Бүген районыбызның Норлат гомуми урта белем мәктәбендә республика конференциясе булып узды. Әлеге чарага Казан шәһәреннән зур кунаклар килүе бәйгенең мөһим һәм дәрәҗәле булуын раслады. Академиклар, бертуган Индүс һәм Энгель Таһировлар, КФУ галимнәре, шагыйрә Э.Шәрифуллина, Ф.Мөслимова, Мәгариф министрлыгы вәкилләре, журналистлар белән очрашу зур тәэсирләр калдырды. Республика һәм Чувашия мәктәпләреннән килгән укучылар алты секциягә бүленеп эшләделәр. Конференциядә безнең мәктәп укучылары да уңышлы чыгыш ясадылар:

Бикмуллин Рәсим, 9 кл. - 2 урын

Сәйфетдинов Айдар , 10 кл. - 2 урын

Ганиев Ришат, 10 кл. - 3 урын.

Әлеге егетләрне, аларны әзерләгән укытучыларын зур уңышлары белән котлыйбыз! Афәрин!

11-16 март көннәрендә мәктәптә химия-биология атналыгы узачак. Төрле бәйгеләр, кичәләр, очрашулар планлаштырыла. Укучыларның иҗади эш күргәзмәсе атна дәвамында эшлиячәк һәм тулыландырылачак. Атналыкка рәхим итегез! 

  8 март- язның иң күркәм бәйрәмнәренең берсе. Бү көнне бигрәк тә балалар ярата, чөнки үз куллары белән ясаган бүләкләрен, открыткаларын, шигырь һәм җырларын әниләренә бүләк итә.

  Бу көнне мәктәпнең башлангыч класс кабинетлары гөҗләп торды. Әниләренә үзләренең бар һөнәрләрен күрсәттеләр, бәйрәм белән котладылар.

   Кичә, Яшел Үзән шәһәренең 10 нчы номерлы гимназиясендә яшүсмерләрнең Каюм Насыйри исемендәге XI төбәкара фәнни-гамәли укулары узды. Конференциянең географиясе шактый киң: Чувашия, Марий-Эл, Арча, Әтнә, Кайбыч, Сарман, Буа, Биектау һ.б. Чакырылган кунаклар да танылган шәхесләр, профессорлар, шагыйрьләр, журналистлар, иҗтимагый оешма җитәкчеләре һ.б. Әлеге укуларда безнең мәктәптән дә 3 укучыбыз катнашты. Һәм нәтиҗәләре шатланырылык:

Ганиев Ришат, 10 класс - 1 урын (җитәкчесе Шакиров Р.Ф.)

Бикмуллин Рәсим, 9 класс - 2 урын (җитәкчесе Гатиятуллин М.Г.)

Сәйфетдинов Айдар , 10 класс - 2 урын (җитәкчесе Максумов М.М.)

Афәрин егетләр! Әлеге бәйгегә әзерләгән укучыларның укытучыларына зур рәхмәтебезне җиткерәбез. 

  Мәктәпнең барлык ир-егетләр коллективын Ватанны саклаучылар көне белән тәбрик итәбез. Исәнлек-саулык, бәхет, уңышлар һәрвакыт юлдаш булсын сезгә!

21 февраль көнне “Халыкара Туган тел көне” үткәрелә. Бу көн Юнесконың Генераль Ассамблеясе тара-фыннан 1999 елда кабул ителә. Бу көнне үткәрүнең максаты – илдәге барлык телләрне бер дәрәҗәдә күрү, туган телне куллану, бигрәк тә милли азчылыкны тәшкил иткән телләргә игътибарны арттыру.

Дөньяда барлыгы 6 меңгә якын телдә сөйләшәләр. Әлбәттә аларның һәрберсе дә төрле һәм төрле җирләргә таралган. Әйтик, кытай телендә миллиардка якын кеше сөйләшә, ә кайбер телләрдә сөйләшүчеләрнең саны берничә дистәгә генә җитә. Халыкара туган тел көнне барлык телләр дә бер дәрәҗәдә  исәпләнә. Юнесконың Генараль директоры белдергәнчә: “һәр тел дә нинди дә булса халыкның туган теле, шуңа да без аларны сакларга бурычлыбыз”.

Без – татарлар. Безнең туган телебез – татар теле. Шуңа күрә без дә бүгенге көндә үзебезнең телебезгә игътибарлы һәм ихтирамлы булыйк. Аны чит сүзләр белән пычратмыйк! Башкалардан да телебезне хөрмәт итүләрен таләп итик!

    Мәктәптә хәрби-патриотик айлык дәвам итә. Бүген тормыш иминлеге нигезләрен укытучы Шайхуллин Р.Г. укучыларга, бигрәк тә укучы егетләргә кызыклы очрашу оештырды. Ватанны саклаучылар көне уңаеннан безнең мәктәпне тәмамлап, бүгенгесе көндә Хәрби-кораллы көчләрнең Спецназ бүлегендә хезмәт итүче егетебез Вакилов Радик белән җанлы очрашу булып узды. Радикның  чыгышы укучыларга нык тәэсир итте дип әйтәсе килә, чөнки бик диккат белән тыңлап утырдылар, соңыннан үзләрен кызыксындырган сорауларга җаваплар алдылар. Очрашу истәлеге итеп Радикка бүләккә китап тапшырылды һәм аның белән фотога төшелде. Ватаныбызны саклауда тыныч хезмәт телибез, Радик, сиңа!  

    Бүген Әйшә урта мәктәбендә Г.Тукай иҗатына багышланган шигырь бәйрәме узды. Әлеге чарада катнашкан укучылар Тукай шигырьләрен яки Тукай турында язган үз иҗат эшләрен укыдылар. Ачасыр мәктәбен 6 класс укучысы Кашапова Әлфинә тәкъдим итте (җитәкчесе Гатиятуллин М.Г.). Әлфинә үзе язган шигырен сөйләп,  лаеклы рәвештә 3 урын алып  диплом белән бүләкләнде. Афәрин Әлфинә! Алга таба да шигырьләр иҗат итүдә уңышлар телибез!

  Бүген мәктәптә, традицион рәвештә,  Ватанны саклаучылар көне алдыннан Әтиләр конференциясе булып узды. Җыелыш алдыннан башлангыч сыйныф укучылары "Сәламәтлек театры" белән чыгыш ясадылар. Бу чыгыш муниципаль турда 1 урын алып республика турына узган иде. Чыгыш бик матур килеп чыкты.

   Конференциянең төп өлеше аудиториядә узды. Укытучылар әтиләр алдында төрле проблемаларны яктыртып чыгышлар ясадылар. Укытучылар әтиләрнең үз балаларына игътибарны күберәк бирергә кирәклеккә басым ясадылар, дәресләргә һәм имтиханнарга әзерлек, укучыларның формадан йөрүләре кебек мәсьәләләр дә күтәрелде. Конференциягә йомгакны мәктәп директоры Максумов М.М. һәм җирле үзидарә башлыгы Кадыйров Р.С. ясады.