Кайчан гына әле күбәләктәй

Ашкынып килдегез мәктәпкә

Җиз кыңгырау дәште сезне һәркөн

Яңалыклар тулы дәрескә.

 Үтте бик күп айлар, үтте еллар.

Күз алдында үсеп җиттегез.

Белем үрләренә омтылдыгыз

Бәйгеләрдә бик еш җиңдегез.

Бүген  "Мөстәкыйль  балалар"  төркеме  "Россия  без  табака  акциясе  үткәрде. Начар  гадәтләргә -  юк дип, бер көнлек контрактка  куллар куйдырылды.

Бүген  Арча  шәһәрендә  үткәрелгән Бөек  Җиңүнең 72 еллыгына  багышланган бәйрәм тантанасында  катнаштык. "Батырлар иле  -Наласа исеме  астында  Орденлы авылдашларыбыз  турында  күргәзмә алып бардык.

Бүген  Бөек Җиңүнең  72 еллыгы  уңаеннан, сугыштан   кайтмый   калган авылдашларыбызга куелган  Һәйкәл янында митинг үткәрелде.  Мәктәбебез  коллективы  "үлемсез  полк", шарлар, чәчәкләр  белән авыл  урамнарын урап митингка төште.  Һәйкәл  янында   6  класс укучылары бик  матр, эчтәлекле  чыгыш ясадылар, 8-9 класс  кызлары  башкаруындагы бию, 11 класс укучысы  Сафиуллина Алисә  һәм 1  класс  укучысы  Мөхетдинов Әнгам   башкаруындагы инцинировка  да  күңелгә  үтеп керерлек  булды. Укучыларыбызга һәм  аларны әзерләгән  татар  теле  һәм  әдәбияты укытучысы Гөлниса Вагыйз  кызына  олы  рәхмәтебезне  белдерәбез.

Җиңү  язы арта барган  саен  сугыш  ветераннарының  саны  кими  бара. Бүгенгесе  көндә  авылыбызда  исән   бер  генә  сугыш ветераны да юк. Укучыларыбыз, укытучылар  үзләренең  бабайларының, туганнарының фотолары белән   "Үлемсез   полк " сафларында  митингларда  катнашалар.

Бүген  башлангыч класс  укучыларының  "Мәдәни  көндәлек"ләренә  нәтиҗә  ясалды. 1 нче  урынга  -3  класс укучысы Хөсәенов  Ильдус, 2 нче урынга - 2  класс укучысы Фәттахов  Булат, 3 нче  урынга -   2 класс укучысы Сәләхетдинова Гүзәлия  лаек  булдылар.  Аларның  көндәлекләре  Арча  район  китапханәсенә  тапшырылды.

Башлангыч класс укучылары  белән пожар  күзәтүе инспекторы Сотов Антон  Юрьевич, инструктор Рахимова  Миләүшә  Г.  пожар  куркынычсызлыгы   буенча түгәрәк  өстәл  үткәрделәр. Укучыларга  пожар куркынычсызлыгы кагыйдәләре  аңлатылды, видеороликлар  күрсәтелде.

Бәйрәм белән, дуслар!!!
 

29 нчы  апрель-  агач утырту көнендә мәктәп  территориясендә  6,7 класс укучылары  агач утырттылар.

Бүген  мәктәбебез  коллективы  белән  дәресләрдән соң мәктәп янын җыештырырга  чыктык. Тирә- юнь  чүп -  чарлардан  арындырылды, тырмаланды.