып торалар.

5 сыйныф укучысы Әхмәтова Ә. “Без бергә”  республикакүләм  конкурсының муниципаль этабында “Нәфис сүз” номинациясендә 1 нче дәрәҗәдәге лауреат булды.  Аның уңышы белән горурланабыз, киләчәктә дә иҗади уңышлар телибез.

Бәйрәм укучылар чыгышы белән башланды. Алар үзләренең әниләрен якынлашып килүче 8 март бәйрәме белән котладылар, үз куллары белән ясаган бүләкләрен тапшырдылар, матур җырларын, шигырьләрен, биюләрен бүләк иттеләр. Икенче өлештә әти-әниләр “Башваткыч” уенында катнаштылар. Кичәнең өченче өлеше балалар һәм әти-әниләр катнашында төрле уеннар белән үтте. Гаилә бәйрәменнән барлык балалар һәм әти-әниләр ял итеп, күнел ачып, бәйрәм рухы белән өйләренә таралыштылар.