9 класс укучылары өчен соңгы кыңгырау яңгырады. Быел мәктәпне 6 укучы тәмамлый. Мәктәп спортзалында узган бәйрәм тантанасы бик эчтәлекле узды. Укучылар елатты да көлдертте дә. Без үз чиратыбызда аларга алдагы сынауларда һәм тормышларында уңышлар теләп калабыз.

5-7 класс укучылары белән психологлар тәмәкенең организмга зарары турныда сөйләштеләр.

Мәктәптә Яшел Үзән шәһәреннән килгән психологлар укучылар белән тренинглар, дәресләр уздырып китте.

Ата-аналар белән оештырылган дәрес, тренинглар да файдалы булды. Психологлар әти-әниләрне балаларына карата дөрес мөнәсәбәттә булу кирәклекне искәртте. 

Немец теле укытучысы Шайхуллина Алсу Фатыйховна 7-9 класс укучылары өчен Батырлык дәресе уздырды. Әлеге дәрес Германия концлагерьлары корбаннарын искә алу көне уңаеннан оештырылды. Укучылар әлеге чарадан үзләре өчен Бөек Ватан сугышы тематикасының яңа сәхифәләрен ача алды, тоткыннарның аяныч, куркыныч язмышлары белән танышып, үзләренә күп кенә гыйбрәтле сабак ала алды.

Бүген, математика атналыгы кысаларында 5-7 класс укучылары арасында Иң тапкыр укучыны билгеләделәр. Шактый авыр гына сынаулардан соң 1 урынны һәм "Иң тапкыр укучы" исемен Шәйхиев Алмаз алды (5 класс), 2 урын - Сайфудинов Умар (7 класс), 3 урын- Гафиятуллин Илназ (6 класс). Афәрин егетләр! 

12 апрель - Космонавтика һәм авиация көне. Шул уңайдан бүген мәктәптә кичә узды. 7  класс укучылары календарьдагы әлеге зур датаның тарихы белән таныштырдылар. Аннан катнашучыларга видеофильм күрсәтелде. Кичә ахырында укучылар викторина сорауларына дөрес җавап биреп бүләкләр дә ота алды.

Математика атналыгы кысаларында фән укытучысы Замалиева Асия Габбазовна 8-9 класс укучылары арасында "Иң көчсез звено" уены уздырды. Җиңүче итеп 9 класс укучысы Вәкилова Илүзә танылды. Котлыйбыз!