5-8 класс укучылары, районкүләм үткәрелгән инглиз телендәге театр конкурсында, Л.Н. Толстойның “Как мужик гусей делил” дип исемләнгән әсәрен  сәхнәләштерделәр.

Гимназиянең  “Ак нур” вокал ансамбле (җитәкчеләре Фәйзуллина Әлфинә Фердинас кызы) һәм конферанс кызыбыз Шәмсиева Адилә (5 класс) “Йолдызлык” фестиваленең Республика этабында чыгыш ясадылар.

Яшүсмерләрнең XVI К.Насыйри исемендәге регионара фәнни-эзләнү укуларында Сәләтле балалар өчен гуманитар гимназия-интернатның IX сыйныф укучысы Шәрипҗанова Язилә II дәрәҗә дипломга ия булды, укытучысы Л.Ф.Әһлетдинова. Котлыйбыз!

Бүген гимназиянең биюче егет һәм кызлары, “Без бергә” Республика халык иҗаты балалар сәнгать фестиваленең зона этабында, Мөслим сәхнәсендә чыгыш ясыйлар. Уңышлар аларга! 

31марттан 2 апрельгә кадәр,   мәркәзебез Казанда Лобачевский исемендәге Бөтенроссия фәнни-гамәли конференция уздырылды. Бу мәртәбәле конференциядә гимназиянең 11 сыйныф укучысы  Энҗе Әһлетдинова, әдәбият секциясендә чыгыш ясап, I урынга лаек булды. Энҗене һәм укытучысы Әһлетдинова Ландыш Филүс кызын әлеге җиңү белән чын куңелдән котлыйбыз! 

«Шәп әйдәман» бәйгесенең республика этабында уңышлы чыгыш ясап, 10нчыА сыйныфы укучысы Газизова Сөмбел Ленар кызы, 50 конкурсант арасыннан, 1нче урынга лаек булды.“Минем инициативам” проектлар бәйгесенең республика этабында  проект эшен яклап, 7Б сыйныфы укучысы Фазаелова Сөмбел Хәлил кызы дипломант булды. Әфәрин, кызлар!

Шимбә көнне гимназиядә 4 сыйныф укучылары өчен ачык ишеләр көне үтте

Гимназия-интернат базасында ачык ишекләр көне үткәрелде. Актаныш 1 санлы мәктәбенең 4 класс укучылары һәм аларның әти-әниләре бик кызыксынып, гимназия тормышы, проектлар эшчәнлеге, укучыларның уку һәм интернатта яшәү шартлары белән таныштылар. Алдагы шимбәдә дә (24.03.2018), кызыксынган укучыларны, гимназиядә көтеп калабыз!

17 март көнне, сәгать 10.00дә, гимназиядә ачык ишекләр көне үткәрелә. Кызыксынган  укучыларны һәм әти-әниләрен гимназия белән танышырга көтеп калабыз. Программада: уку һәм яшәү биналарына экскурсия, проект эшчәнлекләренә күзәтү, өстәмә дәресләр карау.

Укучы кызлар арасында “Гимназия гүзәле – 2018” бәйгесе булып узды. Бәйгедә барлык класс кызлары да үзләрен иң-иңнәре итеп күрсәттеләр. Үз-үзең белән таныштыру, аш-суга осталыкларны күрсәтү, викторина сорауларына җавап бирү, җырлау сәләтен ачыклау кебек бәйге этапларында уңганлыкларын, тапкырлыкларын, гүзәллекләрен тамашачыларга тәкъдим иттеләр. Гимназия гүзәле булып, 8а классыннан Салахова Ләйсән танылды. Бәйрәм-бәйгене үз югарылыгында, зәвык белән оештырган 10б классы укучыларына, класс җитәкчесе Саматова Гөлнар Дилфас кызына һәм тәрбияче Каримова Луиза Марсель кызына гимназия җитәкчелеге рәхмәт белдерә.