"Ел тәрбиячесе - 2017" конкурсында 3 урын алган тәрбиячебез Максутова Л.Р. "Умырзая" балалар бакчасы базасында узган зона ярышында катнашты. Мөслим, Сарман, Актаныш, Минзәлә районнарыннан килгән 12 тәрбияче белем бирү эшчәнлекләре күрсәттеләр, презентацияләр якладылар.

18 февраль көнне Яңа Әлем мәдәният йортында мәктәпкә әзерлек һәм уртанчы - зурлар төркемнәре балалары һәм әти-әниләре катнашында "Гаилә бәйрәме" узды. Балалар әти-әниләренә шигырьләрен, җыр-биюләрен бүләк иттеләр, әти-әниләргә төрле уен-ярышлар оештырылды.

2 кечкенәләр төркеме 23 февраль - Ватанны саклаучылар көненә әтиләрнең кул эшләреннән күргәзмә ясады. Тема: Юл йөрү кагыйдәләренә өйрәтү.

"Йолдызлык - 2017" бәйгесенең муниципаль этабы төгәлләнде. Безнең балалар бакчасы мактаулы 2 урынга лаек булды. Афәрин! Балаларга һәм апаларга киләчәктә дә уңышлар юлдаш булсын!

Бүген Муса Җәлилнең тууына 111ел. Шул уңайдан тәрбиячеләр балаларны аның биографиясе, шигырьләре белән таныштырдылар, Муса Җәлилгә багышланган ширмалар ясап куйдылар.

Актаныш муниципаль районы мәдәният сараенда үткәрелгән "Йолдызлык - 2017" конкурсының сайлап алу турында безнең балалар бакчасыннан балалар күмәк татар биюе, "Маша и медведь" эстрада биюе, конферанслар чыгышы, Сарварова Асылъярның ялгыз җыры белән катнаштылар.

Бүген Яңа Әлем мәдәният йортында "Йолдызлык -2017" конкурсының 1 туры булып үтте.

Бүген бакчабызда хуҗалык мөдире булып эшләүче Резида Мирзариф кызы Ситдикованың олы юбилее - 55 яше. Аны бу бәйрәме белән чын күңелдән тәбрик итәбез.  Аңа сәламәтлек, җан тынычлыгы, гаиләсенә тигезлек, бәхетле озын гомер телибез!

Рәсем ясау - балаларның яраткан шөгыльләренең берсе. Рәсем ясау балаларның вак моторикасын үстерә, иҗади күзаллауларын арттыра.

Театр уеннары балаларның сөйләм телен, фикерләү сәләтен үстерә, бер-берсе, һәм өлкәннәр белән аралашырга өйрәтә, мәрхәмәтлелек, игелеклелек хисләре тәрбияли. Балалар бакчасында тәрбия процессында театр уеннары киң кулланыла.