Гимназиянең “Хәзинә” бию коллективы, Яр Чаллы шәһәрендә оештырылган, яшь башкаручыларның XI халыкара фестиваль-конкурсында чыгыш ясап кайтты. Коллектив, “Хореография” номинациясенең 13-16 яшьлек катнашучылар категориясендә III дәрәҗә дипломга лаек булды. Җитәкчеләре – Локманова Айзирәк Илгиз кызы. Котлыйбыз!

 Заместитель  директора по профессиональному развитию Аюпова Л. Р. и учителя Нурыева И. А., Файзуллин Р. У., Исламов М. М. и Гильметдинов М. И. побывали на очередном семинаре творческих групп "Школ Превосходства" , организованном на базе СОШ №146 г. Казани.  Наши учителя посмотрели два урока с элементами теории познания и приняли участие в мастер-классе по развернутому эссе.

Гимназия-интернатның 6а сыйныфы укучысы Багаветдинова Камилә, республика олимпиада үзәгендә оештырылган татар теле һәм Татарстан тарихы фәннәреннән олимпиадада катнашып, призёр булды.  Укытучысы - Әһлетдинова Ландыш Филүс кызы. Котлыйбыз!

Гимназиянең "Ялкын" балалар оешмасы республикакүләм "Язгы мәрхәмәтлелек атнасы" акциясенә кушылды! Планда сугыш һәм тыл ветераннарына, ялгыз яшәүче өлкәннәргә ярдәм итү, экологик экскурсияләр, өмәләрдә катнашу каралган. Девизлары: "Һәркөн изге эшләр башкар!"

Гимназия-интернатта  2017-18 уку елына  укучылар кабул итү кампаниясе үз эшен башлап җибәрде, бүген сайлап алу турларының беренче агымы булып узды. Анда Актаныш районы авылларыннан һәм Татарстан республикасы районнарыннан килгән 43 укучы катнашты.  Укучылар башта билгеләнгән фәннәрдән тест эшләде, соңыннан әңгәмә-аралашу үттеләр. Алдагы сайлап алу туры көннәре: 29 апрель һәм 13 май. Гимназия-интернатка рәхим итегез!

Гимназиянең 6а сыйныфы әти-әниләре "Иң яхшы ата-аналар комитеты" конкурсының район этабында катнашты. Класс җитәкчесе Әһлетдинова Ландыш Филүс кызы оештырган "Ак җилкән" комитеты, башкаларга үрнәк булырлык, җаваплылык, бердәмлек, оешканлык сыйфатларын күрсәттеләр.  Киләчәктә дә "Ак җилкән" эшчәнлегенә  "уңай җилләр" генә юлдаш булсын! 

 Гимназиядә инглиз теле укытучыларының төбәкара семинар-утырышы булып узды. Бирегә Татарстанның Сарман, Әлмәт, Минзәлә, Мөслим районнарыннан, Башкортстан Республикасының Илеш районыннан укытучылар килде. Гимназия укытучылары Тимирова Лилия Фнун кызы, Валиева Резеда Фликс кызы һәм Пучы урта мәктәбеннән Гобәйдуллина Ләйсән Тахир кызы дәрес фрагментлары күрсәтте. Казанның 2нче, 4нче, 7нче лицей-интернатларыннан килгән Колесников Денис Петр улы, Солтанов Алат Әлфәр улы һәм Яхин Илдар Ясар улы инглиз теленнән БДИга һәм Бөтенроссия олимпиадасына әзерләнү методикалары, проблемалары һәм аларны чишү юллары белән уртаклаштылар, СLILның инглиз телен укытуда файдалы яклары турында сөйләп киттеләр. Шулай ук, семинарга, Казанның ЛингвоПарк чит телләр өйрәнү үзәге үзенең методик кулланмалар күргәзмәсен алып килде. 

Бөтендөнья авиация һәм космонавтика көнен билгеләп үтү уңаеннан, гимназия-интернат укучылары "Яшьлек" кинотеатрында "Космос между нами" исемле видеофильм карадылар.

Педагог, шәхес үсеше һәм гаилә мөнәсәбәтләре өлкәсендә психолог-консультант, ата-ана һәм балалар турында күп кенә программалар авторы Алексей Анатольевич Бабаянц Актанышка килде.  Ул, "Яшьлек" милли-мәдәни үзәгендә, гимназия-интернат педагог-тәрбиячеләре, район укытучылары һәм ата-аналар өчен семинар-лекция үткәрде. Очрашуда катнашучылар бала тәрбияләү юнәлешендә үзләрен кызыксындырган сорауларга җаваплар алдылар.