2 март көнне химия-биология укытучысы Шакиров Рамил Фронович мәктәп коллективына 8 класста химиядән ачык дәрес күрсәтте. "Неорганик матдәләрнең төп класслары арасында генетик бәйләнешләр" дигән темага укучылар дәрес барышында төрледән-төрле алымнар аркылы дәреснең асылына төшенде. Интеррактив биремнәр, мәсьәләләр, практик, эксперименталь эшләр  дәрестә уңышлы кулланылды.

   Дәрестә укучылар актив катнашты, дәрес исә югары бәя алды. 

 Бүген  Казан Дәүләт университетының Яшел Үзән филиалы татар филологиясе кафедрасы җитәкчесе Хисамов О.Р. , шул ук факультетның доценты, төрек теле белгече Рифат әфәнде, мәгариф бүлегенең милли эшләр буенча җитәкчесе Гомәрова И.Җ. эшлекле визит белән мәктәбебздә булдылар. Алар югары класс укучыларына факультетның эшчәнлеге, эш юнәлешләре белән таныштырдылар. Соңыннан Рифат әфәнде укучылар белән төрек телен өйрәтү буенча мастер -класс та күрсәтеп утте.

   Бу очрашу укучылар күңелендә кызыксыну уятты, күбесенең шушы факультетка барып уку теләге дә туды бугай.

   24 феврал көнне шәһәрнең 10 нчы гимназиясендә шәһәр һәм районның 15 мәктәбеннән килгән егет солтаннары "Татар егете-ил бөркете" бәйгесенә җыйналды. Бәйгегә килгән һәр егет матур милли киемнәрдән иде. Башта һәрберсе үзләре турында таншытырдылар. Безнең Абзалетдинов Булат "үзем турында үзем сөйлим" - дип матур шигырь юллары белән сөйләп тә бирде. Аннан егетләрне зирәклектә, тапкырлыкта, татар тарихын, әдәбиятын белү буенча тикшереп алдылар. Безнең Булат монда да сынатмды. Аннан инде һәрберсе үзенең шөгылен, һөнәрен күрсәтте. Кемдер шигырь сөйләде, кемдер җырлады, кемдер көрәште, ә кемдер матур итеп биеде. Ә безнең Булат үзенең иптәшләре белән аерым сценка уйнап, үзенең Коръән укуын да, моңлы итеп җырлавын да, матур итеп биюен дә күрсәтте.  Чыгышын "милләтемне, телемне, динемне саклау минем изге бурычым"- дип тәмамлаганда күпләрнең күзләренә яшь килде.

  Менә дулкынландыргыч өлеш тә килеп җитте. Һаят әгзалары җиңүчеләрне атый. Нинди генә номинацияләр юк, аларның һәрберсе буген җиңүче. Тик шулай да безнең Булат "Татар егете-ил бөркете - 2012" бәйгесендә 1 урын алып, "Егет солтаны" дигән исемгә лаек булды.

  Әйе, безнең Булат бу исемгә бик тә лаек. Ул һәрвакытта да шундый акыллы, сабыр, олыны олы, кечене кече итә белде. Кызганыч, быел Булатыбыз 11 не бетерә. Без аңа БДИ ларын уңышлы гына тапшырып, уз максатларына ирешүен, бәхетле булуын телибез.

              Без синең белән горурланабыз Булат!

     В рамках методического месячника опытом своей работы поделилась учительница русского языка и литературы Альфия Абдулсаматовна Гафиятуллина. Она провела в 8 классе открытый урок на тему "Обобщающие слова при однородных членах". На уроке были применены разнообразные методы и приемы, повышающие мотивацию к обучению.

    Урок получил высокую оценку.

   17 февраль көнне Яшел Үзән шәһәрендә мәктәп укучылары арасында троеборье буенча муниципаль бәйге булып узды. Әлеге ярышта безнең мәктәп укучыларыннан торган команда да көчен сынады, команда составында 11 класс укучылары Абзалутдинов Булат, Файзуллин Әсхәт, Гыйзатуллина Фирүзә, 9 класс укучысы Гайнуллина Илүзә катнашты. Һәм менә бүген бу ярышның нәтиҗәләре билгеле булды. 17 команда арасында:

       Ачасыр урта мәктәбе командасы - 2 урын яулады, ә шәхси җиңүләргә килгәндә,

      11 класс укучысы Абзалутдинов Булат мылтыктан ату буенча дистәләгән егет арасында 2 урынга лаек булды.

