МБОУ «Ачасырская основная общеобразовательная школа Зеленодольского муниципального района РТ"
Визитная карточка
| Адрес: | 422515, РТ, Зеленодольский район, с.Большие Ачасыры, ул. Ленина, д 10 |
| Телефон: | +7(843)-712-56-28 |
| E-Mail: | Sach.zel@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Ачасырская ООШ ЗМР РТ" |
| Руководитель: | Мухаметзянов Ильгам Ильдарович |
| Год основания учреждения: | 1956 |
| У нас учатся: | 19 |
| У нас учат: | 11 |
МБОУ «Ачасырская основная общеобразовательная школа Зеленодольского муниципального района РТ" - новости
Страницы: << 101 102 103 104 105 ( 106 ) 107 108 109 110 >>
-
Сәламәтлек көне 07.04.2012

Шимбә, 7 апрель көнне, мәктәптә Халыкара Сәламәтлек көнен билгеләп уздык. Шул уңайдан уку йортында күптөрле чаралар оештырылган иде. Сәламәтлек көне класс сәгатьләреннән башланып китте, анда укучылар белән Сәламәтлек дәресләре уздырылды. Шуннан соң башлангыч сыйныфларда күңелле стартлар, урта буында теннис буенча ярышлар, югары сыйныфлар волейбол буенча көчләрен сынадылар.
-
Волейбол буенча ярышларның муниципаль этабында
03.04.2012
Мәктәпнең волейбол буенча егетләр командасы бүген Яшел Үзән шәһәрендә волейбол буенча ярышларның муниципаль этабында катнашты. Моңа кадәр егетләребез Норлат зонасында, шуннан соң Яке мәктәбе командасы белән ярышып район беренчелегендә җиңеп чыкканнар иде. Финалда егетләребез 3 гимназия һәм 9 нчы лицей командалары белән очрашты. Шактый кискен барган уенда уңыш шәһәрлеләр яклы булып чыкты. Әмма без Ачасыр мәктәбенең волейбол командасы алган 3 урынга да бик шатланабыз һәм дә егетләргә, аларның тренерлары Шайхуллин Р.Г. ка афәрин дибез!
-
Мәгариф идарәсе җитәкчесе мәктәптә кунакта! 02.04.2012

Яшел Үзән районы һәм шәһәренең мәгариф идарәсе җитәкчесе Купоросова Ольга Владимировна Ачасыр мәктәбендә булып китте. Җитәкченең безнең мәктәпкә бу беренче визиты, шунлыктан беренче эш итеп мәктәп белән танышып чыкты. Ольга Владимировна хисләрен бер дә яшермәде, чын күңеленнән мәтәпнең һәм кабинетларның торышына, җиһазланышына соклануын белдерде. Соңыннан мәктәп коллективы һәм ата-аналар белән очрашу уздырды. Очрашу-сөйләшү 2 сәгатькә якын барды. Җитәкче мәктәпкә яхшы, күңелле хәбәрләр белән килгән иде, Ачасыр мәктәбе урта мәктәп статусын саклап калып киләсе уку елына 10 сыныфка укучылар кабул итәчәк, моңа өстәп җитәкче мәктәп ашханәсенә электр плитәсе бирәчәк һәм дә мәктәп түбәсенә капиталь ремонт ясатуда ярдәм итәчәк. Шунлыктан җыелыштан һәркем канәгатьлек хисе белән таралды.
-
Химия-биология атналыгы кысаларында 22.03.2012

Химия-биология атналыгы кысаларында мәктәптә "Кошлар-безнең дусларыбыз" дигән исем астында рәсем һәм иҗади эшләр бәйгесе оештырылды. Бәйгедә актив рәвештә башлангыч класс һәм 5-7 класс укучылары актив катнашты. Бүген исә жюри бәйгегә куелган 21 эш арасыннан иң яхшыларын сайлап алды. Җиңүчеләрне диплом һәм бүләкләр белән гомуми линейкада бүләклиячәкләр!
-
9 лар чираттагы сынауны узды! 21.03.2012

