Бүген  районкүләм  "Яшь инспекторлар ярышы"  үткәрелде.   Мәктәбебезнең  3 нче сыйныф  укучылары  да әлеге ярышта  бик  матур  чыгыш  ясап  кайттылар.

Бүген  ветеран  укытучы  Фәргать  Зыятов белән  бик кызыклы  очрашу булды. Фәргать  абый  Тукайның  Өчиле белән  бәйле  тормышы  турында   бик  тәфсилләп  сөйләде. Укучыларга  Фәргать абыйның  сөйләве  бик  ошады. Безгә шундый  очрашу  оештырганы  өчен  район  мәдәният  бүлеге җитәкчесе  Мөхетдинов  Рамил  Рафис  улына олы  рәхмәтебезне  белдерәбез.

Бүген башлангыч  класс   укучылары  Г.Тукай   туган  көнне    билгеләп  үттеләр.  Укучылар  әсәрләрен сәхнәләштереп  бик  матур чыгыш  ясадылар. Кичәне  3 класс укучылары  һәм аларның  укытучылары  Мөнирә  Мәсхүтовна оештырды. Бәйрәм  тантанасы  бик  күңелле  үтте.

Бүген  укучыларыбыз Кушлавыч  мәктәбендә  Тукай  иҗаты  буенча  "Акыл- баттл" интеллектуаль  уенында   I    урынга  лаек  булдылар. (җитәкчеләре татар  теле һәм әдәбияты  укытучылары Габдрахманова Г.В., Шагисламова  Г.Р.) Молодцы!!! Без  сезнең  белән  горурланабыз.

Наласа  урта  мәктәбендә  "Милли  бердәмлек  көне". Бүген  иртәдән  көн аеруча матур, кояшлы иде. Әйтерсең лә табигать  тә нәкъ  бүген безнең белән  бәйрәм  итә кебек. Нәкъ  менә Тукай туган  көн  мәктәбебез  өчен  олы бәйрәм  көнгә әверелде. Иртәдән  барлык  укучылар, укытучылар  милли  киемнәрдән килеп керү  белән  башланды ул ямь. Тәнәфестә укучылар татарча  биеделәр, уеннар  уйнадылар. Дәресләр  беткәч мәктәбебезгә Солтан Шиһаповның килүе аеруча күңелле булды.Татар  милли  уен  кораллары, татар  халык  җырлары  белән  укучыларыбыз чын  тәрбия дәресе  алдылар. Бүген  барыбыз  да  күтәренке рух белән өйләргә таралыштык. Мондый  көннәр  ешрак булса   иде.

Бүген, 25 апрель көнне, Арча 3 номерлы мәктәбендә сөекле шагыйребез Г.Тукайга багышланган “Г. Тукай –безнең йөрәкләрдә” дип исемләнгән шигырь уку, шагыйрь сүзләренә язылган җырларны башкару бәйгесе уздырылды. 2 класс  сыйныф укучысы  Әхмәтҗанов Рүзил әлеге  бәйгедә 2  нче  урынга  лаек  булды.( укытучысы  Насыйбуллина  Д.Х.)

Бүген  мәктәбебездә  "Тукай  бәйрәме"  үткәрелде.Укучыларыбыз  шагыйрьнең   тормыш юлын, иҗатын  тагын  бер  кат  барладылар. Ике  командага бүленеп  КВН да үзара  көч сынаштылар. Бәйрәм  бик  файдалы  һәм күңелле  булды.

Укучылар  ял көне   китапханәләргә  йөриләр, бүген  алар әти-  әниләре  белән берлектә  китаплар укыдылар.
 

Бүген  "Язгы мәрхәмәтле эшләр атналыгы"  кысаларында  мәктәпкүләм  флешмоб  үткәрелде.Барлык  укучылар  да  актив  катнашты.

Барлык түләүләр ЕСИА аша регистрация үтеп  башкарыла.Укучылар  өйдә  әти- әниләрен, әби- бабайларын да интернет аша  түләргә өйрәтәләр.