    Команданы һәм аларны бу ярышка әзерләгән укытучыларын Шайхуллин Рафаэль Гарафетдиновичны зур җиңүләре белән котлыйбыз! 

      Бүген, ягъни 20 нче февраль көнне, мәктәптә традицион әтиләр конференциясе булып узды. Конференция барышында әтиләр бала тәрбиясе, көндәлек режимны саклау мәсьәләләре буенча чыгышлар тыңладылар. Шулай ук, "Коръән елы" уңаеннан әхлакый темага да фикер алышулар булды. Аннан соң, мәктәп директоры Максумов М.М. бүгенге көн проблемаларына, мәктәпне тоту, саклап калу мәсьәләләренә басым ясады. Директор урынбасары Гатиятуллин М.Г. уку-укыту мәсьәләләренә тукталса, тәрбия эшләре буенча директор урынбасары Абзалина Г.А. тәрбия юнәлешенә тукталып үтте.

   Җыелышта һәркем үзенә файдалы мәгълүматлар алгандыр дип ышанып калабыз. 

   18 февраль көнне мәктәптә хәрби-патриотик айлык кысаларында "Аҗаган-2012" дип исемләнгән хәрби уеннар узды. 9-11 класс укучылары чаңгы ярышларында һәм волейболда көч сынашсалар, 1-8 класс укучыларыннан торган 4 команда хәрби уеннарда бик теләп катнашты. Елдагыча хәрби уеннар бик мавыктыргыч һәм күңелле узды. Командалар строй җырын башкаруда, дөрес итеп атлауда, яшерелгән флагны эзләүдә, вакытка чәй кайнатуда, мылтык җыю һәм аннан атуда, граната һәм туп ату, санитарлар ярышы, эстафета кебек ярышларда көчләрен сынадылар. Нәтиҗәләрен дүшәмбе линейкасында хәбәр итәчәкләр. 

  Февраль - хәрби-патриотик айлык буларак барлык мәктәпләрдә дә билгеләп үтелә. Ачасыр мәктәбендә дә бик күп чаралар инде узды. Тормыш иминлеге нигезләрен укытучы Шайхуллин Рафаэль Гарәфетдинович бүгенге көндә укучыларга хәрби әзерлек буенча өйрәтүләр алып бара. Мылтык җыю, мылтыктан ату буенча ярышлар уза. Бу чараларга кызлар да бик теләп катнаша. Һәм әйтергә кирәк, кызларның тырышлык һәм үҗәтлекләре  юкка китми, нәтиҗәләре егетләрне көнләштерерлек. Бигрәк тә 9 класс укучысы Гайнуллина Илүзә һәм 11 класс укучысы Гыйзатуллина Фирүзә югары әзерлекле булуларын бүгенге ярышта тагын бер кат расладылар. Алар җомга көнне узачак район ярышларында көчләрен сынаячак. Бу ярышларда мәктәп командасына уңышлар телибез!

   14 февраль - Гашыйклар көне. Бүгенге замана яшьләренең иң яраткан бәйрәм көнедер. Традиция буенча Гашыйклар көнен бүген мәктәптә 8-11 класс укучылары да билгеләп узды. Әзерлек атна дәвамында барды, "Мәхәббәт почтасы" валентинкалар кабул итте.  Чараны 9 класс укучылары шактый күңелле оештырганнар иде. Төрле уеннар, бәйгеләр үткәрелде, егетләр һәм кызлар арасында "Иң-иң" нәр билгеләнеп, аларга медальләр тапшырылды, атна буе җыелган валентикаларны тантаналы рәвештә үз хуҗаларына җиткерделәр. Кичә дискотека белән дәвам итте.   

Бүген мәктәп беренчелегенә волейбол ярышлары булып узды. Анда 8-11 класс укучылары катнашты. Шактый гына кызу уеннан соң җиңүчеләр билгеле булды:

1урын - 11 класс

2 урын - 8 класс

3 урын - 9 класс.

Барлык командаларны да котлыйбыз!