9-11 класс укучылары соңгы ике атнада үз көчләрен, белемнәрен КФУ оештырган тестирование аша тикшерә алды. Бүген исә соңгысын 9 класс укучылары математикадан узды. Гомумән алганда чыгарылыш класс укучылары барлык сынауларны да уңышлы гына узды дип санарга була. Киләсе атнада исә аларны тагы да җитдирәк сынау, Норлат мәктәбе базасында рус теле һәм математикадан пробный ЕГЭ һәм ГИА көтә. Укучыларга имтиханнарда бары тик уңышлар гына теләп калабыз!
-
Әлифба бәйрәме! 21.03.2012

Кабатланмас балачак иленең иң зур бәйрәмнәренең берсе - Әлифба бәйрәме. Җир йөзендә кем генә булмасын, кайда гына эшләмәсен, ул зур дулкынлану белән үзенең нәни кулларына тәүге тапкыр Әлифба алганын искә төшерә. Чөнки һәркемнең дә белем дөньясына беренче адымы Әлифбадан башлана.
Бүген безнең мәктәптә дә шаулап-гөрләп "Әлифба бәйрәме" узды. Бу бәйрәмдә 1 нче классның 3 укучысы үзләренең һөнәрләрен, белемнәрен күрсәттеләр.
Алар матур шигырьләр сөйләделәр. Кызыклы биремнәр үтәделәр. Бәйрәмнең төп геройлары Әлифба, Математика һәм Туган тел дәреслекләре иде. Балалар Әлифбага зур рәхмәтләрен белдереп, Туган тел китабын шатланып каршы алдылар.
Кызыклы, мавыктыргыч кичәне оештырганы өчен 1 классларның укытучылары Замалиева Фәридә Гапделбариевнага зур рәхмәт белдерәбез!
-
Мәктәпнең волейбол командасын зур җиңүләре белән котлыйбыз!
21.03.2012
Бүген, Норлат мәктәбе базасында волейбол буенча муниципаль ярышларның зональ туры узды. Ачасыр мәктәбенең волейбол буенча егетләр командасы Свияжск, Норлат, Танай командаларын җиңеп беренчелекне яулады һәм шул рәвешле киләсе турга узды. Алда егетләрне Осиново һәм Васильево командалары белән финал ярышлар көтә. Егетләрне чын күңелебездән уңышлары белән тәбрик итәбез һәм дә алдагы уеннарында уңышлар теләп калабыз!
-
Көрәш мәйданында! 17.03.2012

17 март көнне Яшел Үзән шәһәрендә Яшел Үзән муниципаль районы башлыгы һәм "Яшел Үзән" газетасы призларына көрәш буенча районара турнир булып узды. Шушы ярышта уңышлы чыгыш ясап, 3 урынга лаек булган 9 класс укучысы Яриев Айнурны чын күңелебездән тәбриклибез. Алдагы ярышларда да уңышлы чыгышлар теләп калабыз.
-
"Тау ягы бөек шәхесләре эзләреннән" исемле конференциядә җиңү!
13.03.2012
13 март, Акъегет урта мәктәбендә "Тау ягы бөек шәхесләре эзләреннән" исемле төбәкара фәнни-гамәли конференция булып узды. Әлеге чарада мәктәпнең 9 класс укучысы Ганиев Ришат катнашып, үз номинациясендә җиңүче итеп танылды. Ришатны һәм аның җитәкчесе Гатиятуллин М.Г. чираттагы уңышлары белән котлыйбыз!
-
Укытучылар авыл мәдәният йортында бәйрәм концертында катнашты 11.03.2012

7 март көнне мәктәпнең укытучылар коллективы "Яз гөлләре бүләк итәм сиңа" дип исемләнгән концерт программасы белән авыл мәдәният йортында чыгыш ясадылар. Талантларга бай безнең коллектив. Җырчылар, нәфис сүз осталары, гармунчылар дисеңме! Бәйрәм чыгышы "Беренче театр"дан өзек күрсәтү белән башланып китте, чын артистларча башкарып чыкты төп ролләрне коллегаларыбыз, ансамбль белән башкарылган җырлар да авылдашларыбызның күңелләренә хуш килде. Шулай ук матур, моңлы тавышлары белән тамашачыларны Гобәйдуллина Р.А., Абзалина Г.А., Гатиятуллин М.Г., Шакиров Р.Ф. куандырдылар. Гомүмән алганда, бәйрәм концерты һәркемнең күңеленә хуш килгәндер дип ышанып калабыз.












