Укучыларыбыз  үзләрен спортның төрле төрләрендә  сынап карыйлар. “Сәламәт тәндә – сәламәт акыл” татар халык мәкален  алар девиз итеп тоталар.

15 нче апрель, 29 нчы апрель, 13 нче май көннәрендә гимназиядә яңа уку елына сайлап алу турлары үтте. 53 укучы 5 нче сыйныфка, 21 укучы 6 нчы сыйныфка, 23 укучы 7 нче сыйныфка, 14 укучы 8 нче сыйныфка, 8 укучы 10 нчы сыйныфка укырга килергә теләк белдерде. Барлыгы 119 укучы сынау аша үтте. Әлеге укучылар арасында Актаныш районыннан – 64 укучы, Азнакай районыннан - 11, Сарман районыннан - 14 , Минзәлә районыннан - 16, Мөслим районыннан - 4 , Нижнекамск шәһәреннән - 1, Тукай районыннан - 5, Башкортстаннан – 4 укучы катнашты.

3 нче июнь көнне кайбер сәбәпләр аркасында килә алмаган укучыларны гимназиягә сайлап алу турына көтеп калабыз.

Җиңүнең 72 еллыгына багышланган районкүләм 63 нче тапкыр үткәрелгән туристик слётта гимназия укучыларыннан җыелган кечкенәләр командасы I урынга лаек булды. Котлыйбыз!

Гамил Афзал исемендәге укучылар иҗат фестивале  җиңүчеләрен һәм лауреатларын хөрмәтләү тантанасы булып узды. Бәйрәмгә килүчеләрне гимназия директоры Гарипов Рамил Марат улы, Актаныш муниципаль районы башкарма комитеты җитәкчесенең социаль мәсьәләләр буенча урынбасары Әнвәрова Дилбәр Миркасыйм кызы, язучы, драматург,  Татарстан Язучылар берлеге рәисе Данил Салихов,  Гаяз Исхакый исемендәге премия лауреаты, Фатих Хөсни,  Саҗидә Сөләйманова исемендәге әдәби бүләкләр иясе, Татарстан Язучылар берлеге әгъзасы Рифә Рахман, Татарстан Републикасы Мәгариф һәм фән министрлыгының милли мәгариф идарәсе җитәкчесе Исмәгыйлова Гөлназ Хәмзә кызы   котлады. Яшь иҗатчылар Татарстан Республикасы мәгариф һәм фән министрлыгының һәм Татарстан Язучылар берлегенең дипломнары, акчалата сертификатлары белән бүләкләнделәр.

Туган телне саклау, өйрәнү һәм үстерү, милли гореф-гадәтләребезгә, рухи байлыгыбызга мәхәббәт тәрбияләү, укытучыларда фәнни эзләнүләрдә иҗадилыкка омтылыш һәм кызыксыну уяту максатыннан, Мәгариф һәм фән министрлыгы, Филология һәм мәдәниятара багланышлар институты, Яр Чаллы дәүләт педагогика университеты, «Сәләтле балалар өчен гуманитар гимназия-интернат» дәүләт автономияле гомумбелем учреждениесе белән берлектә  VI республика «Гамил Афзал укулары» үткәрде. Укуларның беренче турында 834 фәнни эш тикшерелеп, 145е икенче турга үтте. Әлеге фәнни хезмәтләр 9 секциядә якланды һәм жюри комиссиясе тарафыннан бәяләмә алдылар. Җиңүчеләр министрлыкның дипломнары белән бүләкләнде.

"Гамил Афзал укулары" VI республикакүләм педагогик укуларының 2 нче турына үтүче укытучылар исемлеге билгеле булды. 

18 май көнне, "Сәләтле балалар өчен гуманитар гимназия-интернаты" бинасында, Гамил Афзал иҗат фестивалендә икенче турга үткән укучыларны бүләкләү тантанасы уздырыла. Регистрация вакыты: 08.00-08.50 сәг., башлана 09.00 сәг-тә. Адресы: Актаныш авылы, Аэропорт урамы,3а                                                                                                                                           

Район мәдәният йортында, гимназия-интернатның 2016-17 нче уку елы алдынгыларын хөрмәтләү тантанасы үтте. Бүләкләнүчеләрне Татарстан Республикасы Премьер-министры урынбасары - Татарстан Республикасы Мәгариф һәм фән министры   Энгель Нәвап улы  Фаттахов, Актаныш муниципаль районы башкарма комитетының “Мәгариф идарәсе” муниципаль оешмасы җитәкчесе  Илшат Рәфит улы Вахитов һәм “Сәләтле балалар өчен гуманитар гимназия-интернаты” директоры Рамил Марат улы Гарипов  котлады.  Әлеге чарада гимназиянең спортта, сәнгатьтә, проектлар эшчәнлегендә, фән олимпиадаларында аеруча зур уңышларга ирешкән укучылары һәм укытучылары министрлыкның Рәхмәт хаты, истәлек бүләкләре белән бүләкләнде. Тамашачылар буларак әти-әниләр, уку йорты белән  хезмәттәшлек  итүче оешма җитәкчеләре килгән иде.

Республикакүләм үткәрелгән “Без яшь, без сәләтле...” укучылар олимпиадасы җиңүчеләрен бүләкләү чарасы булып узды. Интеллектуаль бәйгедә катнашып, җиңүче һәм призер исеменә лаек дип табылган,  Сарман, Минзәлә, Мөслим, Азнакай, Илеш, Бөгелмә, Норлат районнары укучылары, иң элек, гимназия-интернатта экскурсиядә булдылар. Соңыннан, район мәдәният йортында, бүләкләү тантанасында катнаштылар.   Җиңүчеләрне Татарстан Республикасы Премьер-министры урынбасары - Татарстан Республикасы Мәгариф һәм фән министры   Энгель Нәвап улы  Фаттахов котлады.

Халыкара телләр өйрәнү ЕF компаниясенең  Россиядәге филиалы генераль директоры Эдуард Балдаков җитәкчелегендәге делегация гимназиягә эшлекле визит белән килде.  Очрашу барышында компания вәкилләре гимназиянең инглиз теле укытучылары белән тренинг үткәрделәр, укучыларның инглизчә сөйләм теле дәрәҗәсен үстерү  буенча 1 еллык проект тәкъдим иттеләр һәм шушы юнәлештә хезмәттәшлек килешүе төзелде.