Бишнә төп гомуми белем бирү мәктәбендә театр атналыгы дәвам итә. Бүген башлангыч сыйныф укучылары үзләре әзерләгән спектакльләрен тәкъдим иттеләр. Балаларга киләчәктә тә иҗади уңышлар телибез!

Бүген безгә кунакка башлангыч сыйныф укучылары килде. Ләкин кунакка буш килмиләр, алар безгә күчтәнәчкә "Аюның туган көне" дгән әкият алып килгәннәр. Әкият балаларның күңеленә бик хуш килде. Аюның туган көненә килгән җәнлекләр белән бергәләшеп "Ак калач", "Самовар" һәм тагын күп төрле уеннар уйнадылар.

Бүген, 6 декабрь көнне, 1нче сыйныфларны укучылар сафына багышлау бәйрәме узды. Укучылар әти-әниләре, укытучылар һәм башлангыч сыйныф укучылары каршында чыгыш ясадылар. 1 нче сыйныф укучыларына уңышлар телибез! 

5 декабрь көнне "Интернет челтәрендә иминлек" темасына 5-9 сыйныфлар өчен бердәм класс сәгате булды. Бу дәреснең төп максаты булып балигъ булмаган балаларга интернет челтәрендә иминлек булдыру торды. Информатика укытучысы Фәтхуллина И.И. укучыларга интернет челтәрендәге информацион ярдәм күрсәтүләр, иминлек кагыйдәләре һәм шулай ук компьютер челтәрендәге куркынычлар турында сөйләде.

Бүген, 3 декабрь көнне, Бишнә төп гомуми белем бирү мәктәбенә талантлы Маликовлар гаиләсе укучыларга концерт оештырды. Бертуган Муса һәм Гайсә Маликовлар һәм Гүзәл Маликова укучыларны уен кораллары белән таныштырдылар, татар халык җырлары башкардылар һәм укучыларны үзләрен дә җырлаттылар. 

Бүген, 29 ноябрь көнне, Бишнә төп гомуми белем бирү мәктәбендә Әниләр көненә багышланган бәйрәм чарасы узды. Бәйрәмгә әниләр, әбиләр чакырылды. Балалар җыр, шигырь, биюләр аша әниләренә булган рәхмәт хисләрен белдерделәр. Бәйрәмегез котлы булсын, яраткан әниләребез!

27 ноябрь көнне бөтен Россия буенча КИТ (компьютерлар, информатика, технологияләр) конкурсы узды. КИТ конкурсы - ул информатикадан мәктәп укучылары арасындагы иң популяр конкурс. Бишнә төп гомуми белем бирү мәктәбенең 2-9 сыйныф укучылары әлеге конкурста катнашты. 

22 нче ноябрь – сүзлекләр һәм энциклопедияләр көне. Шушы уңайдан Бишнә төп гомуми белем бирү мәктәбендә рус теле һәм әдәбияты укытучысы     Фәйзиева З.Ю. 5-9 сыйныф укучылары өчен класс сәгате үткәрде.         Фәйзиева З.Ю. сүзлекләр тарихы, аларның төрләре һәм төзелеше, алар белән эшләү алымнары турында сөйләде.

Бишнә төп гомуми белем бирү мәктәбе "Bookcrossing" бөтендөнья акциясенә кушылды. Бу акция кысаларында укучылар, укытучылар, әти-әниләр һәм барлык теләүчеләр өйдә укылган китапты башка кешегә укырга калдыра ала. Китапларны китапханәче Идиатова Т.К.га тапшырырга кирәк. Китаплар китапханәдәге махсус шкафка урнаштырыла.