Казан шәһәренең ЮХИДИ бүлекчәсе  юл хәрәкәтен профилактикалау буенча  әйдәп баручы белгече Мозафарова З.В. башлангыч сыйныф укучылары белән профилактик әңгәмә үткәрде.

Нәни укучыларга зур юлларда йөрү, үз-үзеңне тоту кагыйдәләре турында сөйләде.

Әңгәмәнең максаты- язгы чорда балаларның юл-транспорт травматизмын кисәтү. Юл хәрәкәте иминлеген пропагандалау инспекторы укучыларга юлда йөрү өлешендә үз-үзеңне дөрес тоту турында сөйләде. Полиция инспекторы билгеләп үткәнчә, иртә яшьтән үк юл хәрәкәте кагыйдәләрен тайпылышсыз үтәргә һәм  кире йогынтыга бирелмәскә кирәк.

Инспектор белән бергә балалар юлда куркынычсызлык кагыйдәләрен һәм юл билгеләрен кабатладылар. 

Гимназиябез укучылары 9 май бәйрәменә багышланган “Җиңү тәрәзәләре” исемле акциядә катнаштылар. Сыйныф тәрәзәләрен бизәделәр.

Михаил Девятаев (1917 — 2002) — Бөек Ватан сугышы елларында немец самолетын кулга төшереп, әсирләр белән бергә концлагерьдан кача алган каһарман. Тумышы белән хәзерге Мордовия Республикасының Тәрби бистәсеннән. 1938 елда Казанда Елга техникумын тәмамлаган. Сугыштан соңгы елларда да Казанда яшәгән.

Гимназиябез укучылары ел саен Елга порты янында М.Девятаев истәлегенә куелган элмә такта янына барып, Советлар Союзы героен искә алалар.

Быел “Юнармия” отрядына йөрүче 5 нче В сыйныфы укучылары батырның тормыш юлы турында сөйләделәр. Алдынгылар советына йөрүче өлкән сыйныф укучылары ялкынлы шигырьләр белән Девятаевны искә алдылар. Советлар Союзы герое хөрмәтенә куелган элмә такта янына укучылар чәчәкләр салдылар.

Бүген, 6 нче май көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес Бөек Ватан сугышы, сугыш чоры балалары һәм алар эшләгән батырлыклар турында иде һәм «Җиңү көне» дип аталды.

Гимназиябездә психология атналыгы тәмамланып килә. Бүген 11 нче сыйныфта психолог катнашында түгәрәк өстәл узды. Укучылар заманча һөнәрләр, аларның актуальлеге турында фикер алыштылар. Эльмира Фоатовна укучыларга һөнәр сайлау буенча киңәшләр бирде.

Бүген башлангыч сыйныфлар арасында “1 май бәйрәме турында ниләр беләсең?” исемле викторина узды. Укучылар бәйрәмнең тарихы белән бәйле сорауларга җавап бирделәр. Яңа мәгълүматлар белделәр.

27 нче апрель көнне гимназиядә шимбә иртәсе  РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес табигатебезне, җиребезне саклау, чүпләрне аралау юллары темасына багышланган иде һәм «Экологик куллану» дип аталды.

26 нчы апрель көнне гимназиябез радиосында бөек шагыйребез – Г.Тукайның тормыш юлы һәм иҗатына багышланган радиоэфир узды. Укучылар Г.Тукайның тормышы турында кызыклы фактлар белән таныштылар, әсәрләрен тыңладылар.

Гимназиябез командасы ел да Бөтендөнья татар яшьләре үткәргән чараларда бик теләп катнаша. Укучылар заманда, туган телебездә булган уеннар, акцияләр бик ошый.

Быел исә Казан квест уенында катнашып гимназиябез такымы 2 урынга лаек булды.

Укучы кызларыбызны җиңүләре белән котлыйбыз!

Психология атналыгына багышланган чаралар дәвам итә. Бүген гимназиябез психологы 4 нче В сыйныфында “Бәхет учларда, кояш кулларда” темасына чара үткәрде. Укучылар бәхет төшенчәсе турында сөйләштеләр, фикер алыштылар. Бәхетне рәсемнәрдә сурәтләделәр.