24 май - Славян язуы һәм мәдәнияты көне итеп билгеләп үтелә.  1991нче елның 30 нчы гыйнварында РСФСР ның Югары Советы Президиумы ел саен Славян язуы һәм мәдәнияте көннәрен үткәрү турында карар кабул итте.
Традициягә кергән бу көн бүген мәгърифәт һәм рухият бәйрәм буларак билгеләп үтелә. Ул безнең рухи кыйммәтләребезнең, мәдәниятебезнең, тарихи традицияләребезнең символы булып тора. Бу вакытта җәмәгатьчелекнең игътибары рус теленә, аны саклауга аеруча нык юнәлдерелә.

Әлеге истәлекле көн кысаларында “Славян язуы серләре” исемле квест-уен узды. Укучылар тәкъдим ителгән биремнәрне башкардылар, сорауларга җавап бирделәр.

Славян язуы һәм мәдәнияты көне кысаларында Алдынгылар хәрәкәте “Сүзне әйт” исемле интерактив тәнәфесләр уздырдылар. Башлангыч сыйныф укучылары иске славян телендәге сүзләрнең мәгънәләрен әйтеп бирергә тырыштылар. Уен укучыларга бик ошады.

Бүген, 20 нче май көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес балалар иҗтимагый оешмалары, аның тарихы, пионерия  турында иде һәм «Һәрвакыт әзер бул! Балалар иҗтимагый оешмалары көне» дип аталды.

19 май -  Рәсәйдә балалар иҗтимагый оешмалары көне, совет чорында ул Пионерия көне дип атала иде. 

Бүген укучылар гимназия тарихында булган оешмалар, шул чор укучылары оештырган чаралар белән таныштылар. Фотосурәтләр аша үткән белән килүчәкнең бәйләнешенә төшенделәр, лаеклы гимназистлар булырга сүз бирделәр.

15 нче май көнне 3 нче А сыйныфы укучылары Казан (Идел буе) федераль университетына экскурсиягә бардылар. Укучылар зоология һәм этнография музейларында булдылар. Кызыклы экспонатлар белән таныштылар.

Гимназиябездә Бөек җиңү көненә багышланган чаралар дәвам итә. Бүген 1-8 сыйныфлар арасында “Бу көнне без булдыра алганча якынайттык” ватанпәрвәр җырлар бәйгесе үтте. Укучылар эчтәлекле, мәгънәле җырлар башкарып, үзара көч сынаштылар.

13 майдан Язгы игелеклелек атналыгы башланып китте. Гимназиябездә бик күп чаралар уза. Бүген башлангыч сыйныфлар арасында эстафета үтте. Укучылар сәламәтлекне ныгыту өчен кызыклы һәм файдалы биремнәр башкардылар.

Алдынгылар хәрәкәте үз эшен дәвам  итә. Игелеклелек атналыгы кысаларында Волонтерлык юнәлеше кураторы Сибгатуллина Сабина 9 нчы сыйныф укучыларын волонтерлык эше белән таныштырды.

Волонтер» - инглиз теленнән «үз теләге белән ярдәм итүче» дип тәрҗемә ителә. Алар элеккеге тимурчыларны хәтерләтә. Нинди генә чаралар үткәрелгәндә дә алар актив катнашырга омтылып торалар. Укучылар яки яшьләр арасында тырыш, уңганнар гына волонтерлык эшен җиренә җиткереп башкара ала. Алар ихластан хәйрия эшләрендә дә катнашалар, ялгыз картларга, өлкәннәргә, ятимнәргә ярдәм итәргә ашыгалар.

Язгы игелеклелек атналыгы кысаларында, башлангыч сыйныфларда кинокич уздырылды. Укучылар волонтерлык турында мультфильм карадылар, фикер алыштылар.

Бүген, 13 нче май көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес А.С.Пушкин тормыш юлы һәм иҗаты, рус теле көненә багышланган иде һәм «Рус теле. Бөек һәм көчле. А.С.Пушкинның тууына 225 ел» дип аталды.