10.10.2020 Казанның «Ак Барс Арена» стадионы территориясендә бөтенроссия йөгерү көне - «Милләт кроссы» узды. Беренчел мәгълүматлар буенча, ярышларда 18 меңгә якын кеше катнашты. Бәйрәмдә катнашучылар арасында яшь спорт сөючеләр, спортчы-ветераннар һәм безнең гимназия укучылары да бар иде. Бу чарада катнашучыларга активлыклары өчен рәхмәт белдерәбез һәм аларга спортта уңышлар телибез!

Бүген, 5 нче октябрь көнне, безнең гимназиядә халык күп җыела торган урыннарда табигый һәм техноген характердагы гадәттән тыш хәлләрдә үз-үзен тотышына багышланган ачык дәресләр үткәрелде. Биредә бу темага багышланган презентацияләр каралды, лекцияләр укылды. Әңгәмәләр вакытында янгын куркынычсызлык мәсьәләләренә һәм ашыгыч хезмәтләрне бердәм “112” чакыру номерын куллануына аерым игътибар ителде.

Ел саен октябрь башында илебез матур бәйрәм – Россия укытучылары көнен билгеләп үтә. Нәкъ менә бу көнне безнең кадерле педагогларыбызга рәхмәт сүзләре әйтәләр, чәчәкләр һәм бүләкләр бүләк итәләр, концертлар оештыралар.

Бу атна – гимназиябездә җыештыру өмәсе атнасы дип игълан ителде. Гадәттәгечә бу чара территорияне чистарту һәм аны яшелләндерү буенча сентябрьнең соңгы атнасында үткәрелә. Укучылар сыйныф җитәкчеләре белән берлектә көнкүреш чүп-чарны, коры үләнне җыештырдылар. Өмә – ул җыештыру гына түгел, ул хезмәт һәм гражданлык-патриотик тәрбия дә. Безнең укучыларыбыз моны бик яхшы аңлыйлар һәм чисталык буенча үткәрелгән бу чараны хуплыйлар.

Гриппка каршы ел саен вакцинация ясау-гриппка каршы профилактиканың иң нәтиҗәле чарасы. 2020 елның 21-29 сентябрендә видеороликларны сылтама буенча карарга була:

https://www.youtube.com/watch?v=1YO_jXuNM8k

https://www.youtube.com/watch?v=i4USooD-plM

26 октябрь көнне сәгать 11.00. гимназия бинасында (Казан шәһәре, Н.Назарбаев ур., 48) "ТАТАРЧА ДИКТАНТ” Бөтендөнья белем бирү акциясе узачак. Барлык теләүчеләрне әлеге чарада катнашырга чакырабыз.

Бүген, 16нче сентябрь көнне, гимназиябездә планлы уку эвакуациясе үтте. Укучылар, укытучылар, гимназия хезмәткәрләре тиешле бөтен таләпләрне дә үтәделәр.

16 сентябрь көнне гимназиядә «Бергә үсәбез» дигән шәһәр акциясе узды. Анда икенче сыйныф укучылары һәм аларның сыйныф җитәкчеләре катнашты. Акция кысаларында агач үсентеләре утыртылды, алар балалар белән бергә үсәчәк. Акция укучыларда гаилә статусын ныгыту, тискәре социаль күренешләргә каршы тору, шәһәр, өлкә, дәүләт язмышында катнашу, гаилә тәрбиясенең иң яхшы тәҗрибәсен трансляцияләү максатыннан үткәрелә.

Бүгенге көндә әйләнә-тирә дөнья бертуктаусыз һәм динамик рәвештә үзгәрә. һөнәрләр дөньясы  барлык икътисади, социаль һәм хәтта сәяси үзгәрешләрне чагылдыра, шуңа күрә  шәхескә карата да таләпләр даими үзгәреп тора. Бу, үз чиратында, һөнәри юнәлеш бирү проблемаларын тагын да кискенләштерә. Идеаль хәлдә яшүсмер актив, эшчән булырга, хезмәт базарындагы вәзгыятькә тиз җайлаша белергә, һөнәрләрнең күптөрлелегенә уңышлы ориентлашырга һәм аның шәхси сыйфатларының сайлаган белгечлеккә ни дәрәҗәдә туры килүен билгели белергә тиеш. Бүген кооператив институты вәкилләре 9 һәм 11 сыйныфларда лекцияләр үткәрделәр.