Бүген  5, 7 класс  варислары  ТИН укытучысы  Габдрахманов  Камил Әдһәм улы  җитәкчелегендә  Бөек  Ватан  сугышында  һәлак  булган  авылдашларыбызга  куелган  һәйкәлгә венок   салдылар.

21 нче  февраль- Халыкара туган  тел  көне уңаеннан  татар  теле һәм әдәбияты укытучысы  Габдрахманова  Гөлниса  Вагыйз  кызы - 8-11 класс  укучылары  белән  "Башваткыч"  уены үткәрде. Уенда 8  класстан- Исмәгыйлев  Раил, 9  класстан- Назметдинова  Камилә, 11 нче класстан  -Назметдинов  Нияз  катнашты.Беренче  урынга  9 класс укучысы  Назметдинова  Камилә  лаек  булды.Уен барлык  укучылар  өчен  бик  файдалы булды.

Бүген  Ватанны  саклаучылар  көне  уңаеннан 8- 11 класс укучылары  арасында  Биатлон  ярышы  үткәрелде.Командалар  бик  тырышып әзерләнгәннәр. 1нче  урынга - 11 класс укучылары, 2нче  урынга- 9 класс укучылары, 3 нче  урынга - 8 класс укучылары лаек  булды. Молодцы!!!

Бүген  башлангыч классларда  һәм урта, югары классларда  җәмгыять  белеме укытучысы  Мифтахова  Ләйсән  Рәдифовна  "Татарстан- 2030: минем  республикага  керкән  өлешем" темасы  астында  парламент  дәресләре  үткәрде.Дәрес  укучылар өчен бик  кызык булды.

Бүген  мәктәбебез  укучылары Сафиуллина  Алисә, Хәсәнова Алия, Шамсетдинова Илүзә,Назметдинова Камилә, Хөсәенов Булат  Казан дәүләт аграр университеты тарафыннан  оештырылган "Начинаючий  фермер"эшлекле  уенында бизнес- план  проекты яклап  кайттылар. Дипломнар һәм сертификатлар  белән бүләкләнделәр.

Бүген башлангыч класс укучылары "Арча йолдызлары"  фестивалендә бию  коллективы белән  чыгыш  ясап кайттылар.

Бүген  башлангыч  класс укучылары ( укытучылары  Гөлфия  Дәминовна, Мөнирә Мәсхүтовна, Диләрә  Хәйдәровна, Миләүшә  Моратовна )  Муса  Җәлилнең  туган  көне  уңаеннан  "Исемең  калды  моңлы  бер  җыр  булып." исеме  астында  класстан  тыш  чара үткәрделәр. Алар шагыйрьнең  биографиясен, иҗатын  ныклап өйрәнгәннәр. Муса  Җәлилнең  шигырьләрен , шигырьләренә  язылган җырлар  башкарылды. Чара бик  күңелле һәм файдалы  үтте.

Бүген  "Дуслык" отряды  варислары(6  класс)  Муса  Җәлилгә  багышланган  отряд  сборы  үткәрделәр. Варислар  герой  шагыйрьнең  иҗатын  һәм  тормыш  юлын бик тырышып  өйрәнгәннәр, аның  шигырьләрен  сөйләделәр. Сбор  бик оешкан  төстә  үтте.

Бүген мәктәбебезгә Әфганстанда хезмәт иткән авылдашларыбыз Наил Шагиев һәм Фәрит Галиуллин килделәр."Әфганстан- йөрәк ярасы" дип исемләнгән очрашу кичәсе укучыларга бик ошады. Фәрит һәм Наил абыйлары укучыларга кем генә булсалар да тырышып укырга , тәртипле булырга кирәклеген искәрттеләр. Очрашу укучылар чыгышы белән үрелеп барды.