Актаныш муниципаль районы мәдәният сараенда үткәрелгән "Йолдызлык - 2017" конкурсының сайлап алу турында безнең балалар бакчасыннан балалар күмәк татар биюе, "Маша и медведь" эстрада биюе, конферанслар чыгышы, Сарварова Асылъярның ялгыз җыры белән катнаштылар.

Бүген Яңа Әлем мәдәният йортында "Йолдызлык -2017" конкурсының 1 туры булып үтте.

Бүген бакчабызда хуҗалык мөдире булып эшләүче Резида Мирзариф кызы Ситдикованың олы юбилее - 55 яше. Аны бу бәйрәме белән чын күңелдән тәбрик итәбез.  Аңа сәламәтлек, җан тынычлыгы, гаиләсенә тигезлек, бәхетле озын гомер телибез!

Рәсем ясау - балаларның яраткан шөгыльләренең берсе. Рәсем ясау балаларның вак моторикасын үстерә, иҗади күзаллауларын арттыра.

Театр уеннары балаларның сөйләм телен, фикерләү сәләтен үстерә, бер-берсе, һәм өлкәннәр белән аралашырга өйрәтә, мәрхәмәтлелек, игелеклелек хисләре тәрбияли. Балалар бакчасында тәрбия процессында театр уеннары киң кулланыла.

"Ел тәрбиячесе - 2017" район конкурсында безнең балалар бакчасыннан "Нарасый" ясле - 1 кечкенәләр төркеме тәрбиячесе Максутова Л.Р. катнашып, 2нче санлы "Ромашка" балалар бакчасы базасында "Ташлар илендә" интегральләштерелгән эшчәнлеге һәм иҗади презентациясе белән чыгыш ясады.

Бүген тәрбияче Идрисова А.Н белән кече тәрбияче Фатихова Г.М. уртанчылар-зурлар төркеме балалары белән Яңа Әлем тугызъеллык мәктәбе базасында урнашкан "Туган якны өйрәнү" музеена экскурсиягә бардылар.

«Горурлык ае» кысаларында “Яңа Әлем балалар бакчасы” муниципаль бюджет мәктәпкәчә белем бирү учреждениесендә якташыбыз, Татарстан Республикасының беренче президенты Минтимер Шәрип улы Шәймиевның 80 яшьлек юбилее уңаеннан төркемнәрдә тәрбия эшчәнлекләре үткәрелде. Балаларда патриотик хисләр тәрбияләү масатыннан, Республикабыз, туган телебез, җирлегебездән чыккан күренекле кешеләр , аерым алганда М.Ш. Шәймиев турында бик күп мәгълүмат бирелде, мәктәпкә әзерлек төркеме балалары аның яраткан ризыкларыннан берсе – чәкчәк пешерү серләренә өйрәнделәр. 

Иртәнге гимнастика баланың иртәнге йокысыннан торганнан соң сулыш, кан йөрешен, нерв системасының тонусын нормальләштерә,  матдәләр алмашын җайга сала. Көндәлек гимнастика баланың физик һәм уйлау-фикерләү сәлатен үстерә, шулай үк  баланың кәефен күтәрә, аларны дициплинага өйрәтә, оялчан баланы активрак булырга ярдәм итә.

Бу көннәрдә балалар бакчасында музыка җитәкчесе Фаррахова А.Ф. һәм тәрбиячеләр балаларны "Йолдызлык - 2017" конкурсына әзерләндерәләр.