Бүгеннән мәктәптә табигать фәннәре атналыгы үз эшен башлап җибәрде. Биология, химия һәм физикадан атна дәвамында кызыклы уеннар, бәйгеләр , чаралар оештырылачак. Идел-Кама дәүләт тыюлыгы уздырган "Заповедная природа" дип исемләнгән республика бәйгесендә 2 урын алган 5 класс укучысы Гайнуллин Камилне гомуми линейкада җиңүе белән котлап мәктәп директоры диплом тапшырды. Камил ясаган рәсем кесә календарендә дә басылып чыккан. Котлыйбыз! 

Ватанны саклаучылар көне һәм хәрби-спорт айлыгы уңаеннан мәктәп укучылары традицион Аҗаган уенында көч сынашты. Барлыгы 3 командага бүленеп укучылар 2-3 атна дәвамында зур әзерлек алып барды һәм уенда югары күрсәткечләргә ия булдылар. Балаларның яраткан уены ул - Аҗаган. Шуңа күрә дә уен-ярыш бәйрәм рухында узды! Афәрин укучылар!

   Хәрби-патриотик айлык кысаларында мәктәп укучылары элеккеге һәм булачак хәрбиләр белән очрашуны дәвам итә. Бүген алар Сызрань шәһәрендә урнашкан хәрби уку йортының икенче курсында белем алучы Гатауллин Булатка үз сорауларын бирә алды. Булат Ачасыр авылы егете. Ул булачак очучы. Шуңа күрә дә аның сөйләгәннәрен балалар бик кызыксынып тыдлады. Батырлык дәресен ТИН дәресе укытучысы Ленар Искәндәр улы оештырды.

Мәктәп укучылары татар теле атналыгы кысаларында күренекле татар әдипләре әсәрләрен сәхнәләштерде. Татар теле укытучысы оештырган әлеге класстан тыш чара Россиядә Театр елына багышланды.

  Мәктәп укучылары волейбол ярышында актив катнашты. Беренчелекне 9 класс, икенче урынны 8 класс, өченче урынны 7 класс укучылары яулады. Афәрин укучылар!

Авылның К.Насыйри исемендәге этнография музее мәктәп укучылары өчен кызыклы чаралар оештырып кына тора. Менә бу юлы башлангыч класс укучылары өчен гипстан эшләнгән эшләнмәләрне бизәкләү,буяу  буенча мастер-класс узды. Бик кызыклы һәм файдалы чара.Зур рәхмәт!

Учитель русского языка и литературы Гафиятуллина А.А. провела внеклассное мероприятие, посвященное  115 летию со дня рождения Аркадия Петровича Гайдара. Учащиеся 6-9 классов ознакомили присутствующих с жизненным и творческим путем писателя, показали театрализованные отрывки из произведений А.П.Гайдара. Интересное и полезное мероприятие для всех! Спасибо!

Бүген мәктәптә " 2019 ел - Россиядә Театр елы"н тантаналы ачтык. Китапханәчебез Шайхиева Г.И. укучылар белән әлеге чараны матур итеп оештырган иде. Укучылар театр тарихы белән дә, дөньяда, илебездә һәм Татарстаныбызда эшләп килүче иң яхшы театрлар белән дә таныштырды. Бик эчтәлекле презентация дә әзерләнгән иде.

В рамках Недели русского языка и литературы сегодняшнее мероприятие приурочили к 100 летию Д.А.Гранина. 

Башлангыч класс укучылары кышкы тематикага рәсемнәр ясап, үз эшләрен мәктәп күргәзмәсенә урнаштырдылар. Күргәзмәне озайтылган көн группасы җитәкчесе Шәйхаттарова Э.Ш. оештырды.