Бүген, 21 сентябрьдә, Милли кием көне билгеләп үтелә. Мәктәптә бу темага сыйныф сәгате үткәрелде. Балалар татар халкының милли киемнәрендә, баш киемнәрендә катлаулы һәм бай орнаментлар белән таныштылар, шулай ук төрле аяк киеме, югары сәнгатьле зәркән бизәкләре турында белделәр. 

Мәктәп бакчасыннан уңыш җыю дәвам итә. Укучылар, укытучылар, мәктәп хезмәткәрләре бергә кишер, чөгендерне җыйдылар. Үз көчләре белән алган ризыкның тәме дә татлырак!

Бүген мәктәптә гадәттән тыш хәлләр һәм янгын куркынычсызлыгын кисәтү буенча өйрәнү эвакуациясе үткәрелде. Эвакуациянең максаты: укучыларның, мәктәп хезмәткәрләренең гадәттән тыш хәлләр вакытында, янгын, шартлау кыркынычы булганда белемнәрен һәм практик күнекмәләрен камилләштерү иде.Уздырылган чара педагогик һәм техник хезмәткәрләренең, укучыларның белемнәре тиешле дәрәҗәдә булуын күрсәтте.Чара оештырылган төстә үтте, куелган вакытка барысы да сыешты.

"Укучының мәдәни көндәлеге" - мәдәни-белем бирү проектына старт бирелде. Көндәлекләрне башлангыч сыйныф укучыларына китапханәче Идиатова Т.К. тапшырды. Укучылар үзләре катнашкан һәр мәдәни чара турындагы уй-фикерләрен әнә шул көндәлеккә теркәп барачак. Элеккечә, проектка Болгар музей-тыюлыгы да кушылачак. 

“Укучының иминлек көндәлеге” 5 сыйныф укучыларына тапшырылды. Бу көндәлекләр белем бирү максатыннан эшләнгән басма, һәм ул чит планетадан махсус миссия белән Җиргә килгән кечкенә Снуркның маҗаралары турындагы мавыктыргыч комикслардан тора. Укучылар комикс геройлары белән бергә төп юл хәрәкәте кагыйдәләре белән танышалар, юлларда үзеңне куркынычсыз тотарга һәм аларны биремнәр ярдәмендә төрле очракларда гамәлдә кулланырга өйрәнәләр. http://sakla.ru сайтына теркәлеп, кулланучы үзенең блогын булдыра, дуслары белән яңалыкларын уртаклаша һәм бәйгеләрдә катнаша ала.

Продолжается обровольческая акция «Осенняя неделя добра — эстафета добрых дел #ДОБРЫЙТАТАРСТАН #МӘРХӘМӘТЛЕТАТАРСТАН». 12 сентября учащиеся 5 класса занялись убокой памятника павшим в ВОВ. Ребята справились с этим непростым заданием: собрали мусор, сгребли листья. Приятно было смотреть на работу детей, которые с чувством глубокой ответственности выполняли эту работу.

Бүген  балалар һәм укытучылар мәктәп бакчасына эшләргә чыктылар. 5-9 сыйныф укучылары бәрәңге уңышын алды, башлангыч сыйныфлар чәчәкләр җыештырды. Әлеге чара балаларда мәктәпкә, хезмәткә мәхәббәт уята, коллективка эшләргә өйрәтә һәм табигатьне сакларга өнди.