Муниципальное бюджетное общеобразовательное учреждение «Нижнеметескинская средняя общеобразовательная школа имени Д.Г.Хакимова» Арского муниципального района Республики Татарстан / Татарстан Республикасы Арча муниципаль районының «Хәкимов Д.Г исемендәге Түбән Мәтәскә урта гомуми белем мәктәбе» муниципаль бюджет гомуми белем учреждениесе
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422022, РТ, Арский район, село Нижние Метески, улица Молодежная, дом 11\ Татарстан Республикасы Арча муниципаль районы, Түбән Мәтәскә авылы, Яшьләр урамы, 11 нче йорт |
| Телефон: | +7(843)-665-62-03 |
| E-Mail: | Snm.Ars@tatar.ru |
| Министерство: | Министерство образования и науки Республики Татарстан |
| Короткое название: | МБОУ «Нижнеметескинская СОШ имени Д.Г.Хакимова» |
| Руководитель: | Гайнетдинов Ильдар Борханович |
| Год основания учреждения: | 1984 |
| У нас учатся: | 141 (25 в филиалах) / Бездә укыйлар: 141 укучы |
| У нас учат: | 23 (4 в филиалах) / Бездә укыталар 23 укытучы (4 укытучы филиалларда) |
Муниципальное бюджетное общеобразовательное учреждение «Нижнеметескинская средняя общеобразовательная школа имени Д.Г.Хакимова» Арского муниципального района Республики Татарстан / Татарстан Республикасы Арча муниципаль районының «Хәкимов Д.Г исемендәге Түбән Мәтәскә урта гомуми белем мәктәбе» муниципаль бюджет гомуми белем учреждениесе - новости
Страницы: << 171 172 173 174 175 ( 176 ) 177 178 179 180 >>
-
“Батарейканы тапшыр - керпене коткар" акциясе 31.03.2019 “Батарейканы тапшыр - керпене коткар" акциясе бара. Безнең Мөндеш башлангыч мәктәбе укучылары да әлеге акциядә теләп катнашырга булдылар. Бу акциянең максаты – җәмәгатьчелекнең игътибарын тирә-юньне пычрату проблемасына җәлеп итү һәм экологик культураны үстерү. Акциядә иске батареясе булган һәркем катнаша ала. Кулланышта булган батарейкалар - кыйммәтле материал.Саннар күрсәткәнчә, чүп чиләгенә ташланган бер кечкенә батарейка җирнең якынча 20 квадрат метр өлешен авыр металлар белән пычрата ала. Ә урман зонасында исә әлеге сан ике агач, ике сукыр тычкан, бер керпе һәм берничә мең яңгыр сулачаны белән исәпләнә
-
Һөнәрле булу гәүһәрле булуга тиң 30.03.2019 2019 нчы ел Татарстанда "Эшче һөнәрләр елы" буларак уза. Язгы каникул вакытында Мөндеш башлангыч мәктәбендә “Һөнәрле булу гәүһәрле булуга тиң ” дип аталган кичә-очрашу үтте. Иң элек китапханәче Шәмсетдинова Миляүшә Нургали кызы китапханәче һөнәре, бу эшнең җаваплы, авыр, вак, күп хезмәт таләп итә торган һөнәр булуы белән таныштырды. Хәзерге укучыга китапны күрсәтеп, исемен атау гына җитми, аны җәлеп итәрлек юллар эзләп, китапның иң кызыклы өлешен укып күрсәтү, аны тулаем уку өчен этәргеч булып торуын аңлатты. Район китапханәсе оештырган әдәби марафонда катнашырга, гаиләләр белән китап укулар оештырырга чакырды. Халкыбызның танылган шагыйре Г. Тукайның «Кызыклы шәкерт», «Эшкә өндәү» шигырьләрен дә кулланып, кирәкле нәтиҗәләрне балалар күңеленә сала барды. Ә укытучы Гыйбадуллина Ильмира Габделхак кызы укучыларны хезмәт базарында иң кирәкле һөнәрләр белән таныштырып, кече яшьтән үк хезмәт тәрбиясе, һөнәр сайлау турында уйланулар, киләчәктә хезмәт юлына юнәлеш бирүдә әһәмиятле урын булуын азсызыклады. Авылыбызның шәхси эшмәкәре Шәмсетдинов Таһир “Егет кешегә 70 төрле һөнәр дә аз”дигән мәкальне күз алдында тотып, укучыларны сантехника һөнәре серләренә төшендерде, полипропилен материал белән эшләгәндә куркынычсызлык кагыйдәләрен, эш тәртибен аңлатып, мастер-класс күрсәтте, робот моделе ясады. Укучылар кызыксынып, шаккатып утырдылар. Гади генә трубалардан менә нәрсәләр ясап була икән бит! Очрашу ахырында нәтиҗә ясаганда укучылар, һөнәрең булса, тормышта яшәргә була, һөнәрле кеше беркайда да югалмый, киләчәктә сайлаган һөнәрең үзеңә ошарга һәм башкаларга файда китерергә тиеш дигән фикерләрен әйттеләр. Әлеге чарадан укучылар да, килгән кунаклар да, укытучылар да канәгать калды.
