Мәктәптә көзге балга әзерлек бара. Башлангыч сыйныф укучылары бәйрәмгә багышлап, көзге тематикага, төрле табигый материаллардан кул эшләре әзерләделәр. Әлеге кул эшләреннән күргәзмә ясалды. 

19 октябрь көнне бөтен дөнья буенча  “Татарча диктант” акциясе узды. Бишнә төп гомуми белем бирү мәктәбенең укытучылары һәм әти-әниләр дә әлеге акциядә катнашты. Акциянең максаты – татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү. Һәр теләгән кеше, диктант язуда катнашып, татар телен белү дәрәҗәсен тикшереп карый ала. 

Бүген, 18 октябрь көнне, күп кенә илләрдә галстук көнен билгеләп үтәләр. Галстукны укучыларыбыз яратып кияләр. 

Әткәм кебек тырыш көз,

Әнкәм кебек юмарт көз.

Көзләр юмарт булганга

Бик бәхетле, бик шат без.

Бүген, 15 октябрь көнне, 6 нчы сыйныф укучылары инглиз теле дәресеннән "Welcome to Bishnya" дип аталган проектны тәкъдим иттеләр. Бу проект мини гайд форматында ясалды. Укучылар үз авылларындагы иң кызыклы урыннарны күрсәттеләр, алар турында фактлар яздылар. Бу проект укучыларга үз авылларын яңача ачырга ярдәм итте. 

На детской площадке все так интересно,
Наверное, это уже всем известно!

Сәламәт  булыйм  дисәң

Әйбәт  ашарга  кирәк

Спорт  белән  шөгыльләнеп

Дөрес  яшәргә   кирәк.

Бүген, 5 октябрь көнне, мәктәптә Халыкара укытучылар көненә багышланган бәйрәм кичәсе оештырылды. Бәйрәмгә ветеран укытучылар кунак булып чакырылды. Балалар җыр, шигырь, биюләр аша укытучыларга булган рәхмәт хисләрен белдерделәр. Бәйрәмегез котлы булсын, яраткан укытучыларыбыз! 

Мәктәптә Укытучылар көненә әзерлек бара.