Гимназия-интернатның 7 сыйныф укучысы Данил Гыйзетдинов Актаныш йөзү мәктәбе уздырган район беренчелегендә 1 нче, ә Мөслимдә узган "Нептун" бассейны кубогы ярышларында 3 нче урыннарны яулады. 

Баскетбол буенча район беренчелегендә гимназиянең җыелма командасы: 8 нче сыйныф укучысы Язилә Шәрипҗанова, 9 нчы сыйныф укучылары Гөляз Хөсәинова, Алисә Шагзамова, Элвина Габдрахманова, Алинә Әгъләмова,10 нче сыйныф укучысы Алия Рәшитова, 11 нче сыйныф укучысы Диләрә Саттаровалар 1 урынга лаек булды. 

7 нче сыйныф укучысы  Заһит Шәйхәйдәров Зөфәр Газиз улы Шәйдулла истәлегенә  үткәрелгән XII Бөтенрәсәй көрәш турнирында 1 урын, район башлыгы призына  узган көрәш бәйгесендә (46 кг га кадәр)  2 урын яулады.

IV республикакүләм  “Фоат Садриев укулары -2017” чарасында катнашып, 7 нче сыйныф укучысы Ләйсән Салахова 3 урын яулады. 

Республикакүләм химия фәненнән   “ Олимпка юл”  олимпиадасы  призеры: 10нчы  сыйныф укучысы Данияр Саррахов;  11 нче сыйныф укучысы Сөмбел Насертдинова,  8 нче сыйныф укучысы Элвина Галләмова җиңүчеләр дип табылдылар. (  укытучылары  Гарипова Рүзилә Илдар кызы). 

“Сәләтле балалар өчен гуманитар гимназия-интернат” ы 2016-17 нче уку елына 5-6,10 нчы классларга конкурс нигезендә укучылар кабул итә.

1.     Конкурс татар теле, рус теле, инглиз теле һәм математика буенча тест формасында үткәрелә.

2.     Укучының портфолиосы карала (эчтәлек һәм сыйфаты бәяләнә).

3.     Әңгәмә вакытында гомуми фикер йөртү дәрәҗәсенә игътибар бирелә.

Сайлап алу көннәре: 15 нче апрель,  29 нчы апрель, 13 нче май 2017 ел.

Телефон: (85552)3-26-05, 8(960)0738361

Гимназия-интернат ачык ишекләр көненә чакыра

1 нче апрель көнне гимназия – интернат  4-5, 9 нчы сыйныф укучыларын, ата-аналарын ачык ишекләр көненә чакыра.

Чара программасында: гимназия-интернат  буенча экскурсия узу, проектлар белән танышу, мастер класслар карау,

2016-2017 уку елына кабул итү кагыйдәләре белән танышу, кызыксындырган сорауларга җавап алу.

“Ел укытучысы-2017” республика бәйгесенең финал туры үтте.  Конкурс нәтиҗәләре буенча гимназия-интернатның  тарих укытучысы Марат Илсур улы Гыйлметдинов “За эрудицию и неординарное мышление” номинацисендә җиңү яулады.   Афәрин!

11-13 март көннәрендә Актанышта  "Созвездие-Йолдызлык" республика яшьләр эстрада сәнгате телевизион фестиваленең зона туры үтте. Гимназия – интернатның  “Ак нур” вокаль ансамбле 1 урынга лаек булды (Җитәкчесе: Ә.Ф.Фәйзуллина), “Хәзинә” бию ансамбле “Милли традициялләрне саклау” номинациясендә диплом белән бүләкләнде (Җитәкчесе:А.И. Локманова). Котлыйбыз! Республика турында уңышлар телибез!