-
“Минем шәҗәрәм” Республика балалар бәйгесе 29.03.2019 2019 нчы елның 20 нче мартыннан 30 нчы апреленә кадәр Татарстанда “Минем шәҗәрәм” исемле Республика балалар бәйгесе узачак. Конкурс Татарстан Республикасы Дәүләт архивы һәм тарафыннан үткәрелә. Бәйгедә Татарстанның гомуми белем бирү оешмаларының башлангыч сыйныф укучылары катнаша ала. Гаилә шәҗәрәсен өйрәнү һәм төзү аша яшь буынга рухи-әхлакый тәрбия бирү конкурсның максаты булып тора.Шуны истә тотып Мөндеш башлангыч мәктәбе укучылары да бәйгедә катнашырга теләктәшлек белдерде. Нәсел тарихына кагылышлы мәгълүматларны туплау, электрон форматка күчерү, саклау һәм киләчәк буыннарга тапшыру, туган як тарихын өйрәнүдә файдалану. Шагыйрь Кадим Аралбайның “Ал бер үрнәк—бал кортлары төзи кәрәз, син дә ятма: кор ояңны, үр шәҗәрә” дигән сүзләрен эшебезнең девизы итеп алынды һәм берничә укучының эше әлеге бәйгегә җибәрелде.
-
Укытучылар ярыша 28.03.2019 Профсоз хезмәткәрләре арасында үткәрелгән зона волейбол ярышларында ир-егетләр командасы икенче урын алды Котлыйбыз!
-
“Батарейканы тапшыр-керпене сакла” акциясе 28.03.2019 Күпербаш китапханәсе белән берлектә, табигатьне саклау максатыннан “Батарейканы тапшыр-керпене сакла” акциясендә Казиле башлангыч мәктәбе укучылары да катнаша.
-
Мәктәпкә хәзерлек 27.03.2019 26 нчы мартта Казиле башлангыч мәктәбендә мәктәпкә хәзерлек дәресләре дәвам итте. Балалар сөйләм теле,математика,сынлы сәнгать буенча шөгыльләнделәр.
-
Шефлык дәвам итә. 26.03.2019 Каникул көннәрендә "СМС -Дети" акциясендә катнашучы укучылар педагог-организатор Сәгъдиева Х.К.җитәкчелегендә Бөек Ватан сугышында һәлак булганнарга куелган һәйкәлне кардан чистарттылар.
-
Әти-әниләр җыелышы 26.03.2019 Казиле башлангыч мәктәбендә 25нче март көнне 3нче чирек нәтиҗәләренә багышланган әти-әниләр җыелышы үтте. Әти-әниләр бала тәрбияләү тәҗрибәләрен уен формасында күрсәттеләр.
-
Язгы каникуллар башланды 25.03.2019 Класс җитәкчеләре, дирекция язгы каникулларга китәр алдыннан укучыларга иминлек кагыйдәләрен кабат аңлаттылар.Язгы ташулар башланыр вакыт җиткәч аеруча игътибарлы булырга кирәклеге искәртелде.
-
Кошлар –безнең дуслар 25.03.2019 Кышның салкын бураннары үтә, Менә кабат җиргә язлар җитә. Таллар бөре ача, кояш көлә, Күчмә кошлар җиргә тавыш бирә. Җылы яктан очып кайтырлар Көзен киткән кошлар, кошкайлар. Җырлый-җырлый оя сайларлар Безнең якын дускайлар.
