Каникул дәверендә ШМО утырышлары бара. Укытучылар 1 чиреккә нәтиҗәләр ясадылар, 2 чиреккә планнар корылды. 

2019-2020 уку елында мәктәптә көзге каникуллар 30 октябрьдән 6 ноябрьгә кадәр дәвам итәчәк. Шулай итеп, балалар 8 көн ял итәчәк. 1 нче уку көне - 7 ноябрь. 

30 октябрь көнне Раифа гомуми урта белем бирү мәктәбендә беренче тапкыр "Синильга" иҗади эшләр конкурсы узды. Әлеге конкурста экологияне яклауга багышланган декоратив-гамәли кул эшләре якланды. Бишна төп гомуми белем бирү мәктәбенең 2 сыйныф укучылары 1 нче һәм 2 нче урыннарны яулаудылар. Укучыларны уңышлары белән котлыйбыз! 

29 октябрь көнне Васильевоның 3 нче мәктәбендә М. Җәлилгә багышланган "Гомерем минем моңлы бер җыр иде" дип аталган муниципаль әдәби бәйге узды. Бәйгедә 8 сыйныф укучысы Хамидуллина Р. 2 нче урын яулады, 5 сыйныф укучысы Закирова З. мактау грамотасы белән бүләкләнде. Укучыларыбызгы киләчәктә дә иҗади уңышлар телибез! 

Россия Федерациясенең дәүләт бәйрәме – Халыклар бердәмлеге көне уңаеннан 29 октябрь көнне тарих, җәмгыять белеме укытучысы Гарифуллина А. Н. һәм 5-9 сыйныфлар ярдәмендә класс сәгате үткәрелде. Укучылар бәйрәмнең килеп чыгышы, үзенчәлекләре белән таныштылар. 

Бүген, 28 октябрь көнне, Мәктәп китапханәсе көне билгеләп үтелә. Китапханәче Идиатова Т.К.ны бәйрәм белән котлыйбыз! 

Исегезгә төшерәбез: 1 нче озын тәнәфестә (3 дәрестән соң) 5-9 сыйныфлар, 2 нче озын тәнәфестә (4 дәрестән соң) 1-4 сыйныфлар китапханәдә яраткан китабыгызны алып укый аласыз. Китапханә ишекләре һәрвакыт  ачык. Рәхим итегез! 

Бүген, 25 октябрь көнне, 5-9 сыйныфлар өчен "Көзге бал" бәйрәме узды. Укучыларны ике командага бүлделәр, бәйрәмгә алар өй эшләре (җыр, шигырь, көзге костюм, плакат) әзерләделәр. Командалар өчен ярышлар үткәрелде. Җиңүчеләргә һәм барлык катнашучыларга баллы бүләкләр тапшырылды. 

24 октябрь көнне башлангыч сыйныф укучылары өчен "Көзге бал" бәйрәме үтте. Җырлар, биюләр белән беррәттән балалар өчен төрле ярышлар үткәрелде.