Тәрбиячеләр табигать почмакларындагы "бакча"ларда  күп төрле усентеләр үстерәләр, шул рәвешле балалар белән  табигатьтәге үзгәрешләрне даими күзәтеп, өйрәнеп баралар.

29 апрель көнне балалар бакчасы коллективы юл буена агачлар агарту өмәсенә чыктылар.

Бүген балалар бакчасында татар халкының мәҗүси бәйрәмнәре белән таныштыру, халкыбызның борынгы йола-бәйрәмнәренә ихтирам тәрбияләү, уеннар, такмазалар аша сөйләм үстерү максатыннан карга боткасы үткәрделәр.

Кичә, 25 апрель көнне бакчабызда озак еллар пешекче булып эшләүче Тәнзилә Әбүләес кызы Зәкиеваның 55 яшьлек олы юбилее булды. Аны бу уңайдан чын күңелебездән тәбрик итәбез, аңа киләчәк тормышында  ныклы сәламәтлек, балаларының, оныкларының игелекләрен күреп, җан тынычлыгы белән, байлыкта, муллыкта, шатланып гомер кичерүен телибез.

Мәктәпкә әзерлек төркемендә Г.Тукайның 130 еллыгына багышлап, шагыйрьнең әкиятләренә, шигырьләренә рәсем конкурсы оештырылды.

Балалар Габдулла Тукайның иҗатын бик яраталар. Тәрбияче апалары оештырган Тукай китаплары күргәзмәсе балаларда туган телләренә хөрмәт, горурлану хисләре тәрбияләр дип ышанабыз.

20 апрельдә балалар бакчасында Габдулла Тукайга багышланган бәйрәм иртәсе булды. Бәйрәмнең максаты: шагыйрьнең шигырьләре, әкиятләре аша балаларда шәфкатьлелек, кешелеклелек сыйфатлары, туган телебезгә олы ихтирам хисләре тәрбияләү.

19 апрель көнне Яңа Әлем мәдәният йортында гомуми ата-аналар җыелышы булды. Җыелышта янгын сүндерүу частогыннан Ленар Хабибуллин, эчке эшләр бүлегеннән өлкән инспектор Ания Ахунова, социаль яклау бүлегеннән педагог-психолог, мәктәп директоры Даниял Гарипов, ветераннар советы җитәкчесе Тәхия Усманова һ.б. чыгышлары тыңланды.

11 апрельдән Яңа Әлем балалар бакчасында рус теле атналыгы башлана. Атна дәвамында мөдир тарафыннан төркемнәрдә рус теле эшчәнлекләрен карау; хороводлы уеннар өйрәнү, тәрбиячнләрнең кул эшләреннән күргәзмә оештыру, Балаларның яраткан мультфильм геройлары" ата-аналарның рәсем конкурсы, бармак уеннары, бармак театры көне үткәрү, "Рус халык әкиятләре геройлары" тозлы камырдан ясалган фигуралар конкурсы үткәрү планлаштаралган.

Бүген Яңа Әлем балалар бакчасында тәрбиячеләр Р.Х. Әгъләмова, Л.Р. Максутова уртанчылар төркеме балалары белән ата-аналарга ачык эшчәнлекләр күрсәттеләр.